សារព័ត៌មានវៀតណាមកាលពីថ្ងៃទី១៦ កុម្ភៈ ២០១៥ បានផ្សាយពីជីវប្រវត្តិរបស់លោកតាង្វៀន វ៉ាន់ឈៀន អាយុ៨៧ឆ្នាំ ដែលទុកសក់ប្រវែងជាង៣ម៉ែត្រ ទម្ងន់ប្រហែល៣គីឡូក្រាម រស់នៅក្នុងភូមិដាវ
សារព័ត៌មានវៀតណាមកាលពីថ្ងៃទី១៦ កុម្ភៈ ២០១៥ បានផ្សាយពីជីវប្រវត្តិរបស់លោកតាង្វៀន វ៉ាន់ឈៀន អាយុ៨៧ឆ្នាំ ដែលទុកសក់ប្រវែងជាង៣ម៉ែត្រ ទម្ងន់ប្រហែល៣គីឡូក្រាម រស់នៅក្នុងភូមិដាវ ស្រុកឆាវថាន់ ខេត្តតាវៀនក្វាង ភាគខាងត្បូងប្រទេស ។
លោកតាង្វៀន វ៉ាន់ឈៀន រស់នៅលើទូកតូចមួយបណ្តែតនៅក្បែរវត្តដែលគាត់កសាងឡើងតាំងពីជិត៤០ឆ្នាំមុន ។
លោកតាង្វៀន វ៉ាន់ឈៀន ឱ្យដឹងថា គាត់មិនកាត់សក់ ព្រោះមានជំនឿថា ក្មេងៗគ្រប់រូប គួរថែរក្សា អ្វីៗគ្រប់យ៉ាងដែលមានតាំងកំណើតដើម្បីបង្ហាញពីកតញ្ញូដល់ជីដូន ជីតា និងឪពុកម្តាយ ។ រូបគាត់ ព្រមទាំងបងប្រុសនិងប្អូនប្រុសប្រកាន់យកគំនិតនេះយ៉ាងតឹងរ៉ឹង ។
បងប្រុសរបស់លោកតាង្វៀន វ៉ាន់ឈៀន ដែលទើបតែស្លាប់ កាលពីពេល ថ្មីៗកន្លងមកនិងប្អូនប្រុសម្នាក់ទៀតអាយុ៧០ឆ្នាំមានសក់វែងជិត២ម៉ែត្រដូចគ្នា ។
លោកតាង្វៀន វ៉ាន់ឈៀន កាលពីអាយុ៤០ឆ្នាំ បានចាកចេញពីប្រពន្ធ និងកូនចំនួន៧នាក់ រស់នៅក្នុងវត្តនៅលើកោះតូចមួយក្នុងខេត្តប៊េនជែ ដើម្បីភាវនាធម៌ និងបន់ស្រន់សុំឱ្យមានសន្តិភាព ។ ក្រោយពីប្រទេសជាតិមានសុខសន្តិភាព គាត់បានផ្លាស់ទៅស្នាក់នៅក្នុងភូមិដាវ ដោយបច្ចុប្បន្នកំពុងដំណើរការជីវិតរស់នៅដោយភាវនាធម៌ ហូបអាហារបួស និងគោរពបុព្វបុរស ឪពុកម្តាយ ជនរួមជាតិ និងប្រទេសជាតិដែលរូបគាត់ហៅថា គោរពលើផ្នែកសាសនា ។
នៅក្នុង មួយថ្ងៃៗកូនប្រុសរបស់លោកតាង្វៀន វ៉ាន់ឈៀន បានយកបាយ និងចំណីអាហារដែលចម្អិនពីបន្លែជូនគាត់ទទួលទាននៅពេលថ្ងៃត្រង់ ។
លោកតាង្វៀន វ៉ាន់ឈៀន បញ្ជាក់ថា ការកាត់សក់គឺជារឿងមួយមើលស្រាលលើពូជពង្សវង្សត្រកូល និងកូនប្រុសរបស់គាត់ក៏បានប្រតិបត្តិតាមមិនកាត់សក់អស់រយៈពេលជិត៦០ឆ្នាំមកហើយ ។
បច្ចុប្បន្នសក់របស់លោកតាង្វៀន វ៉ាន់ឈៀន មានពណ៌ខុសប្លែកគ្នាដល់ទៅ៣ពណ៌ដោយក្នុងដំណាក់កាល នីមួយៗពណ៌របស់សក់បានប្តូរពីខ្មៅ លឿង និងពណ៌ស រីឯវិធីថែរក្សាគឺក្នុងមួយសប្តាហ៍កក់សក់ម្តង ៕
ចែករំលែកព័តមាននេះ