ខេត្តមណ្ឌលគិរី ៖ អាចចាត់ទុកថា បណ្តាលមកពីព្រេងវាសនា បុរសវ័យជាង៣០ឆ្នាំម្នាក់ ត្រូវបានភរិយាដែលមានវ័យស្រករគ្នាលុតជង្គង់សំពះ ដោយស្ពាយបង្វិចចុះចោលបំណងទៅរកស្វាមីថ្មី ដែលមានជីវភាពធូរធាជាងខ្លួន ដោយបន្សល់ទុកកូនប្រុសចំនួន៤នាក់ រស់នៅរងទុក្ខវេទនាគ្មានអាហារហូបចុកគ្រប់គ្រាន់…
ខេត្តមណ្ឌលគិរី ៖ អាចចាត់ទុកថា បណ្តាលមកពីព្រេងវាសនា បុរសវ័យជាង៣០ឆ្នាំម្នាក់ ត្រូវបានភរិយាដែលមានវ័យស្រករគ្នាលុតជង្គង់សំពះ ដោយស្ពាយបង្វិចចុះចោលបំណងទៅរកស្វាមីថ្មី ដែលមានជីវភាពធូរធាជាងខ្លួន ដោយបន្សល់ទុកកូនប្រុសចំនួន៤នាក់ រស់នៅរងទុក្ខវេទនាគ្មានអាហារហូបចុកគ្រប់គ្រាន់ ហើយបច្ចុប្បន្ន គាត់បានសុំដីគេនៅ ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
បុរសពោះម៉ាយឈ្មោះ វុធ ម៉ៅ អាយុ៣៩ឆ្នាំ បានរៀបរាប់ថា រូបគាត់បានរៀបការជាមួយប្រពន្ធឈ្មោះ សុខ គៀត អាយុ៣៥ឆ្នាំ ស្រុកកំណើតមកពីទឹកដីខេត្តត្បូងឃ្មុំ។ ដោយគ្មានមុខរបរត្រឹមត្រូវ ក៏បាននាំប្រពន្ធមកស៊ីឈ្នួលគេនៅក្នុងស្រុកកែវសីមានេះ និងបង្កើតកូនប្រុសបានចំនួន៥នាក់ ក្នុងនោះ កាលពីប៉ុន្មានខែមុន កូនប្រុសម្នាក់ត្រូវពោះ
ពឹសចឹក បណ្តាលឱ្យបាត់បង់ជីវិត ។
បុរសដដែលបន្តថា ប្រពន្ធគាត់ដោយទ្រាំនិងជីវភាពក្រលំបាកពេក បានលុតជង្គង់សំពះវិចបង្វិចចាកចេញពីជីវិតលោក គ្មានស្តាយស្រណោះកូនៗតូចៗទាំង៤ឡើយ ដោយប្រពន្ធប្រាប់ថា និងទៅយកប្តីថ្មីដែលគេមានជីវភាពធូរធាជាងលោក។ លោកវុធ ម៉ៅ នៅបន្តទាំងអួលដើម.កថា រាល់ថ្ងៃពេលព្រឹក លោកបានទុកកូនតូចៗ២នាក់ ឲ្យកូនច្បងមើលនៅផ្ទះ ឯលោកទៅរើសអេតចាយ មួយព្រឹកជាង១ម៉ឺនរៀលដែរ។
លុះពេលរសៀល លោកនៅមើលកូនតូចវិញម្តង ដោយកូនច្បងដែលមានអាយុ១២ឆ្នាំ និងកូនបន្ទាប់អាយុ៨ឆ្នាំ ដើរទៅរើសអេតចាយម្តង ផ្សែផ្សំគ្នា គ្រាន់បានទិញចំណីអាហារ។ បុរសរូបនេះថា បើមានអង្គការទទួលយកកូនទៅចិញ្ចឹម លោកព្រមប្រគល់កូនៗដែលចង់ទៅនៅជាមួយអង្គការ ប៉ុន្តែបើកូនមិនចង់ទៅ គាត់នៅតែប្រឹងប្រែងរករបរអេតចាយចិញ្ចឹមបន្តដដែល។
អភិបាលស្រុកកែវសីមា លោកនួន សារ៉ន ក្រោយទទួលបានព័ត៌មាននេះបានឲ្យមន្ត្រីចុះត្រួតពិនិត្យនិងបញ្ជាក់ថា ជាពលរដ្ឋចំណូលថ្មី។ ហើយក្រោយពិនិត្យក៏បានផ្តល់អំណោយរបស់សាខាកាកបាតក្រហមជួយជ្រោមជ្រែងមួយផ្នែកផងដែរ។ តាមរយៈអ្នកសារព័ត៌មាន លោក សូ សុវណ្ណ និងលោកម៉ី អាន ស្នងការរងនគរបាលខេត្តមណ្ឌលគិរី បានជួយជាថវិការនិងអង្ករជូនគ្រួសារក្រីក្រខាងលើផងដែរ។
ចែករំលែកព័តមាននេះ