ខេត្តតាកែវ ៖ ក្រុមគ្រួសារមួយបានចាប់យកអាជីពជាអ្នកដាំផ្កាលក់អស់រយៈពេលជាង២០ឆ្នាំមកហើយ ។ របរដាំផ្កានេះជួយធ្វើឱ្យជីវភាពគ្រួសារធូរធារ ។
លោកជុំ វីវុទ្ធី អាយុ៤៧ឆ្នាំ រស់នៅភូមិចក
ខេត្តតាកែវ ៖ ក្រុមគ្រួសារមួយបានចាប់យកអាជីពជាអ្នកដាំផ្កាលក់អស់រយៈពេលជាង២០ឆ្នាំមកហើយ ។ របរដាំផ្កានេះជួយធ្វើឱ្យជីវភាពគ្រួសារធូរធារ ។
លោកជុំ វីវុទ្ធី អាយុ៤៧ឆ្នាំ រស់នៅភូមិចក សង្កាត់រកាក្នុង ក្រុងដូនកែវ ខេត្តតាកែវ កាលពីពេល ថ្មីៗនេះរៀបរាប់ឱ្យដឹងថា គាត់មានប្រពន្ធឈ្មោះអ៊ួង ចាន្នី អាយុ៤៦ឆ្នាំ មានកូន៦នាក់ នៅក្នុងបន្ទុក ក្នុងនោះ ស្រី២នាក់ រស់នៅក្នុងបន្ទុកទាំងអស់ ។ មុខរបរដាំផ្កាបានប្រែក្លាយជីវភាពគ្រួសាររបស់គាត់ឱ្យប្រសើរឡើងដែលកាលពីមិនទាន់ចាប់អាជីពនេះគ្រួសារគាត់ក្រីក្ររកព្រឹកខ្វះល្ងាច ។
លោកជុំ វីវុទ្ធី ឱ្យដឹងថា ក្រោយឆ្នាំ១៩៧៩ គាត់ និងប្រពន្ធបានរៀបការនឹងគ្នា តែពេលនោះមានជីវភាពក្រលំបាកណាស់ ។ ក្នុងស្ថានភាពបែបនោះ គាត់បានពិភាក្សាគ្នាជាមួយប្រពន្ធថាគួរចាប់អាជីពដាំផ្កាលក់ ។ នៅឆ្នាំ១៩៨៩ គាត់បានដើររកទិញគ្រាប់ផ្កាពូជចំនួន៥ប្រភេទយកមកដាំលក់ មានផ្កាសេមាន់ ផ្កាស្បៃរឿង ផ្កាឡេវអាវ ផ្កាផ្ទែក និងផ្កាយូលែត ដោយបែងចែកដាំតាមរដូវប្រាំង និងរដូវវស្សា។ នៅរដូវវស្សាគាត់ដាំនៅមុខផ្ទះនៅលើផ្ទៃដីប្រមាណជា៦អា ឯខែប្រាំងដាំនៅក្នុងស្រែ និងនៅមាត់បឹងលើផ្ទៃដីប្រមាណ១៥អា ។
លោកជុំ វីវុទ្ធី បញ្ជាក់ថា តាំងពីចាប់ផ្តើមធ្វើរងដាំគ្រាប់រហូតបានបេះផ្កាលក់មានរយៈពេល២ខែកន្លះ ហើយសមាជិកគ្រួសារគាត់ទាំងអស់យកចិត្តទុកដាក់មើលថែ និងស្រោចទឹកជាប្រចាំ ។
ចំពោះការលក់ផ្ការាល់ថ្ងៃនេះគឺផ្កាកម្រងស៊ុមដាក់រូបថតបុណ្យសពធ្វើទៅតាមការបញ្ជារបស់អ្នកទិញ មានតម្លៃចាប់ពី៥០០០០រៀលឡើងទៅ ។
បើអតិថិជនចង់ទិញផ្កាអាចទៅទិញដល់ផ្ទះរបស់លោកជុំ វីវុទ្ធី នោះលោកនឹងបំពេញតាមតម្រូវការ ៕
ចែករំលែកព័តមាននេះ