សហរដ្ឋអាមេរិក ៖ អ្នកជិះម៉ូតូធំប្រមាណជា៤៦០.០០០នាក់ ដែលប្រមូលផ្ដុំគ្នាកាលពីខែសីហា នៅរដ្ឋដាកូតាខាងត្បូង ដោយមិនអើពើចំពោះការឆ្លងរាលដាលនៃវីរុស COVID-19 បានញ៉ាំងឲ្យមានអ្នកឆ្លងវីរុសនោះសរុប២៦០.០០០នាក់ ។ នេះជាការវាយតម្លៃរបស់បណ្ដាអ្នកស្រាវជ្រាវ…
សហរដ្ឋអាមេរិក ៖ អ្នកជិះម៉ូតូធំប្រមាណជា៤៦០.០០០នាក់ ដែលប្រមូលផ្ដុំគ្នាកាលពីខែសីហា នៅរដ្ឋដាកូតាខាងត្បូង ដោយមិនអើពើចំពោះការឆ្លងរាលដាលនៃវីរុស COVID-19 បានញ៉ាំងឲ្យមានអ្នកឆ្លងវីរុសនោះសរុប២៦០.០០០នាក់ ។ នេះជាការវាយតម្លៃរបស់បណ្ដាអ្នកស្រាវជ្រាវ ក្នុងការសិក្សាមួយចេញផ្សាយកាលពីថ្ងៃទី៨ កញ្ញា ។
តួលេខនោះមិនត្រូវបានអះអាងដោយប្រភពឯករាជ្យនាំឲ្យការប្រមូលផ្ដុំគ្នាហៅ STURGIS MOTORCYCLE RALLY រយៈពេល១០ថ្ងៃនោះក្លាយជាព្រឹត្តិការណ៍ធំបំផុតនាំឲ្យមានការឆ្លងវីរុសក្នុងទ្រង់ទ្រាយធំនៅសហរដ្ឋអាមេរិក ។ ការសិក្សានោះធ្វើឡើងដោយបណ្ដាសេដ្ឋកិច្ចវិទូនៃសាកលវិទ្យាល័យ SAN DIEGO ហើយចេញផ្សាយដោយវិទ្យាស្ថាន INSTITUTE OF
LABOR ECONOMICS ជាស្ថិតិផ្អែកលើបណ្ដាទិន្នន័យដែលប្រមូលបានតាមរយៈទូរស័ព្ទដៃ ខាងក្នុង និងជុំវិញក្រុង STURGIS ជាទីក្រុងតូចមួយមានប្រជាជនតិច ។
តួលេខនេះអាចអះអាងតាមរយៈចំនួនដ៏ច្រើននៃមនុស្សដែលលើកគ្នាមកបោះជំរំពពាក់ពពូនគ្នាផឹកស៊ី ស្ដាប់ការប្រគំតន្ត្រី ដោយភាគច្រើនមិនបានពាក់ម៉ាសក្នុងការប្រមូលផ្ដុំគ្នាពីថៃ្ងទី៧ដល់ទី១៦ សីហា ។ បណ្ដាអ្នកស្រាវជ្រាវវាយតម្លៃរលកនៃការឆ្លង កើតចេញពីទីក្រុង STURGIS ថាជាប្រភពនៃការចម្លងក្នុងទូទាំងប្រទេស ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ