វិធីសាស្ត្ររំងាប់អារម្មណ៍តានតឹងពេលស្ទះចរាចរណ៍
ចំពោះបញ្ហាកកស្ទះចរាចរណ៍ពុំមាននរណាម្នាក់ចង់ឱ្យកើតទ្បើងទ្បើយ ព្រោះវាបណ្តាលឱ្យខកខាននិងយឺតយ៉ាវពេលវេលា ក្នុងកិច្ចការអ្វីមួយ ។ ហេតុដូច្នេះហើយទើបមានអ្នកកាន់ចង្កូតរថយន្តមួយ
ចំពោះបញ្ហាកកស្ទះចរាចរណ៍ពុំមាននរណាម្នាក់ចង់ឱ្យកើតទ្បើងទ្បើយ ព្រោះវាបណ្តាលឱ្យខកខាននិងយឺតយ៉ាវពេលវេលា ក្នុងកិច្ចការអ្វីមួយ ។ ហេតុដូច្នេះហើយទើបមានអ្នកកាន់ចង្កូតរថយន្តមួយ
ចំពោះបញ្ហាកកស្ទះចរាចរណ៍ពុំមាននរណាម្នាក់ចង់ឱ្យកើតទ្បើងទ្បើយ ព្រោះវាបណ្តាលឱ្យខកខាននិងយឺតយ៉ាវពេលវេលា ក្នុងកិច្ចការអ្វីមួយ ។ ហេតុដូច្នេះហើយទើបមានអ្នកកាន់ចង្កូតរថយន្តមួយចំនួនតែងសម្តែងចេញមកនូវអារម្មណ៍ឆេវឆាវ និងតានតឹង រហូតញ៉ាំងឱ្យបរិយាកាសនោះកាន់តែអាប់អួរទៅទៀត ។ ដូចនេះកោះសន្តិភាពសូមណែនាំពីវិធីរំងាប់អារម្មណ៍តានតឹង ខណៈពេលស្ទះចរាចរណ៍ដូចតទៅ៖
១-ត្រូវយល់ថា អ្នកនឹងអាចចាកចេញពីស្ថានភាពចរាចរណ៍នោះបាន ។ ការកកស្ទះចរាចរណ៍អាចនឹងស៊ីពេលច្រើនបំផុតត្រឹមតែប៉ុន្មានម៉ោងប៉ុណ្ណោះ ប៉ុន្តែបើជាអ្នកគិតថា វានឹងស្ទះនៅទីនោះរហូតដល់ទៅជាងមួយថ្ងៃ ឬរៀងរហូតលោកអ្នកប្រាកដជានឹងកើតក្តីបារម្ភណែនណាន់តាន់តាប់ និងកើតស្ត្រែសជាមិនខាន ។
២-ស្តាប់ចម្រៀងកម្សាន្តអារម្មណ៍ ។ ការស្តាប់តន្ត្រីអាចជួយដល់អ្នកបំភ្លេចនូវអារម្មណ៍តានតឹងអស់ទាំងនោះបានក្នុងអំទ្បុងពេលស្ទះចរាចរណ៍ ។
៣-ព្យាយាមរកវិធីបន្ធូរអារម្មណ៍ផ្សេងៗ ។ ការសម្រួលផ្លូវដង្ហើម សម្មាធិ ឬក៏ធ្វើអ្វីៗដែលអាចជួយដល់អ្នកក្នុងកិច្ចការនេះ ។ ការប្រតិបត្តិវិធីបន្ធូរ ឬសម្រួលអារម្មណ៍នឹងធ្វើឱ្យភាពតានតឹងក្នុងចិត្តអ្នកធូរស្រាលលឿនបំផុត ។
៤-ប្រើប្រាស់អីុនធើរណេត ប្រសិនជាអ្នកបានភ្ជាប់បណ្តាញ ឬ WiFi ស្រាប់ ។
៥-ទូរស័ព្ទទៅមិត្តភក្តិរបស់អ្នក ឬក៏សាច់ញាតិណាមួយ ដែលអ្នកចង់ជជែកលេងជាមួយ។ ការសន្ទនាតាមទូរស័ព្ទអាចនឹងធ្វើឱ្យចិត្តរបស់អ្នកភ្លេចអស់នូវអារម្មណ៍តានតឹងពីបញ្ហាកកស្ទះចរាចរណ៍ដែលកំពុងប្រឈម ។ លើសពីនេះលោកអ្នកក៏អាចផ្ញើសារឆ្លងឆ្លើយជាមួយនរណាម្នាក់ក៏បានដែរ ។
៦-អានសៀវភៅ ទស្សនាវដ្តី កាសែតឬអ្វីៗដែលអ្នកចង់អាន ។ ការអានគឺវាអំណោយផលល្អដល់អ្នក ហើយក៏អាចធ្វើឱ្យស្មារតីប្រុងប្រយ័ត្នក្នុងការកាន់ចង្កូតរបស់អ្នកមានដំណើរការល្អប្រសើរក្នុងការបើកចេញពីស្ថានការណ៍ចរាចរណ៍នោះ ។
*សម្គាល់ៈ បន្ថែមលើនេះលោកអ្នកក៏អាចយករបស់ញ៉ាំ ឬភេសជ្ជៈខ្លះៗ ទុកគ្រាន់ទទួលទាន ខណៈពេលកកស្ទះក៏បាន ព្រោះវាអាចបណ្តាលអ្នកស្រេកទឹក ឬឃ្លានក្នុងអំទ្បុងពេលស្ទះយូរ ៕
ចែករំលែកព័តមាននេះ