ខេត្តស្វាយរៀង ៖ រហូតមកទល់នឹងថ្ងៃទី៩ ខែកញ្ញា ឆ្នាំ២០២០ មានគោក្របីជាង៥ម៉ឺនក្បាល ត្រូវបានមន្ត្រីបសុព្យាបាលចាក់វ៉ាក់សាំងការពារជំងឺអុតក្តាមនិងសាទឹក បន្ទាប់ពីមានគោក្របីរាប់សិបក្បាលបានងាប់នាពេលកន្លងមក នៅឃុំសំរោង ស្រុកចន្ទ្រា និងឃុំប្រាសាក់ ស្រុកស្វាយជ្រំ។
លោក ប៉ែន ចន្ធី ប្រធានការិយាល័យផលិតកម្មសត្វនិងបសុព្យាបាលនៃមន្ទីរកសិកម្ម រុក្ខាប្រ
មាញ់ និងនេសាទខេត្ត បានឲ្យដឹងថា បើគិតនៅឆមាសទី១ ឆ្នាំ២០២០ មន្ត្រីជំនាញបានចុះ
ធ្វើសកម្មភាពអប់រំផ្សព្វផ្សាយនិងចាក់វ៉ាក់សាំងការពារជំងឺសាទឹកដល់គោក្របីប្រជាពលរដ្ឋទូទាំងខេត្តសរុបចំនួន២២.៤៧៧ក្បាល ក្នុងនោះគោ១៦.៤១៥ក្បាល ក្របី៦.០៦២ក្បាល ។ ចាក់
វ៉ាក់សាំងការពារជំងឺអុតក្តាមបានសរុប៤.៧៣០ក្បាល ក្នុងនោះគោចំនួន៣.៣៧៤ក្បាល និងក្របីចំនួន១.៣៥៤ក្បាល។
លោកបន្តថា ចំណែកនៅត្រីមាសទី៣នេះបានចាក់វ៉ាក់សាំងការពារជំងឺសាទឹកលើសត្វដែលកសិករចិញ្ចឹមសរុបបាន៣០.១៦៧ក្បាល ក្នុងនោះគោបាន១៥.៧៥២ក្បាល និងក្របី១៤.៤១៥
ក្បាល និងចាក់វ៉ាក់សាំងការពារជំងឺអុតក្តាមបានសរុប៥.៣០០ក្បាល ក្នុងនោះគោចំនួន៣.៧០៤ក្បាលនិងក្របីបាន១.៥៩៦ក្បាល ។
លោក ប៉ែន ចន្ធី ថ្លែងទៀតថា ជាវិធានការឆ្លើយតបជួយដល់កសិករទូទាំងខេត្ត បើគិតសរុបមកដល់ថ្ងៃទី៩ ខែកញ្ញា ឆ្នាំ២០២០ មន្ត្រីជំនាញបានចុះចាក់វ៉ាក់សាំងដល់សត្វដែលកសិករចិញ្ចឹមទូទាំងខេត្តសរុប ចាក់វ៉ាក់សាំងការពារជំងឺសាទឹកដល់គោក្របីសរុប៥២.៦៦៤ក្បាល ក្នុងនោះគោ៣២.១៦៧ក្បាលនិងក្របី២០.៤៧៧ក្បាល និងចាក់វ៉ាក់សាំងការពារជំងឺអុតក្តាមសរុបបាន៥.៣០០ក្បាល ។
សរុប ទាំងជំងឺសាទឹកនិងជំងឺអុតក្តាម ទូទាំងខេត្តចាក់វ៉ាក់សាំងការពារបានចំនួន៥៧.៩៤៤ក្បាល ក្នុងនោះគោបាន៣៥.៨៧១ក្បាល និងក្របី២២.០៧៣ក្បាល ក្នុងឆ្នាំ២០២០នេះ ហើយ
យុទ្ធនាការនេះនឹងចាក់វ៉ាក់សាំងដល់គោក្របីជាបន្តបន្ទាប់ទៀត ៕
ចែករំលែកព័តមាននេះ