រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋប្រទះឃើញអណ្តែតទឹកទន្លេសាបទាំងដៃធ្លាប់ខ្នោះ បន្ទាប់ពីរត់គេចខ្លួនពីសមត្ថកិច្ចដាក់កម្លាំងត្រួតពិនិត្យ ពង្រឹងច្បាប់ចរាចរណ៍ ហើយក៏បាត់ខ្លួនអស់រយៈពេល២ថ្ងៃ។ ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៨ព្រឹកថ្ងៃទី៤ ខែកញ្ញា ឆ្នាំ២០២០ នៅច្រាំងទន្លេសាប…
រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋប្រទះឃើញអណ្តែតទឹកទន្លេសាបទាំងដៃធ្លាប់ខ្នោះ បន្ទាប់ពីរត់គេចខ្លួនពីសមត្ថកិច្ចដាក់កម្លាំងត្រួតពិនិត្យ ពង្រឹងច្បាប់ចរាចរណ៍ ហើយក៏បាត់ខ្លួនអស់រយៈពេល២ថ្ងៃ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៨ព្រឹកថ្ងៃទី៤ ខែកញ្ញា ឆ្នាំ២០២០ នៅច្រាំងទន្លេសាប ក្នុងភូមិឡកំបោរ សង្កាត់ស្វាយ ខណ្ឌឫស្សីកែវ រាជធានីភ្នំពេញ ។
សពបុរសខាងលើនេះត្រូវបានគេស្គាល់ឈ្មោះ ថាច់ ភារម្យ អាយុ២៩ឆ្នាំ មានលំនៅផ្ទះជួលម្តុំផ្សារផ្លាហ្សារ ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ ។
តាមសាក្សីបានអោយដឹងថា នៅមុនពេលកើតហេតុ គេឃើញសពបុរសរូបនោះអណ្តែតទឹកទាំងដៃជាប់ខ្នោះ ហើយក៏រាយការណ៍ប្រាប់សមត្ថកិច្ចឱ្យចុះមកពិនិត្យតែម្តង ។
តាមប្រភពពីស្ត្រីឈ្មោះ ថាច់ សូហ្វី អាយុ៤០ឆ្នាំ ត្រូវជាបងស្រីរបស់ជនរងគ្រោះ បានអោយដឹងថា គាត់ពុំដឹងថា ប្អូនរបស់គាត់មានរឿងអ្វី ហើយបាត់បង់ជីវិតដោយសារអ្វីនោះទេ ។លុះនៅវេលាម៉ោងប្រមាណជា៨ព្រឹក ស្រាប់តែមានគេមកប្រាប់ថា ប្អូនរបស់គាត់បានបាត់បង់ជីវិតដោយសារតែលង់ទឹក ទើបគាត់ធ្វើដំណើរមកមើល។
តាមប្រភពព័ត៌មានបានអោយដឹងទៀតថា កាលពីវេលារសៀលថ្ងៃទី២ ខែកញ្ញា ដែលជាថ្ងៃសែនក្បាលទឹក នគរបាលផ្នែកចរាចរណ៍ខណ្ឌឬស្សីកែវបានដាក់កម្លាំងត្រួតពិនិត្យ ពង្រឹងការអនុវត្តច្បាប់ចរាចរណ៍នៅតាមផ្លូវជាតិលេខ៥ ក្នុងមូលដ្ឋានសង្កាត់ស្វាយប៉ាក ក៍បានឃាត់ខ្លួនបុរសខាងលើ ដែលជិះម៉ូតូមួយគ្រឿង អត់ស្លាកលេខ អត់មួក និងកញ្ចក់ដោយឆែកឆេរដកហូតបានថ្នាំញៀនមួយកញ្ចប់ ក៍បានចាប់វាយខ្នោះ ។ បន្ទាប់ពីចាប់ខ្លួន ជនសង្ស័យបានរត់គេចខ្លួនទាំងដៃជាប់ខ្នោះ ស្រាប់តែ២ថ្ងៃក្រោយក៏ប្រទះឃើញសពអណ្តែតទឹកបែបនេះតែម្តង ។
បច្ចុប្បន្ន សពត្រូវបាននគរបាលបញ្ជូនទៅកាន់ឈាបនដ្ឋានវត្តស្ទឹងមានជ័យ ដើម្បីត្រួតពិនិត្យ និងប្រគល់អោយក្រុមគ្រួសារធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ