ខេត្តតាកែវ ៖ ដើម្បីចូលរួមទប់ស្កាត់ពីជំងឺកូវីដ-១៩ លោក ម៉ឹង ពន្លក ប្រធានក្រុមចលនាយុវជនកម្ពុជា១៥៧ បានធ្វើការណែនាំដល់សាខាក្រុមចលនាយុវជនកម្ពុជា១៥៧ ខេត្តតាកែវ ត្រូវយកចិត្តទុកដាក់ខ្ពស់ដល់សុខភាពនិងការរស់នៅរបស់ប្រជាពលរដ្ឋ…
ខេត្តតាកែវ ៖ ដើម្បីចូលរួមទប់ស្កាត់ពីជំងឺកូវីដ-១៩ លោក ម៉ឹង ពន្លក ប្រធានក្រុមចលនាយុវជនកម្ពុជា១៥៧ បានធ្វើការណែនាំដល់សាខាក្រុមចលនាយុវជនកម្ពុជា១៥៧ ខេត្តតាកែវ ត្រូវយកចិត្តទុកដាក់ខ្ពស់ដល់សុខភាពនិងការរស់នៅរបស់ប្រជាពលរដ្ឋ ។
នៅថ្ងៃទី៥ ខែកញ្ញា ឆ្នាំ២០២០ លោក កែវ វ៉ាន្នី ប្រធានក្រុមការងារចលនាយុវជនកម្ពុជា១៥៧ សាខាខេត្តតាកែវ បានឲ្យលោក អេង ប៉ជាក អនុប្រធានចលនាយុវជនកម្ពុជា១៥៧ សាខាខេត្តតាកែវ ដឹកនាំការចុះបាញ់ថ្នាំកម្ចាត់សត្វល្អិតសម្លាប់មេរោគកូវីដ-១៩ និងកម្ចាត់មេរោគផ្សេងៗទៀត ដោយសហការជាមួយអាជ្ញាធរក្រុងដូនកែវ និងក្រុមហ៊ុនអ៊ីហ្ស៊ីភេសខនត្រូល ។
លោក អេង ប៉ជាក បានឲ្យដឹងថា នៅថ្ងៃនេះយើងបានចុះបាញ់ថ្នាំសម្លាប់មេរោគនៅផ្សារចំនួន២ គឺផ្សារណាត់និងផ្សារតាកែវ ដើម្បីបាញ់ថ្នាំកម្ចាត់សត្វល្អិតចង្រៃជាច្រើន ក៏ដូចជាកម្ចាត់មេរោគឆ្លងកូវីដ-១៩ ដើម្បីការពារកុំឲ្យមានការឆ្លងនូវជំងឺផ្សេងៗជូនប្រជាពលរដ្ឋនៅក្នុងក្រុងតាកែវ ។
លោក អេង ប៉ជាក បន្តទៀតថា ការចុះបាញ់ថ្នាំសម្លាប់មេរោគនេះ ធ្វើឲ្យបងប្អូនអាជីវករក៏ដូចប្រជាពលរដ្ឋដែលរស់នៅក្នុងក្រុងដូនកែវសប្បាយចិត្តណាស់ និងបានថ្លៃងអំណរគុណថ្នាក់ដឹកនាំក្រុមចលនាយុវជនកម្ពុជា១៥៧ទាំងអស់ ដែលមានគំនិតផ្ដួចផ្តើមសហការជាមួយក្រុមហ៊ុន ចុះបាញ់សម្លាប់សត្វល្អិតដើម្បីបង្ការ និងការពារការឆ្លងជំងឺកូវីដ-១៩នាពេលនេះ ៕
ចែករំលែកព័តមាននេះ