ចិនមួយក្រុមនិងខ្មែរម្នាក់ ជាតំណាងជាប់ចោទសង្ស័យរំលោ.ភលើដីគេ
- ភ្នំពេញ
រាជធានីភ្នំពេញ ៖ មានដំណឹងថា លោកឧត្តមសេនីយ៍ឯកម្នាក់ឈ្មោះហ៊ាង ហ្វខាយ ជាជនជាតិចិន (ដូចមិនជឿថា ផ្កាយបី) ជាអភិបាលក្រុមហ៊ុន ជីនលីស៊ុន…
រាជធានីភ្នំពេញ ៖ មានដំណឹងថា លោកឧត្តមសេនីយ៍ឯកម្នាក់ឈ្មោះហ៊ាង ហ្វខាយ ជាជនជាតិចិន (ដូចមិនជឿថា ផ្កាយបី) ជាអភិបាលក្រុមហ៊ុន ជីនលីស៊ុន…
រាជធានីភ្នំពេញ ៖ មានដំណឹងថា លោកឧត្តមសេនីយ៍ឯកម្នាក់ឈ្មោះហ៊ាង ហ្វខាយ ជាជនជាតិចិន (ដូចមិនជឿថា ផ្កាយបី) ជាអភិបាលក្រុមហ៊ុន ជីនលីស៊ុន Cambodia Co.Ltd និងគូកនជាច្រើននាក់ទៀត ត្រូវបានតុលាការចោទប្រកាន់ចំនួន៣បទល្មើស គឺ បទ«មិនអនុវត្តសេចក្តីសម្រេចរបស់តុលាការ បទក្លែងបន្លំឯកសារសាធារណៈ និងបទបំភាន់មន្ត្រីសុរិយោដីអោយចុះបញ្ជី» ពាក់ព័ន្ធការធ្វើឯកសាររំលោភយកដីអ្នកដទៃទំហំជាង៤ហិកតា ស្ថិតនៅភូមិត្រពាំងពោធិ៍ សង្កាត់គោករកា ខណ្ឌដង្កោ (បច្ចុប្បន្នខណ្ឌពោធិ៍សែនជ័យ) ។
យោងតាមដីកាសន្និដ្ឋានបញ្ជូនរឿងអោយស៊ើបសួរ កាលពីថ្ងៃទី១០ មីនា ឆ្នាំ២០២០ បានបង្ហាញថា លោក សាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញ បានសម្រេចចោទប្រកាន់លើបុគ្គលិកក្រុមហ៊ុនមួយដូចខាងក្រោម ៖
ទី១-ឈ្មោះ លីម លាង ភេទប្រុស អាយុ៣២ឆ្នាំ ជនជាតិខ្មែរ មុខរបរប្រធានក្រុមប្រឹក្សាភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ) ។ ទី២-ឈ្មោះ ចូវ ជីងហ្វូ ជនជាតិចិន មុខរបរ អភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ) ។
ទី៣-ឈ្មោះ ហ៊ាង ហ្វខាយ ជនជាតិចិន មុខរបរ អភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ) ។ ទី៤-ឈ្មោះ វ៉ូ សិនតាំង ជនជាតិចិន ជាអភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ) ។ ទី៥-ឈ្មោះ វ៉ាង យុនជិន ជនជាតិចិន ជាអភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ) ។ទី៦-និង គូកន (ក្រៅឃុំ)
ជនទាំងអស់នេះ ត្រូវបានចោទប្រកាន់ពីបទ «មិនអនុវត្តសេចក្តីសម្រេចរបស់តុលាការ បទ ក្លែងបន្លំឯកសារសាធារណៈ និង បទបំភាន់មន្ត្រីសុរិយោដីអោយចុះបញ្ជី» ប្រព្រឹត្តនៅរាជធានីភ្នំពេញ កាលពីថ្ងៃទី១៦ ខែមករា ឆ្នាំ២០១៦ តាមមាត្រា៥២៣ និង មាត្រា៦២៩ នៃក្រមព្រហ្មទណ្ឌ និង មាត្រា២៥២នៃច្បាប់ភូមិបាល ។
មានដំណឹងពីសាលាដំបូងមកថា លោក សាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញ បានអោយឃុំខ្លួនបណ្តោះអាសន្នលើជនត្រូវចោទទាំងអស់ ដើម្បីបញ្ចប់បទល្មើស ឬបង្ការបទល្មើសកុំអោយកើតជាថ្មី , ដើម្បីរារាំងកុំអោយមានការគាបសង្កត់លើសាក្សី ឬ ជនរងគ្រោះ ឬ រារាំងកុំអោយមានការត្រូវរ៉ូវគ្នារវាងជនត្រូវចោទ និង អ្នកសមគំនិត , ដើម្បីធានារក្សាជនត្រូវចោទទុកជូនតុលាការចាត់ការតាមនីតិវិធី និង ដើម្បីធានារក្សាសណ្តាប់ធ្នាប់សាធារណៈ កុំអោយមានការច្របូកច្របល់ដែលបណ្តាលមកពីបទល្មើស ។
ដំណើររឿងនេះ ផ្តើមចេញពីជនត្រូវចោទទាំងអស់ បានយកដីរបស់ឈ្មោះ សុខ សាខឿន ភេទស្រី អាយុ៦៥ឆ្នាំ ទំហំជាង៤ហិកតា មានទីតាំងស្ថិតនៅភូមិត្រពាំងពោធិ៍ សង្កាត់គោករកា ខណ្ឌដង្កោ (បច្ចុប្បន្នខណ្ឌពោធិ៍សែនជ័យ) ទៅធ្វើវិញ្ញាបនបត្រសម្គាល់ម្ចាស់អចលនវត្ថុថ្មីមួយទៀត ដោយក្លែងបន្លំ ដើម្បីបានកាន់កាប់លើដីកម្មសិទ្ធិរបស់ឈ្មោះ សុខ សាខឿន ។
យ៉ាងណាក៏ដោយ កោះសន្តិភាពពុំអាចស្វែងរកការបំភ្លឺតាមទូរស័ព្ទពីអ្នកជាពាក់ព័ន្ធខាងខាងលើនេះ បាននៅឡើយទេ ។ ដរាបណា មានការបំភ្លឺយើងនឹងផ្សាយជូននៅពេលក្រោយទៀត ។
ព័ត៌មានបន្ថែមនឹងផ្សាយជូនលើកាសែតកោះសន្តិភាព។
ចែករំលែកព័តមាននេះ