រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជម្លោះរវាងប្តីនិងប្រពន្ធ១គូ បាន បង្កការភ្ញាក់ផ្អើលមនុស្សយ៉ាងខ្លាំង បន្ទាប់ពីពួកគេឈានដល់ការប្រើហិង្សាដាក់គ្នា រហូតប្រើកាំបិតនិងកាំភ្លើង ។ ក្នុងហេតុការណ៍ គឺបានបង្កឱ្យស្ត្រីជាប្រពន្ធរងរបួសដៃហូរឈាមកក្លាក់ដោយកាំបិត កើតឡើងនៅវេលាម៉ោង០៩និង៣០នាទីព្រឹកថ្ងៃទី០១ កញ្ញា នេះ ស្ថិតត្រង់ចំណុចភូមិប្ញស្សី២ សង្កាត់ស្ទឹងមានជ័យ២ ខណ្ឌមានជ័យ ។
សេចក្តីរាយការណ៍បន្តថា អ្វីដែលកាន់តែផ្អើលថែមទៀត គឺបុរសជាប្តីបានដកកាំភ្លើងមកគំរាមបាញ់ប្រពន្ធរបស់ខ្លួន ប៉ុន្តែភ្លាមៗត្រូវកម្លាំងចុះទៅអន្តរាគមន៍ទាន់ពេលដោយធ្វើការឃាត់ខ្លួនបុរសជាប្តីនាំមកសាកសួរនៅប៉ុស្តិ៍ ។
ទោះបីជាយ៉ាងណា អត្តសញ្ញាណឈ្មោះប្តីប្រពន្ធ១គូខាងលើនេះ នៅទាន់ស្គាល់ ដឹងត្រឹមប្តីជាមន្ត្រីយោធាម្នាក់ តែមិនដឹងនៅអង្គភាពណានៅឡើយ ។ រីឯជម្លោះ ក៏ពុំមិនទាន់ដឹងផ្តើមចេញពីអ្វីច្បាស់នោះដែរ ខណៈសមត្ថកិច្ចកំពុងធ្វើការសាកសួរ ។ ។
កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ