សហរដ្ឋអាមេរិក ៖ ទិដ្ឋភាពមើលទៅប្រៀបដូចជាឋាននរក ដោយផ្ទៃមេឃបានប្រែពណ៌ទៅជាទឹកក្រូច មកពីភ្លើងឆេះព្រៃដែលជាមួយខ្យល់បោកបក់ខ្លាំង ព្រមទាំងភាពរាំងស្ងួត បានបន្តឆេះរាលដាល កាលពីថ្ងៃទី៩ កញ្ញា ខ្លាំងក្លាបំផុត…
សហរដ្ឋអាមេរិក ៖ ទិដ្ឋភាពមើលទៅប្រៀបដូចជាឋាននរក ដោយផ្ទៃមេឃបានប្រែពណ៌ទៅជាទឹកក្រូច មកពីភ្លើងឆេះព្រៃដែលជាមួយខ្យល់បោកបក់ខ្លាំង ព្រមទាំងភាពរាំងស្ងួត បានបន្តឆេះរាលដាល កាលពីថ្ងៃទី៩ កញ្ញា ខ្លាំងក្លាបំផុត ពុំធ្លាប់មានក្នុងប្រវត្តិសាស្ត្រ។
ភ្លើងបន្តរាតត្បាតតំបន់ឆ្នេរសមុទ្រខាងលិចសហរដ្ឋអាមេរិក ពីរដ្ឋកាលីហ្វ័រនីញ៉ាដល់រដ្ឋវ៉ាស៊ិនតោន បណ្ដាលឲ្យមានការជម្លៀសមនុស្ស្ចេញច្រើនពាន់នាក់ និងបង្កការខូចខាតធ្ងន់ធ្ងរ។
កន្លែងភ្លើងឆេះព្រៃលាតសន្ធឹងពីព្រំដែនជាមួយកាណាដា ក្នុងរដ្ឋវ៉ាសិុនតោនរហូតដល់ព្រំដែនម៉ិកស៊ិក ជិតទីក្រុងសាន់ឌីយេហ្គោរដ្ឋកាលីហ្វ័រនីញ៉ា ដែលនៅទីនោះព្រៃឈើជិត៧.០០០ហិកតាត្រូវភ្លើងបំផ្លាញ។
នៅទីក្រុងសាន់ហ្វ្រាន់ស៊ីស្កូ ប្រជាជនពេលក្រោកពីដំណេក ស្រាប់តែឃើញផ្ទៃមេឃប្រែពណ៌ទៅជាពណ៌ទឹកក្រូចកាម៉ៅ ដោយសារការលាយឡំគ្នានៃផ្សែងនិងពន្លឺភ្លើងដែលជះ ។ មានភ្លើងឆេះព្រៃជាង២០កន្លែង ដែលមានភាពខ្លាំងក្លានៅកាលីហ្វ័រនីញ៉ា ហើយអ្នកពន្លត់ភ្លើងប្រមាណជា១.០០០នាក់ ត្រូវបានប្រមូលដើម្បីប្រយុទ្ធតតាំងនឹងភ្លើង ឆេះព្រៃដែលគេឲ្យឈ្មោះថា CREK FIRE ក្នុងតំបន់FRESNOដែលឆេះរាលដាលព្រៃឈើទំហំជាង៦៥.០០០ហិកតា។ នៅជិតក្រុងឡូសអេនចឺឡេស ភ្លើងឆេះព្រៃមានឈ្មោះថាBOBCAT FIRE បានបំផ្លាញព្រៃឈើជាង៤.៥០០ហិកតា ហើយនៅតែមិនទាន់អាចត្រួតត្រាបាន។
បទបញ្ជាឲ្យជម្លៀសមនុស្សចេញ ក៏ត្រូវបានធ្វើដែរសម្រាប់ប្រជាជនដែលរងការគំរាមកំហែងដោយភ្លើងព្រៃ នៅជិតទីក្រុងសាន់ឌីយេហ្គោ។ នៅរដ្ឋអូរីហ្គោនអភិបាលរដ្ឋលោកស្រីKATE BROWNលើកឡើងពីភ្លើងឆេះព្រៃដ៏សាហាវពុំធ្លាប់មានពីមុនមកនាឆ្នាំនេះ។ អភិបាលរដ្ឋវ៉ាស៊ិនតោនលោក JAY INSLEEគូសបញ្ជាក់កាលពីថ្ងៃទី៨កញ្ញាថា ក្នុងរដ្ឋលោកមានភ្លើងឆេះព្រៃ៩កន្លែងដោយបំផ្លាញព្រៃឈើជាង១៣៣.០០០ហិកតា រយៈពេលត្រឹម២៤មោ់ង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ