ស្ត្រីអេមីរ៉ាត អារ៉ាប់រួមម្នាក់បានប្តឹងតុលាការក្រុងឌូបៃ សុំលែងលះប្តីដោយលើកហេតុផលថា គេមិនអាចបំពេញតាមបំណងជីវិតគូបាន ព្រោះមិនអាចធ្វើឱ្យនាងពេញចិត្តចំពោះការរួមរ័កពី២ទៅ៣ដងក្នុងមួយថ្ងៃស្របតាមតម្រូវការ ។
សារព័ត៌មានក្នុងស្រុករបស់អេមីរ៉ាត អារ៉ាប់រួម ឱ្យដឹងថា ស្ត្រីរូបនេះបញ្ជាក់ថា ប្តីរួមរ័កជាមួយនាងបានត្រឹមតែ៣ទៅ៤ដងប៉ុណ្ណោះក្នុងមួយសប្តាហ៍ ធ្វើឱ្យនាងមិនពេញចិត្តទេ ។ ចំណង់របស់នាង គឺត្រូវការរួមរ័កជាមួយប្តីឱ្យបានច្រើនជាងនេះ ពី២ទៅ៣ដងក្នុងមួយថ្ងៃ ប៉ុន្តែគេមិនអាចប្រតិបត្តិបាន ដូច្នេះជារឿងមួយបង្កើតភាពមិនពេញចិត្តដល់នាង ។
តុលាការបញ្ជាក់ប្រាប់នារីដើមចោទថា វាជាហេតុផលគ្មានគោលការណ៍គ្រប់គ្រាន់ក្នុងការកាត់ក្តីថាជាការបង្កើតក្តីខូចខាត និងឈានទៅដល់ការអនុញ្ញាតឱ្យលែងលះ ។ ទោះបីជាបែបណាក៏ដោយ នារីនោះនៅតែជម្នះលើហេតុផលរបស់ខ្លួន ។ តុលាការបានណែនាំឱ្យនាងត្រូវទៅពិគ្រោះជាមួយគ្រូពេទ្យជំនាញ ប៉ុន្តែនាងបដិសេធដោយបញ្ជាក់ថា មនុស្សដែលគួរចូលទៅព្យាបាលគឺប្តីរបស់នាងវិញទេ ។ ដូច្នេះហើយតុលាការសម្រេចឱ្យបុរសជាប្តីទៅត្រួតពិនិត្យសុខភាពដើម្បីបញ្ជាក់ថា គេមានភាពរឹងប៉ឹងល្អ និងអាចធ្វើឱ្យនាងពេញចិត្តទៅថ្ងៃមុខ ។
បុរសជាប្តីយល់ព្រមធ្វើតាមតុលាការ តែរឿងក្តីតម្កល់នៅតុលាការបន្តទៀត និងមិនទាន់អនុញ្ញាតឱ្យលែងលះទេ ត្រូវរង់ចាំលទ្ធផលពីគ្រូពេទ្យសិន ៕
ចែករំលែកព័តមាននេះ