អ្នកបើកម៉ូតូវ៉ាជែងរថយន្តខ្វះការប្រយ័ត្ន បណ្តាលឱ្យស្លា.ប់ម្នាក់របួសធ្ងន់ម្នាក់
- សៀមរាប
ខេត្តសៀមរាប ៖ បើតាមការឱ្យដឹងពីលោកវរសេនីយ៍ឯក ទេព ពុំសែន អធិការនគរបាលស្រុកពួក បានប្រាប់នៅវេលាម៉ោង២ និង២០នាទីរសៀល ថ្ងៃទី០២ ខែកញ្ញា…
ខេត្តសៀមរាប ៖ បើតាមការឱ្យដឹងពីលោកវរសេនីយ៍ឯក ទេព ពុំសែន អធិការនគរបាលស្រុកពួក បានប្រាប់នៅវេលាម៉ោង២ និង២០នាទីរសៀល ថ្ងៃទី០២ ខែកញ្ញា…
ខេត្តសៀមរាប ៖ បើតាមការឱ្យដឹងពីលោកវរសេនីយ៍ឯក ទេព ពុំសែន អធិការនគរបាលស្រុកពួក បានប្រាប់នៅវេលាម៉ោង២ និង២០នាទីរសៀល ថ្ងៃទី០២ ខែកញ្ញា ឆ្នាំ២០២០នេះថា មានករណីគ្រោះថ្នាក់ចរាចរណ៍មួយបានកើតឡើងដោយសារ តែភាគីខាងម៉ូតូឡើងវ៉ាជែងរថយន្ត សណ្តោងរ៉ឺម៉កខ្វះការប្រុងប្រយ័ត្ន បណ្តាលឱ្យស្លាប់ម្នាក់ និងរបួសម្នាក់ធ្ងន់នៅនឹងកន្លែង យ៉ាងអាណោចអាធ័ម។
ហេតុការណ៍នេះកើតឡើងនៅវេលាម៉ោង៩ និង៣០នាទី ព្រឹកថ្ងៃទី០២ ខែ កញ្ញា ឆ្នាំ២០២០ តាមបណ្តោយផ្លូវជាតិលេខ៦ចំណុចគីឡូម៉ែត្រលេខ៣៣២-៣៣៣ ក្នុងភូមិដូនទ្រ ឃុំល្វា ស្រុកពួក ខេត្តសៀមរាប។ លោកវរសេនីយ៍ឯក ទេព ពុំសែន អធិការនគរបាលស្រុកពួក បានឱ្យដឹងថា មានរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពង់ចាម 3A-8765 សណ្តោងស៊ឺមីរ៉ឺម៉កពណ៌បៃតង ពាក់ស្លាកលេខ កំពង់ចាម 4A0-229 បើកបរដោយ ឈ្មោះ វន ចាន់នី ភេទប្រុស អាយុ២៤ឆ្នាំ នៅភូមិចំការអណ្តូង ឃុំចំការអណ្តូង ស្រុកចំការលើ ខេត្តកំពង់ចាម បើកបរទិសដៅពីកើតទៅលិច បានបុកម៉ូតូម៉ាហុងដាឌ្រីម ពណ៌ខ្មៅ ពាក់ស្លាកលេខ សៀមរាប 1B-0764 ។
បើកបរដោយឈ្មោះ ទូច ពយ ភេទប្រុស អាយុ៣៤ឆ្នាំ នៅភូមិពួកចាស់ ឃុំពួក ស្រុកពួក ខេត្តសៀមរាប (មានមួក)(ស្លាប់) និងអ្នកឌុបឈ្មោះ រ័ត្ន សាន ភេទប្រុស អាយុ៤០ឆ្នាំ នៅភូមិដំណាក់ស្លាញ ឃុំសសរស្តម្ភ ស្រុកពួក ខេត្តសៀមរាប (អត់មួក) បើកបរទិសដៅពីលិចទៅកើត (របួសធ្ងន់)។ លោកបញ្ជាក់ទៀតថា ចំពោះម៉ូតូរបស់ជនរងគ្រោះ ខូច ខាតធ្ងន់ និងរថយន្ត១គ្រឿងស្រាល។ លោកបន្ថែមថា មូលហេតុអ្នកបើកបរម៉ូតូឡើងវ៉ាជែងរថយន្ត ខ្វះការប្រុងប្រយ័ត្ន។ ក្រោយពេលកើតហេតុកម្លាំងជំនាញបានចុះវាស់វែងដល់កន្លែងកើតហេតុ និង បានសង្គ្រោះជនរងគ្រោះ ដែលរបួសធ្ងន់យកទៅសង្គ្រោះនៅមន្ទីរពេទ្យបង្អែកស្រុកពួក ប្រគល់។ ចំណែកសាកសពប្រគល់ជូនក្រុមគ្រួសារយកទៅធ្វើបុណ្យតាមប្រពៃណី និងដកហូតវត្ថុតាងពាក់ព័ន្ធ មករក្សាទុកនៅអធិការដ្ឋាននគរបាលស្រុក ដើម្បីចាត់ការតាមនីតិវិធី៕ ដោយ ៖ ច័ន្ទ រស្មី
ចែករំលែកព័តមាននេះ