ខេត្តបន្ទាយមានជ័យ-ឧត្តរមានជ័យ ៖ «មន្ត្រីនគរបាលជាតិមានតួនាទីបម្រើប្រជាពលរដ្ឋ និងសង្គមឱ្យមានសុខសន្តិភាព» នេះជាការលើកឡើងរបស់នាយឧត្តមសេនីយ៍ នេត សាវឿន អគ្គស្នងការនគរបាលជាតិ ក្នុងពិធីប្រកាសចូលកាន់តំណែងស្នងការនគរបាលខេត្តបន្ទាយ
មានជ័យ កាលពីថ្ងៃទី៧ ខែកញ្ញា ឆ្នាំ២០២០ ដែលបានប្រារព្ធធ្វើនៅសាលប្រជុំសាលាខេត្ត ។
ឯកឧត្តម អ៊ុំ រាត្រី អភិបាលខេត្ត ក៏បានចូលរួមនៅក្នុងពិធីនេះដែរ ។ លោកឧត្តមសេនីយ៍ទោ សិទ្ធិ ឡោះ ស្នងការរង ត្រូវបានតែងតាំងជាស្នងការនគរបាលខេត្តបន្ទាយមានជ័យ ជំនួសលោកឧត្តមសេនីយ៍ទោអាត់ ខែម ស្នងការនគរបាលខេត្តចាស់ដែលចូលនិវត្តន៍ និងទៅជាទីប្រឹក្សាក្រសួងមហាផ្ទៃ ។
ចំណែកការប្រកាសផ្លាស់ប្ដូរតំណែងស្នងការនគរបាលខេត្តឧត្តរមានជ័យ ត្រូវបានកំណត់ធ្វើជាផ្លូវការនៅថ្ងៃទី៩ ខែកញ្ញា ឆ្នាំ២០២០ ក្រោមអធិបតីនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត ។
លោកឧត្តមសេនីយ៍ត្រី ហួត សុធី ស្នងការរងទទួលផែនសន្តិសុខ ត្រូវចូលកាន់តំណែងជាស្នងការថ្មីខេត្តឧត្តរមានជ័យជំនួសឧត្តមសេនីយ៍ទោ ម៉ែន លី ស្នងការចាស់ ៕
ចែករំលែកព័តមាននេះ