ខេត្តឧត្តរមានជ័យ ៖ បុរសម្នាក់ត្រូវបានសមត្ថកិច្ចប៉ូលីសស្រុកត្រពាំងប្រាសាទ
ធ្វើការឃាត់ខ្លួនកាលពីថ្ងៃទី៥ កញ្ញា ឆ្នាំ២០២០ ពីបទប្រទូស្គកេរ្តិ៍ខ្មាសលើក្មេងស្រីវ័យ១
៣ឆ្នាំម្នាក់ បន្ទាប់ពីបុរសរូបនេះបានធ្វើសកម្មភាពចាប់បង្ខំសេពសន្ថវៈមិនបានសម្រេចនៅចំណុចស្ពានមួយកន្លែង ស្ថិតក្នុងស្រុកត្រពាំងប្រាសាទ ខេត្តឧត្តរមានជ័យ កាលពីយប់ថ្ងៃទី២ កញ្ញា ឆ្នាំ២០២០ កន្លងទៅ ហើយត្រូវបានឪពុកម្តាយក្មេងស្រីរងគ្រោះដាក់ពាក្យបណ្តឹងឱ្យចាប់ខ្លួនតែម្តង។
ជនសង្ស័យឈ្មោះពៅ ពឿត ភេទប្រុស អាយុ២០ឆ្នាំ រស់នៅក្នុងភូមិឃុំកើតហេតុខាងលើ ចំណែកក្មេងស្រីរងគ្រោះ មានអាយុ១៣ឆ្នាំ ។
ប៉ូលីសបានធ្វើការសាកសួរ ហើយក្មេងស្រីរងគ្រោះវ័យ១៣ឆ្នាំបានបំភ្លឺឱ្យដឹងថា មុនពេល
កើតហេតុ នាងបានទៅវត្តក្នុងរដូវបុណ្យកាន់បិណ្ឌកាលពីយប់ថ្ងៃទី២ កញ្ញា ឆ្នាំ២០២០ ជាមួយជីដូនឈ្មោះលោកយាយម៉ៅ ខណៈនោះលោកយាយជាប់រវល់ស្តាប់លោកសូត្រធម៍
សិន ដោយប្រាប់នាងថា ចៅឡើងជិះម៉ូតូទៅផ្ទះយាយជាមួយឈ្មោះពៅ ពឿត មុន ចាំយាយស្តាប់លោកសូត្រធម៍ចប់ យាយនឹងទៅតាមក្រោយ»។
ក្មេងស្រីរងគ្រោះបានបញ្ជាក់ថា នៅវេលាម៉ោង១០យប់ថ្ងៃទី២ កញ្ញា ឆ្នាំ២០២០ ជនសង្ស័យឈ្មោះពៅ ពឿត បានឌុបនាងមកដល់គល់ស្ពានត្រង់ចំណុចកើតហេតុខាងលើ ក៏ប្រើល្បិចពន្លត់ភ្លើងម៉ូតូ ដោយនិយាយថា ដាច់ភ្លើងម៉ូតូហើយ រួចជនសង្ស័យឈប់ម៉ូតូដើរទៅបត់ជើងតូច ចំណែកនាងក៏ចុះពីលើម៉ូតូដែរ ស្រាប់តែជនសង្ស័យស្ទុះមកឱបនាង ដោយគំរាមថា បើហ៊ានស្រែកនឹងផ្តាច់ជីវិតចោល ។ ភ្លាមៗនោះ ជនសង្ស័យបានចាប់សំរាតសម្លៀកបំពាក់ និងបំរុងចាប់បង្ខំសេពសន្ថវៈដែរ ប៉ុន្តែមិនបានសម្រេច ដោយសារនាងបានស្រែកខ្លាំងៗ និងប្រឹងរើបំរះរួច ហើយរត់ទៅផ្ទះយាយវិញ បន្ទាប់មកនាងបានប្រាប់ឪពុកម្តាយឱ្យដឹង ទើបដាក់ពាក្យប្តឹងចូលទៅអធិការស្រុកត្រពាំងប្រាសាទតែម្តង។
ប៉ូលីសអធិការស្រុកត្រពាំងប្រាសាទបានឱ្យដឹង ក្រោយពីបានទទួលនូវពាក្យ
បណ្តឹងពីឪពុកម្តាយក្មេងស្រីរួចមក សមត្ថកិច្ចបានធ្វើការស៊ើបអង្កេត និងហៅជនសង្ស័យមកធ្វើការសាកសួរ ហើយជនសង្ស័យបានឆ្លើយសារភាពថា ខ្លួនពិត
ជាបានចាប់នាងដូចពាក្យចោទប្រកាន់មែន ។
យោងតាមពាក្យបណ្តឹង និងចម្លើយសារភាពរបស់ជនសង្ស័យ សមត្ថកិច្ចបានកសាងសំណុំរឿងបញ្ជូនខ្លួនជនសង្ស័យទៅការិយាល័យប្រឆាំងការជួញដូរមនុស្ស និងការពារនិតិជន នៃស្នងការដ្ឋាននគបាលខេត្តឧត្តរមានជ័យចាត់ការទៅតាមនីតិវិធីច្បាប់៕ (កែសម្រួលដោយ ៖ ធីតា)
ចែករំលែកព័តមាននេះ