ជាប់ឃុំហើយឃាតកដៃឆៅសម្លា.ប់ក្មេងស្រីម្នាក់អាយុ១៤ឆ្នាំ ហើយរំលោ.ភសេពសន្ថវៈទៀត
- ភ្នំពេញ
រាជធានីភ្នំពេញ ៖ លោក កូយ សៅ អនុប្រធានសាលាដំបូងរាជធានីភ្នំពេញ និងជាចៅក្រមស៊ើបសួរ កាលពីរសៀលថ្ងៃទី៤ ខែកញ្ញា ឆ្នាំ២០២០…
រាជធានីភ្នំពេញ ៖ លោក កូយ សៅ អនុប្រធានសាលាដំបូងរាជធានីភ្នំពេញ និងជាចៅក្រមស៊ើបសួរ កាលពីរសៀលថ្ងៃទី៤ ខែកញ្ញា ឆ្នាំ២០២០ បានសម្រេចចេញដីកាឃុំខ្លួន ឃាតកសម្លាប់ក្មេងស្រីអាយុ១៤ឆ្នាំម្នាក់ ដាក់ពន្ធនាគារជាបណ្តោះអាសន្ន ពីបទ.ឃាតកម្មដោយមានអំពើឃោឃៅ និងអំពើរំលោភសេពសន្ថវៈ ប្រព្រឹត្តនៅបន្ទប់ជួលភូមិជ្រៃកោង ផ្លូវបេតុង សង្កាត់ចោមចៅ២ ខណ្ឌពោធិសែនជ័យ កាលពីថ្ងៃទី១ ខែកញ្ញា ឆ្នាំ២០២០ តាមបញ្ញត្តិមាត្រា២០៥ នៃក្រមព្រហ្មទណ្ឌ។
បុរសជាឃាតកឈ្មោះ ឡាច ចន្ថា ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ២១ ផ្លូវបេតុង ភូមិជ្រៃកោង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។ សូមរំលឹកថា កាលពីរសៀលថ្ងៃទី១ ខែកញ្ញា ឆ្នាំ២០២០ ជនដៃដល់ឈ្មោះ ឡាច ចន្ថា បានប្រព្រឹត្តអំពើឃោរឃៅចាក់សម្លាប់ជនរងគ្រោះឈ្មោះ ពឹង ស្រីពេជ្រ ភេទស្រី អាយុ១៤ឆ្នាំ ស្នាក់នៅបន្ទប់ជួលក្បែរគ្នា រួចរំលោភសេពសន្ថវៈលើសាកសពជនរងគ្រោះដែលទើបបាត់បង់អាយុជីវិត ហើយបានព្យាយាមរត់គេចខ្លួន។ ប៉ុន្តែឈាមស្រែកស្បែកហៅ ជនជាឃាតកត្រូវបានកម្លាំងសមត្ថកិច្ចនគរបាល នៃនាយកដ្ឋានព្រហ្មទណ្ឌក្រសួងមហាផ្ទៃ តាមចាប់ខ្លួន ខណៈរូបគេបម្រុងឡើងជិះរថយន្តទៅកាន់ខេត្តកំពង់ធំ។
ក្រោយពេលចាប់ ខ្លួនជនដៃដល់បានសារភាពចំពោះមុខសមត្ថកិច្ចថា នៅថ្ងៃទី២២ ខែកក្កដា ខ្លួនបានទៅជួលបន្ទប់លេខ២១ ជាន់ទី១ ផ្លូវបេតុង ភូមិជ្រៃកោង សង្កាត់ចោមចៅ២ ដើម្បីស្នាក់នៅរកការងារធ្វើ។ ចាប់តាំងពីពេលនោះមកខ្លួនបានឃើញជនរងគ្រោះ៣-៤ដងដែរ ប៉ុន្តែមិនច្បាស់ថានាងស្នាក់នៅបន្ទប់ណាមួយទេ ។ លុះដល់ថ្ងៃកើតហេតុខ្លួនបានដើរទៅទិញស្រាមកលាយជាមួយស្ទីងផឹកនៅក្នុងបន្ទប់តែម្នាក់ឯង រហូតដល់វេលារសៀលមេឃក៏ធ្លាក់ភ្លៀងខ្លាំង ខ្លួនបានចុះទៅក្រោមរកទិញអីញាំ ទើបបានដើរកាត់មុខបន្ទប់ ជនរងគ្រោះ ដែលពេលនោះឃើញទ្វារចំហរ ហើយជនរងគ្រោះអង្គុយចុចទូរស័ព្ទលេងម្នាក់ឯង។
ឃើញឱកាសល្អដូច្នេះ ខ្លួនក៏បានស្ទុះចូលទៅក្នុងបន្ទប់ជនរងគ្រោះ រួចចាក់គន្លឹះទ្វារ ហើយបានធ្វើសកម្មភាពចាប់ឱបថើបជនរងគ្រោះពីក្រោយ បណ្តាលឲ្យនាងរើបម្រះ និងស្រែករកគេជួយ តែភ្លាមនោះខ្លួនបានគម្រាមថា « បងចង់បានតែខ្លួនអូនទេ ពេលបានខ្លួនហើយ បងនឹងត្រឡប់ទៅវិញ តែបើហ៊ានស្រែកបងនឹងសម្លាប់អូនចោលតែម្ដង» ។ ចម្លើយបន្តថា ពេលនោះជនរងគ្រោះនៅតែរើបម្រះ និងស្រែកឲ្យគេជួយ ទើបខ្លួនយកដៃខ្ទប់មាត់ និងច្របាច់កសង្កត់ឲ្យជនរងគ្រោះដេកផ្កាប់លើឥដ្ឋ រួចបានយកដំបងឆក់ខ្នង តែជនរងគ្រោះនៅរើបម្រះដដែល ឃើញដូច្នោះខ្លួនបានស្ទុះយកកូនកាំបិទចិតបន្លែ ដងលឿង នៅលើតុក្បែរនោះ ចាក់កពីចំហៀងខាងឆ្វេងជនរងគ្រោះ ២កាំបិត និងអាផ្ដាច់បំពង់កបន្ថែមទៀត បណ្តាលឲ្យនាងដាច់ខ្យល់ស្លាប់ក្នុងថ្លុកឈាម។
ក្រោយពីជនរងគ្រោះស្លាប់ហើយ រូបគេបានសម្រាតខោសាក សពរំលោភសេពសន្ថវៈក្នុងពេលនោះតែម្ដងទៅ។ ពេលរំលោភសេពសន្ថវៈហើយ ខ្លួនបានយកទូរស័ព្ទជនរងគ្រោះ និងដំបងឆក់ឡើងទៅបន្ទប់ជួលវិញ ដោយបានប្រាប់ប្អូនធម៌ថា ខ្លួនមានការប្រញាប់ទៅក្រុងកំពង់សោម។ បន្ទាប់មកខ្លួនក៏បានចេញទៅរកម៉ូតូកង់បី(ផាស់អាប់)ជិះទៅបូរីឡេងណាវ៉ាត់ត្រា ប៉ុន្តែអ្នករត់ម៉ូតូកង់បីប្រាប់ថា ភ្លៀងលិចផ្លូវអស់ហើយទៅមិនកើតទេ ទើបខ្លួនដើរកាត់ភ្លៀងទៅផ្លូវវេងស្រេង ដើម្បីម៉ូតូកង់បីជិះទៅផ្សារដើមគ ក្នុងគោលបំណង ជិះតាក់ស៊ីទៅកាន់ខេត្តឧត្តរមានជ័យ ជាស្រុកកំណើត។
ពេលជិះកង់បីដល់ពាក់កណ្ដាលផ្លូវ២០០៤ ក៏បានបោះដំបងឆក់ចោល លុះដល់ផ្សារដើមគ មិនមានឡានចេញដំណើរទេ ខ្លួនក៏បានបន្តទៅផ្ទះបងស្រីនៅផ្សារបែកចាន ហើយបានស្នាក់នៅទីនោះមួយយប់។ លុះព្រឹកឡើងថ្ងៃទី២ ខែកញ្ញា ខ្លួនបានចេញពីផ្ទះបងស្រីទៅជិះរថយន្តឈ្នួលនៅចំណុចភូមិកណ្ដាល សង្កាត់ព្រែកព្នៅ ខណ្ឌព្រែកព្នៅ គោលបំណងធ្វើដំណើរទៅខេត្តកំពង់ធំ ក៏ត្រូវសមត្ថកិច្ចចាប់ខ្លួនតែម្ដងទៅ៕ ដោយ ៖ ឃឹម ប៊ុនណាក់
ចែករំលែកព័តមាននេះ