«ដឹមីរ័រ» របស់អង់គ្លេសផ្សាយ កាលពីពេល ថ្មីៗនេះថា លោកសូរីន ជ័រជៀន សាលីនីវីស៊ី ជនជាតិរ៉ូម៉ានី អាយុ២៤ឆ្នាំ បានប្រកាសលក់ «ភាពបរិសុទ្ធ» របស់ខ្លួន ក្នុងតម្លៃជាង២.០០០អឺរ៉ូ ឬប្រហែល២.៣០០ដុល្លារ ។
លោកសូវីន ជ័រជៀន សាលីនីវីស៊ី បញ្ជាក់ថា «ខ្ញុំធ្លាប់អានព័ត៌មានដឹងថា ស្ត្រីមួយចំនួនប្រកាសលក់ព្រហ្មចារី ។ ពួកនាងធ្វើបាន ចំណែកខ្ញុំក៏ធ្វើបាន ប៉ុន្តែអ្នកដែលទិញភាពបរិសុទ្ធរបស់ខ្ញុំក្រៅពីមានប្រាក់ត្រូវមានលក្ខណៈសមរម្យ ។ មានន័យថា ស្ត្រីដែលអាចទិញភាពបរិសុទ្ធរបស់ខ្ញុំបាន ត្រូវមានលក្ខណៈសមរម្យ ប៉ុន្តែមិនមែនមានន័យថា រូបនាងត្រូវស្អាតទេ ត្រូវមានឫកពាធម្មតា និងគួរឱ្យគយគន់ រួមទាំងជាមនុស្សមានភាពស្មោះត្រង់» ។
នៅក្នុងស្លាកឃោសនា ដែលសូរីន ជ័រជៀន សាលី នីវីស៊ី បិទនៅទូទាំងក្រុងមានអត្ថន័យថា «ភាពបរិសុទ្ធរបស់ខ្ញុំ នឹងជារង្វាន់ដ៏ពិសេស សម្រាប់ទិវានារីអន្តរជាតិ៨មីនា» ។ លោកសូរីន ជ័រជៀន សាលីនីវីស៊ី និយាយថា «ខ្ញុំធ្វើបែបនេះ ព្រោះកំពុងមានបញ្ហាប្រាក់ មិនមែនធ្វើដើម្បីភាពសប្បាយរីករាយទេ តែខ្ញុំត្រូវការប្រាក់២.៣០០ដុល្លារ បើតម្លៃទាបជាងនេះខ្ញុំមិនលក់ភាពបរិសុទ្ធរបស់ខ្ញុំទេ» ។
មិត្តភក្តិឱ្យដឹងថា សូរីន ជ័រជៀន លីនីវីស៊ី ធ្លាប់សេពគប់ជាមួយនារីជាច្រើននាក់ ប៉ុន្តែរូបគេមិនដែលរួមរ័កជាមួយនាងណាម្នាក់ទេ។ រូបគេគិតថា ការរួមរ័កជារឿងដ៏ស្មោះស្ម័គ្រ និងតាំងចិត្តថា គេនឹងរក្សាទុកភាពបរិសុទ្ធរបស់ខ្លួនសម្រាប់នារីដែលមានភាពស្មោះស្ម័គ្រ និងស្មោះត្រង់ ។ គេប្រកាសលក់ភាពបរិសុទ្ធនេះ ព្រោះតែខ្វះខាតប្រាក់ប៉ុណ្ណោះ ។
មាននារីអាយុ២៩ឆ្នាំម្នាក់ ដែលមានប្រាក់ចំណូលប្រចាំខែប្រហែល១៦០អឺរ៉ូ ឬ១៨៧ដុល្លារ ទាក់ទងសុំទិញភាពបរិសុទ្ធរបស់សូរីនជ័រជៀន សាលីនីវីស៊ី ក្នុងតម្លៃ១.១២៥អឺរ៉ូ ឬ១.២៨០ដុល្លារ ប៉ុន្តែគេបដិសេធ ព្រោះតម្លៃនេះទាបពេក ៕
ចែករំលែកព័តមាននេះ