ការរំខានឬបង្អាក់ដំណើរការរបស់ប្រព័ន្ធកុំព្យូទ័រអាចកើតមានទ្បើងនៅក្នុងរូបភាពជាច្រើន សូម្បីតែព័ត៌មានឬទិន្នន័យផ្ទាល់ខ្លួន ដែលផ្ទុកក្នុងប្រព័ន្ធកុំព្យូទ័ររបស់អ្នក ក៏អាចនឹងត្រូវបានវាយប្រហារ ដោយប្រការណាមួយពីក្រុមជនខិលខូច (Hackers) ទាំងនោះបានដែរ ។ ម្យ៉ាងទៀត គេហទំព័រ ឬ Web Page របស់អ្នកអាចនឹងត្រូវបានក្រុមនោះរំខានតាមចិត្ត ប្រសិនបើពួកគេទទួលបានលេខសម្ងាត់របស់អ្នក ។ ចំណែក Email របស់អ្នកក៏អាចត្រូវបានរំខានដែរ ប្រសិនអ្នកចុចលើការតភ្ជាប់ទំនាក់ទំនងដោយបំផ្លើសព័ត៌មាន ហើយអ្នកក៏ពុំអាចកែតម្រូវ Email របស់អ្នកនិងព័ត៌មានដទៃទៀត ដែលបានចុះឈ្មោះនៅក្នុងគណនីរបស់អ្នកបានដែរ ។
ដូចនេះ ដើម្បីការពារប្រព័ន្ធកុំព្យូទ័រអ្នកពីការរំខានរបស់ជនខិលខូច ឬ Hackers សូមណែនាំវិធីសាស្ត្រដូចតទៅ៖
១-លៃលក Update ប្រព័ន្ធ Software ដែលចាំបាច់ចំពោះប្រព័ន្ធប្រតិបត្តិការរបស់អ្នកក៏ដូចជាអីុនធើរណេត Browser (Firefox, Google Chrome, Internet Explorer (IE), Safari) ជាដើម ។ បណ្តាពួក Hacker វាយប្រហារនៅចំណុចដែលពួកគេសង្កេតឃើញពីចំណុចខ្សោយដែលមាន ។ ប្រព័ន្ធកុំព្យូទ័រដែលពុំបាន Update ថ្មីនឹងបង្កជាគុណវិបត្តិ ក្នុងនោះដែលអាចនាំមកនូវគុណសម្បត្តិដល់ពួក Hackers បាន ។ សម្រាប់នីតិវិធីខ្លីៗ៖
-លោកអ្នកចុចទៅលើគេហទំព័រ Microsoft Update ដើម្បី Download យកវិធីជួសជុល ឬកម្មវិធីជួយសម្រួលការងារនេះផ្សេងៗ និងកម្មវិធីរក្សាសន្តិសុខទាំងទ្បាយ ដែលភាគច្រើនស្ថិតក្នុងកំណែទម្រង់ថ្មីនៃប្រព័ន្ធប្រតិបត្តិរបស់អ្នក ។ ប្រសិនជាកុំព្យូទ័រអ្នកមាន Mac (iMac, MacBook Pro, MacBook Air) ចូរចុចលើ Apple នៅខាងឆ្វេងដៃនៃផ្នែកខាងលើអេក្រង់ ហើយជ្រើសរើសយកពាក្យ «Software Update» ។
២-ដំទ្បើង ឬ Install Firewall លើកុំព្យូទ័រអ្នក ។ Firewall ជាអ្នករារាំងមិនឱ្យមានការគំរាមកំហែងពីខាងក្រៅ ដូចជាពួក Hacker និងវីរុស (េមរោគកុំព្យូទ័រ) ពីការបង្កើនដំណើរការទៅនឹងប្រព័ន្ធកុំព្យូទ័រអ្នក ។ បង្កើត Firewall Setting ផ្ទាល់ខ្លួនក្នុងអំទ្បុងពេលនៃការធ្វើឱ្យដំណើរការនីតិវិធីនេះ ដើម្បីបង្ហាញឱ្យឃើញថា ទិន្នន័យប៉ុន្មានដែលអ្នកត្រូវការផ្តល់ឱ្យទៅក្នុងប្រព័ន្ធកុំព្យូទ័រអ្នកពីអីុនធើរណេត ហើយក៏ដើម្បី Update Firewall អ្នកឱ្យបានទៀងទាត់ដែរ ។
៣-ជារឿយៗឧស្សាហ៍ប្តូរលេខសម្ងាត់ ឬ Password បន្តិច ។ ប្រើលេខសម្ងាត់ខុសៗគ្នាសម្រាប់គេហទំព័រនីមួយៗ ដែលអ្នកតែងតែចូលទៅប្រើវានោះ ហើយត្រូវច្បាស់ថា លេខសម្ងាត់អ្នកគឺវែងបន្តិច ហើយក៏សាំញ៉ាំដែរ ដូច្នេះ ពួកHackers នឹងលំបាកក្នុងការទស្សន៍ទាយ ឬស្មានទុក ។ វាក៏ជាកិច្ចការដ៏មានការសំខាន់ ដើម្បីរក្សាគណនីធនាគារ និងហិរញ្ញវត្ថុដទៃទៀត របស់អ្នកឱ្យមានសុវត្ថិភាពផងដែរ ។
៤-ទិញឬក៏Download យក Software កម្ចាត់មេរោគ (Anti-Virus) ។ កម្មវិធីកម្ចាត់មេរោគមានសារសំខាន់បំផុត ដើម្បីរក្សាប្រក្រតីភាព ឬដំណើរការល្អរបស់កុំព្យូទ័រ ។ ភាពរអាក់រអួល និងការធ្វើទុកបុកមិ្នញពីមេរោគផ្សេងៗរបស់កុំព្យូទ័រ គឺកាន់តែងាយនឹងឱ្យពួក Hackers រំខានបាន ។
៥-ដំទ្បើង ឬ Install កម្មវិធីAnti-spyware/adware ដាក់លើប្រព័ន្ធកុំព្យូទ័រអ្នក ។ កម្មវិធីនេះជាប្រភេទកម្មវិធីដែលអាចឈ្លានពាន ឬចូលទៅកន្លែងណាមួយដោយគ្មានសិទ្ធិ គឺពុំបង្កគ្រោះថ្នាក់ដូចមេរោគទ្បើយ ប៉ុន្តែទីតាំងរបស់ adware បានបង្ហាញលើ browser របស់អ្នកហើយក៏មិនតភ្ជាប់ការកើតមានទ្បើងភ្លាមៗទៅក្នុងកម្មវិធីរបស់អ្នកដែរ ។ ប្រតិបត្តិការនេះ គឺអាចបន្ថយល្បឿនដំណើរការរបស់កុំព្យូទ័រអ្នកបាន ដែលធ្វើឱ្យកុំព្យូទ័រអ្នកងាយនឹងឱ្យពួក Hackers វាយប្រហារ ។ ចំណែកកម្មវិធី Spyware អាចស្ទាបស្ទង់ប្រតិបត្តិការអីុនធើរណេតរបស់អ្នក ហើយថតចម្លងលេខសម្ងាត់ដើម្បីប្រើសម្រាប់គោលបំណងមិនស្របច្បាប់នានា ។
៦-លុបចោល Email ផ្សេងៗពីប្រភពដែលមិនស្គាល់ ។ កុំព្យាយាមចុចលើបណ្តាញ Email ដែលមើលទៅហាក់ដូចជាមានមន្ទិលសង្ស័យ ។
៧-ត្រូវតែប្រុងប្រយ័ត្នជានិច្ច !
ចែករំលែកព័តមាននេះ