ខេត្តសៀមរាប ៖ ក្រុមហ៊ុនបុរីអង្គរលែនម៉ាក្ស ត្រៀមដាក់ពាក្យប្តឹងលោកស្រី លី អ៊ុំអេងទៅកាន់តុលាការ ករណីយកលុយពីក្រុមហ៊ុនអស់ បែរចោទក្រុមហ៊ុនទទួលបានសែកស្អុយទៅតុលាការក្នុងពេលឆាប់ៗ ខណៈលោកស្រីមិនព្រមចូលចរចាដើរស្រែកបង្ខូចកេរ្តិ៍ឈ្មោះក្រុមហ៊ុនតាមរយៈសារព័ត៌មាន ។
ក្រុមហ៊ុនបុរីអង្គរលែនម៉ាក្សចេញមុខបកស្រាយលើករណីការបណ្តឹងរបស់លោកស្រី លី អ៊ុំអេង» បានបង្ហោះនៅលើបណ្តាញសង្គមហ្វេសបុក និងឱ្យអ្នកសារព័ត៌មានសរសេរគ្មានការពិតនៅលើទំព័រវ៉េបសាយអ្នកសារព័ត៌មានជាច្រើនថា «លក់ដីបានសែកស្អុយទៅវិញ គ្មានការពិត ព្រោះលោកស្រី លី អ៊ុំអេង យកលុយពីក្រុមហ៊ុនបុរីអង្គរ លែនម៉ាក្ស អស់ហើយ ខណៈពេលនេះ ក្រុមហ៊ុនអង្គរលែនម៉ាក្ស និងត្រៀមដាក់ពាក្យបណ្តឹងទៅតុលាការខេត្តសៀមរាប ប្រសិនបើលោកស្រីលី អ៊ុំអេង មិនព្រមចូលមកដោះស្រាយតាមសម្រួលលើបញ្ហាមួយចំនួនដែលក្រុមហ៊ុនស្នើសុំ។ ករណីដីធ្លីនោះ មានទីតាំងស្ថិតនៅភូមិសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប។
លោក ទូស សាភឿន និងមេធាវី តំណាងក្រុមហ៊ុនអង្គរលែនម៉ាក្ស បានចេញមុខបកស្រាយឆ្លើយតបនឹងការចោទប្រកាន់របស់លោកស្រីលី អ៊ុំអេង ដែលថា ក្រុមហ៊ុនចេញស៊ែកគ្មានលុយ ឬសែកបើកលុយមិនបាន នៅចំពោះមុខភ្នាក់ងារកោះសន្តិភាពនៅរសៀលថ្ងៃទី២ កញ្ញា ថា តំណាងក្រុមហ៊ុនបុរីអង្គរលែនម៉ាក្ស បានឆ្លើយតបដូចខាងក្រោម ៖
១-សែក១២សន្លឹក ដែលបានចេញ ឱ្យទៅម្ចាស់ដី ឈ្មោះលី អ៊ុំអេង សុទ្ធតែមានទឹកប្រាក់ទាំងអស់ ហើយម្ចាស់ដីឈ្មោះ លី អ៊ុំអេង ក៏បានបើកលុយនោះអស់លើសចំនួនដីដែលបានប្រគល់អោយក្រុមហ៊ុនទៀត ចំណែកសែកដែលលោកស្រី លី អ៊ុំអេង បើកមិនបានចំនួន៤សែកនោះ គឺក្រុមហ៊ុនបានសុំរក្សាការពារពីតុលាការ និងស្នើសុំបិទនៅធនាគារ ដោយសារ លោកស្រីមិនគោរពតាម កិច្ចសន្យាទិញលក់។
២-ជាក់ស្តែង ក្នុងសែកលុយ១លានប៉ែតសិបម៉ឺនដុល្លារគត់ ហើយបានសរសេរថា «ទូទាត់ថ្លៃដីប្លង់រឹង» ដែលក្នុងកិច្ចសន្យានោះ ភាគីអ្នកលក់(លោកស្រី លី អ៊ុំអេង) ត្រូវធ្វើឱ្យហើយយ៉ាងយូររយៈពេល៩០ថ្ងៃ តែរហូតមកដល់ថ្ងៃទី២ កញ្ញា ឆ្នាំ២០២០ នេះ មានរយៈពេលជាង១ឆ្នាំហើយ អ្នកលក់(លោកស្រីលី អ៊ុំអេង) នៅតែធ្វើមិនបាន ហើយយកស៊ែកនេះ មកបំភាន់ភ្នែកសាធារណៈជន និងបណ្តាញសារព័ត៌មានមួយចំនួន។
៣-ក្នុងកិច្ចសន្យាទិញ-លក់ ក៏មានសរសេរថា «កាត់ឆ្វៀលចេញ ដីដែលប៉ះពាល់តំបន់អប្សរា និងតំបន់ហាមឃាត់របស់រដ្ឋផ្សេងៗ តែលោកស្រី លី អ៊ុំអេង នៅតែបង្ខំក្រុមហ៊ុនឱ្យទិញយក និងទាមទារបើកលុយដោយមិនព្រមដោះស្រាយដីជាប់តំបន់ហាមឃាត់របស់អាជ្ញារធរអប្សារាចំនួន១៧.៨ ហិកតា ទៀតឱ្យ។
៤-លោកស្រី បានប្តឹងក្រុមហ៊ុន អង្គរលែនម៉ាក្ស ដែលជាភាគីអ្នកទិញដី ទៅតុលាការ៧ដងរួចហើយ តែលោកស្រី បានចាញ់បណ្តឹងទាំង៧ដងថែមទៀត តែមិនគោរពតាមសាលដីការបស់តុលាការទេ នៅតែបំពានផ្គើន និងសាលដីកា។ បច្ចុប្បន្ន ក្រុមហ៊ុននៅតែអត់ធ្មត់រង់ចាំការចរចាដំណោះស្រាយពីលោកស្រី លី អ៊ុអេង ប៉ុន្តែលោកស្រី នៅតែមិនសម្របសម្រួលដោយសន្តិវិធី ចូលចិត្តយកតុលាការជាផ្ទះ អាងគំរាមនិងបង្ហោះហែកកេរ្តិ៍តាមបណ្តាយហ្វេសបុក និងតាមបណ្តាយសារព័ត៌មានផ្សេងៗ។
ក្រុមហ៊ុន សំណូមពរដល់សាធារណៈជន ជាពិសេស បណ្តាញសារព័ត៌មានទាំងឡាយ មុននឹងធ្វើការចុះផ្សាយ សូមសួនាំពីភាគីក្រុមហ៊ុនជាមុនសិន ចៀសវៀងការចុះផ្សាយណាមួយដែលធ្វើឱ្យប៉ះពាល់ដល់កិត្តិយសក្រុមហ៊ុន ។
ចែករំលែកព័តមាននេះ