កំសាន្ត
* កំពុងរង់ចាំ
អ្នកជិតខាងខ្សឹបប្រាប់បុរសស្រពាប់ ស្រពោនម្នាក់ ៖
-បងឯងដឹងទេ ខ្ញុំឃើញប្រពន្ធបងឯង ដើរកៀកដៃជាមួយអាមួយមាឌធំ ។ ពួកគេ កៀកដៃបណ្ដើរគ្នាចូលរោងកុន…. ។
- កំពុងរង់ចាំ
- ចង់ឱ្យភ្លៀងលិច
- កិច្ចសន្យាគឺ២០ឆ្នាំ
- ជ្រៅម្ល៉េះ………ជ្រៅម្ល៉េះ
- ហួសពេលទៅហើយ
- មិននិយាយខ្លួនឯង
អ្នកជិតខាងខ្សឹបប្រាប់បុរសស្រពាប់ ស្រពោនម្នាក់ ៖
-បងឯងដឹងទេ ខ្ញុំឃើញប្រពន្ធបងឯង ដើរកៀកដៃជាមួយអាមួយមាឌធំ ។ ពួកគេ កៀកដៃបណ្ដើរគ្នាចូលរោងកុន…. ។
-ខ្ញុំដឹងហើយ កំពុងរង់ចាំសិនហ្នឹងណា៎ ។
-រង់ចាំអីទៀត ម៉េចមិនសំពងអាចង្រៃ នោះតែម្ដងទៅ ។
-វាមាឌធំណាស់ ខ្ញុំរង់ចាំពេលណានាង កៀកដៃបណ្ដើរជាមួយប្រុសណាមាឌតូចជាងខ្ញុំ ។ ដល់ពេលនោះខ្ញុំនឹងសំពងវាឱ្យបងឯង មើល ៕
ពូ A បណ្ដើរកង់ចូលផ្ទះដោយលុយកាត់ ទឹកត្រឹមក្បាលជង្គង់ ។ ផ្អែកកង់រួច គាត់និយាយជាមួយពូ B ដែលកំពុងឈរសើច ៖
-ប្រសិនបើទីក្រុងយើងលិចទឹករហូត ប្រហែលស្រួលជាង ។
-បងឯងលុយទឹកកក្លូកអ៊ីចឹងហើយថា លិចទឹករហូតស្រួលជាងយ៉ាងម៉េច ?
-ខ្ញុំនិយាយសំដៅលើគ្រោះថ្នាក់ចរាចរណ៍ ។ ព្រឹកមិញខ្ញុំជិះកង់មួយព្រឹក ឃើញគ្រោះថ្នាក់ចរាចរណ៍៥ករណីសុទ្ធតែ ធ្ងន់ៗ ករណីខ្លះងាប់ ករណីខ្លះប្អូនងាប់ ។ ប៉ុន្ដែល្ងាចនេះភ្លៀងលិចផ្លូវគ្រប់ទីកន្លែង ឡាន ម៉ូតូរលត់ម៉ាស៊ីនហែៗ ខ្ញុំអត់ជួបករណី គ្រោះថ្នាក់ចរាចរណ៍សោះ ព្រោះពួកបើកបរ ដែលចង់តែលឿនដើម្បីកុំឱ្យរន្ទះបាញ់នោះ ពុំអាចបើកលឿនបាន ៕
លោកនាយកក្រុមហ៊ុនសួរអ្នកមកសុំធ្វើ ការងារ ៖
-កាលនៅកន្លែងចាស់ ប្អូនឯងធ្វើការបាន ប៉ុន្មានឆ្នាំ ?
-បាទ, បើតាមកិច្ចសន្យាគឺ២០ឆ្នាំ តែខ្ញុំ ទើបតែនៅបាន១០ឆ្នាំ គេក៏ឱ្យចេញមកវិញ។
-មកពីប្រព្រឹត្ដកំហុសអីបានជាគេឱ្យចេញ មុនកិច្ចសន្យា ?
-បាទ, ខ្ញុំខំធ្វើការណាស់ រហូតដល់គេ យល់ថាខ្ញុំកែប្រែល្អ ក៏ដោះលែងខ្ញុំមុនកំណត់ ក្នុងឱកាសបុណ្យឯករាជ្យថ្មីៗនេះ ។
កំពុងអង្គុយលើកៅអីឱ្យពេទ្យពិនិត្យ ធ្មេញ ស្រាប់តែអ្នកជំងឺឮ គ្រូពេទ្យស្រែក ឡើង ៖
-យី, ជើងធ្មេញនេះដង្កូវស៊ីខូងជ្រៅម្ល៉េះ.. ជ្រៅម្ល៉េះ…
អ្នកជំងឺមួម៉ៅដំឡើងសំឡេងៈ
-ម៉េចចាំំបាច់ស្រែកដដែលៗ ?
-អ្នកណាថាស្រែកដដែលៗ ? ខ្ញុំលាន់ មាត់តែម្ដងប៉ុណ្ណោះ តែជើងធ្មេញពុកខូងជ្រៅ ពេកធ្វើឱ្យសំឡេងខ្ញុំរំពងវិញហ្នឹងណា៎។
ស្ដ្រីម្នាក់កំពុងអានកាសែត ស្រាប់តែងាក មកនិយាយជាមួយប្ដី ៖
-នែបង, អត្ថបទកាសែតនេះនិយាយថា ប្រុសៗភាគច្រើន ក្លាយជាមនុស្សឈ្លាសវៃ ក្រោយពេលមានគ្រួសារ, បងយល់យ៉ាងម៉េចដែរ ?
ប្ដីដកដង្ហើមវែង ៖
-គេនិយាយអត់ខុសទេ ដូចរូបបងនេះជាដើម ប៉ុន្ដែគួរឱ្យស្ដាយ ទម្រាំក្លាយជាមនុស្ស ប្រុសឈ្លាសវៃវាហួសពេលអស់រលីងទៅ ហើយ ។
អ្នកស៊ីឈ្នួលសម្ដែងឈុតគ្រោះថ្នាក់ និយាយជាមួយតួឯក ៖
-លោកមិនបាច់បារម្ភទេ, ឱ្យតែឈុតណា លោកមិនហ៊ានសម្ដែងខ្លួនឯង ខ្ញុំសម្ដែងជំនួស បានទាំងអស់ ។
-ប្រសើរណាស់, ដំបូងបំផុតសូមលោក ធ្វើការឱ្យខ្ញុំរឿងមួយ ។
-ឈុតអី ?
-អត់ឈុតអត់ឆុងអីទេ, គឺលោកទៅផ្ទះខ្ញុំ ជួយបកស្រាយប្រាប់ប្រពន្ធខ្ញុំពីមូលហេតុ ដែលយប់មិញខ្ញុំអត់បានត្រឡប់ទៅផ្ទះ ។
-ម៉េចលោកមិនទៅនិយាយខ្លួនឯង ?
-បើខ្ញុំហ៊ានទៅ ចាំបាច់ពឹងលោកធ្វើអី ?
ចែករំលែកព័តមាននេះ