«ដេលីម៉េល» កាលពីពេល ថ្មីៗនេះបានផ្សាយពីទីកន្លែងរស់នៅជុំវិញបឹងអូអេស៊ីស (Oasis)របស់ជនអម្បូរ «ហួកាឆាយណា»(Huacachina) ប្រទេសប៉េរូ គឺជាទីកន្លែងអច្ឆរិយនៅកណ្តាលវាល
«ដេលីម៉េល» កាលពីពេល ថ្មីៗនេះបានផ្សាយពីទីកន្លែងរស់នៅជុំវិញបឹងអូអេស៊ីស (Oasis)របស់ជនអម្បូរ «ហួកាឆាយណា»(Huacachina) ប្រទេសប៉េរូ គឺជាទីកន្លែងអច្ឆរិយនៅកណ្តាលវាលខ្សាច់ដ៏ហួតហែងបំផុតនៅលើពិភពលោក ប៉ុន្តែទីប្រជុំជននោះអ្នកភូមិរស់នៅប្រកបដោយឯករាជ្យភាព ។
របាយការណ៍បញ្ជាក់ថា តំបន់អូអេស៊ីស ស្ថិតនៅប្រទេសប៉េរូ មានទំហំប្រហែល៤គីឡូម៉ែត្រ ការ៉េ ជាទីតាំងគួរឱ្យភ្ញាក់ផ្អើល ព្រោះសម្បូរដោយដើមដូង ដើមឈើ និងបឹងមួយដែលអ្នកស្រុកមានជំនឿថា មានភាពសក្តិសិទ្ធិក្នុងការព្យាបាលជំងឺ ។ តំបន់នោះជាប្រភពរស់នៅរបស់មនុស្សប្រហែល៩៦នាក់ ។ ទីនោះមានសណ្ឋាគារ ភោជនីយដ្ឋាន និងបណ្ណាល័យ ដែលជាប្រភពពាណិជ្ជកម្មរបស់អ្នកស្រុក ។
ចំពោះអ្នកទេសចរដែលទៅកម្សាន្តនៅទីនោះអាចមើលឃើញទិដ្ឋភាពដ៏កម្រ គឺព្រះអាទិត្យរះនៅពីលើភ្នំខ្សាច់ ។ អ្នកស្រុកអាចប្រកបរបររកស៊ីចិញ្ចឹមគ្រួសារជាមួយអ្នកទេសចរបរទេស តាមរយៈការនាំទៅឈរពីលើទួលខ្សាច់មើលព្រះអាទិត្យរះ និងអស្តង្គត រួមទាំងអាចជិះក្តារស្គីនៅលើវាលខ្សាច់ ។
ដោយឡែក «បឹង» មួយនៅអូអេស៊ីស កកើតពីធម្មជាតិ មានរឿងព្រេងតំណាលថា បឹងនោះធ្លាប់ជាកន្លែងស្រង់ទឹករបស់ម្ចាស់ក្សត្រីមួយអង្គ។ ក្រោយមកមានអ្នកតាមយាយី ម្ចាស់ក្សត្រីក៏គេចខ្លួនដោយបោះបង់បឹងនោះចោល ។
ឋានសួគ៌ «អូអេស៊ីស ហួកាឆាយណា» ធ្លាប់ជាតំបន់មួយស្ថិតនៅក្រោមអាណានិគមអេស្ប៉ាញ ។ តំបន់នោះធ្លាប់ល្បីល្បាញពីអតីតកាល ព្រោះជាកន្លែងរស់នៅរបស់ជនជាតិប៉េរូ ដែលមានទ្រព្យស្តុកស្តម្ភ ឬចក្រពត្តិនៅក្នុងឆ្នាំ១៩៤០ និងលេចឮថា ការងូតទឹកនៅក្នុងបឹង អូអេស៊ីស អាចព្យាបាលជំងឺបាន ៕
ចែករំលែកព័តមាននេះ