ជាការពិតណាស់ការលាងរថយន្តក៏មានសិល្ប៍វិធីក្នុងការសន្សំសំចៃផងដែរ ពិសេសគឺការប្រើប្រាស់ទឹកលាងសម្អាតតែម្តង ហើយក្នុងនោះការជ្រើសរើសឧបករណ៍សម្រាប់ប្រតិបត្តិកិច្ចការនេះត្រឹមត្រូវនឹងនាំមកនូវគុណប្រយោជន៍កាន់តែច្រើនដល់លោកអ្នក ។
ចំពោះចម្លើយនៃការលើកទ្បើងខាងលើនេះ កោះសន្តិភាពសូមបកស្រាយផ្អែកតាមគេហទំព័រជំនាញរបស់បរទេសដូចខាងក្រោម៖
ប្រដាប់ប្រដាឬសម្ភារសម្រាប់លាងសម្អាតរថយន្ត ដើម្បីជួយសន្សំសំចៃទឹកបានច្រើននោះគឺពុំមានអ្វីច្រើនដល់ថ្នាក់រាប់សិបទ្បើយ ប៉ុន្តែវាមានវិធីសាស្ត្រមួយចំនួនក្នុងការរក្សាស្តុកទុកទឹក ខណៈពេលនៃការលាងសម្អាតទៅវិញទេ។ មួយវិញទៀត ជានិច្ចកាលវាក៏ពុំចាំបាច់លាងសម្អាតឱ្យបានពេញលេញទ្បើយ ដូច្នេះការប្រើប្រាស់ត្រឹមតែការបាញ់ទឹកក៏អាចសន្សំសំចៃទឹកបានមួយកម្រិតដែរ ។ ជាទូទៅគឺគ្រាន់តែបាញ់ទឹកលើរថយន្ត បន្ទាប់មកជូតសម្អាតនិងជម្រះភាពកខ្វក់ចេញក្រោយពីការបាញ់ទឹកនោះជាមួយនឹងកូនកន្សែងពោះគោស្អាតជាការស្រេច ។
ការអនុវត្តដ៏ងាយៗនេះ គឺទទួលបានអត្រាកម្រិតល្អពីអ្នកជំនាញ និងអតិថិជនក៏ដូចជាអ្នកប្រើប្រាស់ជាច្រើន ដែលសុទ្ធតែធ្លាប់មានបទពិសោធន៍រួចហើយ ។
លើសពីនេះការប្រើវិធីលាងរថយន្តជាក់ស្តែង តាមយានដ្ឋានគឺវាប្រើទឹកតិចជាងការអនុវត្តនៅផ្ទះទៅទៀត ហើយវាក៏កាន់តែប្រសើរដែរ ក្នុងបរិយាកាសនេះ ពីព្រោះថា ក្នុងចំណោមនៃការខ្ជះខ្ជាយទឹកពេលលាងសម្អាតរថយន្តទាំងអស់ គឺមានការផ្ញើសារដោយផ្ទាល់ ដើម្បីរកដំណោះស្រាយឱ្យមានភាពងាយស្រួលចំពោះករណីនេះ ៕
ចែករំលែកព័តមាននេះ