Suarez ថាព័ត៌មានកន្លងមករបស់ខ្លួនជាមួយ Barca សុទ្ធតែក្លែងក្លាយ
អេស្ប៉ាញ ៖ កីឡាករ Luis Suarez បានបញ្ជាក់ថា ព័ត៌មានដែលបានចុះផ្សាយជាច្រើនអំពីអនាគតរបស់ខ្លួនជាមួយក្លិប Barcelona កន្លងមក គឺសុទ្ធតែក្លែងក្លាយទាំងអស់។…
អេស្ប៉ាញ ៖ កីឡាករ Luis Suarez បានបញ្ជាក់ថា ព័ត៌មានដែលបានចុះផ្សាយជាច្រើនអំពីអនាគតរបស់ខ្លួនជាមួយក្លិប Barcelona កន្លងមក គឺសុទ្ធតែក្លែងក្លាយទាំងអស់។
សូមរំលឹកថា កន្លងមកសារព័ត៌មានជាច្រើនជុំវិញពិភពលោក បានចុះផ្សាយពីការចាកចេញពីក្លិប Barcelona នៅរដូវក្តៅនេះ របស់ខ្សែប្រយុទ្ធអ៊ុយរ៉ាហ្គាយវ័យ ៣៣ឆ្នាំរូបនេះ។ បន្ទាប់ពីលោក Ronald Koeman គ្រូបង្វឹកថ្មី បានប្រាប់រូបគេថា គេអាចចាកចេញពីក្លឹបបាន បន្ទាប់ពីមិនស្ថិតក្នុងការផែនការរបស់លោក សម្រាប់រដូវកាល ២០២០-២១ ឡើយ។
Suarez ត្រូវបានផ្សារភ្ជាប់យ៉ាងជាមួយក្លិប Juventus, ក្លិបចាស់របស់គេ Ajax និងក្លិប Inter Miami របស់លោក David Beckham នៅសហរដ្ឋអាមេរិកផងដែរ។
ប៉ុន្តែម្ចាស់អាវលេខ ៩ រូបនេះ បានបង្ហោះសារបែបកំប្លែងមួយនៅលើបណ្តាញសង្គម Instagram របស់ខ្លួន ខណៈដែលកំពុងបន្តធ្វើការហ្វឹកហាត់ជាមួយក្រុម យ៉ាងសប្បាយរីករាយ ដោយដាក់ចំណងជើងរូបភាពរបស់ខ្លួនសើចថា «នៅពេលមានព័ត៌មានក្លែងក្លាយចេញមក …»។
សូមបញ្ជាក់ថា Luis Suarez នៅសល់កុងត្រា ១ឆ្នាំទៀត ជាមួយ Barcelona ហើយបច្ចុប្បន្ន រូបគេកំពុងឈរនៅលំដាប់ទី ៣ ក្នុងបញ្ជីកីឡាកររកគ្រាប់បាល់ច្រើនជាងគេរបស់ក្លិប ដោយតាមពីក្រោយ César (វីរបុរសក្លិប) និងប្រធានក្រុម Lionel Messi ដែលនៅកំពូលតារាង៕ (ដកស្រង់ចេញពី Goal.com)
ចែករំលែកព័តមាននេះ