រាជធានីភ្នំពេញ ៖ សេចក្តីរាយការណ៍បានឲ្យដឹងថា ករណីទំនាស់រឿងមិនដាំបាយទុកឱ្យហូប ឈានដល់ប្អូនថ្លៃវាយក្បាលបងថ្លៃ២អង្រែបុកគ្រឿង បណ្តាលឲ្យបាត់បង់ជីវិតនៅក្នុ ងថ្លុកឈាម ដែលហេតុការណ៍នេះកើតឡើងកាលពីវេលាម៉ោង១២យប់រំលងអធ្រាត្រថ្ងៃទី៣ ខែសីហា ឆ្នាំ២០២០…
រាជធានីភ្នំពេញ ៖ សេចក្តីរាយការណ៍បានឲ្យដឹងថា ករណីទំនាស់រឿងមិនដាំបាយទុកឱ្យហូប ឈានដល់ប្អូនថ្លៃវាយក្បាលបងថ្លៃ២អង្រែបុកគ្រឿង បណ្តាលឲ្យបាត់បង់ជីវិតនៅក្នុ ងថ្លុកឈាម ដែលហេតុការណ៍នេះកើតឡើងកាលពីវេលាម៉ោង១២យប់រំលងអធ្រាត្រថ្ងៃទី៣ ខែសីហា ឆ្នាំ២០២០ ស្ថិតនៅផ្ទះលេខ១២៧ តាមបណ្ដោយផ្លូវ១៣៤ សង្កាត់មិត្តភាព ខណ្ឌ៧មករា រាជធានីភ្នំពេញ ។
ទោះបីជាយ៉ាងណា ជនសង្ស័យត្រូវបានសមត្តកិច្ចចាប់ខ្លួនភ្លាមៗ គឺឈ្មោះ បាន ឡា ភេទប្រុស អាយុ៣៤ ឆ្នាំស្នាក់នៅផ្ទះកើតហេតុនោះតែម្តង ។ ចំណែកជនរងគ្រោះឈ្មោះ ពូន ប៉ូលីន ភេទប្រុស អាយុ៣៥ឆ្នាំ (ត្រូវជាបងថ្លៃបានបាត់បង់ជីវិត) មិនមានអាស័យដ្ឋានស្នាក់នៅទីនេះទេ ។
បើតាមចម្លើយសារភាពរបស់ជនសង្ស័យបានប្រាប់សមត្ថកិច្ចឱ្យដឹងថា មុនពេលកើតហេតុ ជនសង្ស័យដែលជាប្អូនថ្លៃ បាននឹងកំពុងដេកជាមួយប្រពន្ធកូននៅក្នុងបន្ទប់ផ្ទះរបស់ខ្លួនដូចធម្មតា ។ ពេលនោះស្រាប់តែជនរងគ្រោះដែលជាបងថ្លៃ បានដើរមកដល់មុខបន្ទប់ផ្ទះប្អូនថ្លៃ(ជនសង្ស័យ) ហើយស្រែកសួររកបាយហូប តែជនសង្ស័យបានឆ្លើយតបវិញថា ថ្ងៃនឹងអត់មានដាំបាយទុកទេ បន្ទាប់ពីឮដូច្នោះ ជនរងគ្រោះបានស្រែកជេរជនសង្ស័យ ផ្អើលអ្នករស់នៅជិតខាងទាំងយប់អាធ្រាត្រ បណ្តាលឲ្យពួកគេទាំង២នាក់កើតមានទំនាស់ពាក្យសំដី ។
ជនសង្ស័យបានបន្តថា ពេលកំពុងទាស់ពាក្យសំដីជេរទៅជេរមក បងថ្លៃទាញបានអង្រែបុកគ្រឿង ឈរចាំវាយប្អូនថ្លៃតាមកំហឹងនៅមុខបន្ទប់ ប៉ុន្តែខណៈពេលប្អូនថ្លៃស្ទុះចេញមកចាប់បងថ្លៃជាប់ នឹងដណ្តើមបានអង្រែបុកគ្រឿង ហើយក៏វាយទៅលើក្បាលបងថ្លៃ២អង្រែវិញ បណ្តាលឲ្យបងថ្លៃបាត់បង់ជីវិតតែម្តងទៅ ។
សមត្តកិច្ចបន្តថា បងថ្លៃដែលជាជនរងគ្រោះមិនមានអាស័យដ្ឋាននៅនេះទេ និងមានប្រពន្ធកូនរស់នៅខណ្ឌជាយក្រុងភ្នំពេញ ជនរងគ្រោះជាមនុស្សប៉ោឡែដើរមិនចូលផ្ទះ ហើយយប់អាធ្រាត្រឡើងតែងតែមករកបាយទឹក និងសម្រាកនៅផ្ទះប្អូន តែយប់នេះប្អូនថ្លៃក៏មានការធុញទ្រាន់ដែរ ទើបប៉ះពារពាក្យសំដីគ្នា រហូតដល់ដាច់ចិត្តលើកដៃវាយបងថ្លៃ២អង្រែបុកគ្រឿង បណ្តាលឲ្យបាត់បង់ជីវិតក្នុងថ្លុកឈាម ។
ក្រោយកើតហេតុ សមត្ថកិច្ចនគរបាលមូលដ្ឋានប៉ុស្តិ៍មិត្តភាពបានចុះទៅឃាត់ខ្លួនជនសង្ស័យ និងនាំទៅកាន់អធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ