ខេត្តកំពត ៖ ឈើគេលួចកាប់នៅក្នុងឧទ្យានជាតិព្រះមុន្នីវង្សបូកគោនៅតែបន្តដឹកចេញនៅពេលយប់ ខណៈសកម្មភាពនេះគឺរាប់សិបឆ្នាំមកហើយ នៅតែបន្តកាប់បំផ្លាញ ។ យោងតាមការអោយដឹងពីប្រជាពលរដ្ឋនៅភូមិមាត់ពាម ឃុំមាក់ប្រាង្គ ស្រុកទឹកឈូខេត្តកំពត បាននិយាយប្រាប់ថា…
ខេត្តកំពត ៖ ឈើគេលួចកាប់នៅក្នុងឧទ្យានជាតិព្រះមុន្នីវង្សបូកគោនៅតែបន្តដឹកចេញនៅពេលយប់ ខណៈសកម្មភាពនេះគឺរាប់សិបឆ្នាំមកហើយ នៅតែបន្តកាប់បំផ្លាញ ។
យោងតាមការអោយដឹងពីប្រជាពលរដ្ឋនៅភូមិមាត់ពាម ឃុំមាក់ប្រាង្គ ស្រុកទឹកឈូខេត្តកំពត បាននិយាយប្រាប់ថា ក្រុមអ្នកឡើងទៅកាប់ឈើរួចអារជាបន្ទះក្ដាររួចហើយនោះ គឺដឹកតាមក្បូនបណ្ដែតទឹកនៅលើទំនប់វារីអគ្គិសនីកំចាយ ហើយបន្តអូសឡើងនៅភូមិមាត់ពាមក្នុងភូមិសាស្ត្រឃុំមាក់ប្រាង្គ-ហើយលាក់ទុកនៅម្ដុំស្ងាត់នោះសិនលុះម៉ោង11យប់ឬម៉ោង3ទៀបភ្លឺ ទើបមានថយន្តកូរ៉េចូលទៅដឹកចេញ ។
ពលរដ្ឋនៅភូមិមាត់ពាមបាននិយាយប្រាប់បន្តថា ខ្លួនពិតជាចង់ដឹងចំនួនរថយន្តដឹកជញ្ជូនឈើចេញពីឧស្យានជាតិបើគាត់ពីថ្ងៃទី១កញ្ញា ដល់ថ្ងៃទី៥ កញ្ញា មានឈើចំនួន៨រថយន្តត្រូវបានគេដឹកជញ្ជូនចេញពីចំណុចខាងលើ ។
លោកហ៊ុយ ហឿន ប្រធានស្នាក់ការបរិស្ថានប្រចាំការនៅរមណីយដ្ឋានទឹកឈូបាននិយាយប្រាប់ កាលពីព្រឹកថ្ងៃទី០៥ កញ្ញា ថា ឈើពិតជាមានដឹកចេញពីឧទ្យានជាតិមែនប៉ុន្តែឈើទាំងនោះ ពួកអ្នកស្រុកបាននាំគ្នាទៅអារដើមឈើងាប់នៅខាងលើទំនប់វារីកំចាយតែប៉ុណ្ណោះ។ លោកប្រធានស្នាក់ការរូបនោះបានប្រញាប់បិទទូរសព្ទ័ភ្លាម។
ចំណែកឯលោកស៊ុយ ធា ប្រធានមន្ទីរបរិស្ថានខេត្តកំពត កាលពីព្រឹកថ្ងៃទី៥ កញ្ញា ដដែលបាននិយាយប្រាប់តាមទូរសព្ទ័ថា លោកជាប់ប្រជុំ ។
អ្នកយកព័ត៌មានបន្តព្យាឈមភ្ជាប់ការទំនាក់ទំនងតាមទូរសព្ទ័ទៅលោកស៊ុយ ធា ពាក់
ព័ន្ធនិងការកាប់បំផ្លាញព្រៃឈើក្នុងឧទ្យានជាតិជាយូរឆាំ្នហើយ មិនមានអ្នកណាអន្តរាគមន៍។ ប៉ុន្តែគេបានដឹងថា ខាងមន្ត្រីបរិស្ថានការពារឧស្យានជាតិមុនីវង្សបូកគោបានដឹងរឿងអ្នកឡើងទៅកាប់ឈើក្នុងឧទ្យានជាតិច្រើនជាងមន្ត្រីរដ្ឋបាលព្រៃឈើខេត្តកំពត ។
ចែករំលែកព័តមាននេះ