ត្រីអណ្តែងមាសនាំលាភសំណាងថ្ងៃចូលឆ្នាំចិន
ទូរទស្សន៍ CCTV របស់ចិនកាលពីថ្ងៃទី១៧ កុម្ភៈ ២០១៥ ផ្សាយថា លោកហួង ស៊ីន រស់នៅទីក្រុងរុយឆាំង ខេត្តជាំងស៊ី ភាគខាងកើតប្រទេសចិនស្ទូចបានត្រីអណ្តែងមាសពីទន្លេយ៉ាំងស៊ី
ទូរទស្សន៍ CCTV របស់ចិនកាលពីថ្ងៃទី១៧ កុម្ភៈ ២០១៥ ផ្សាយថា លោកហួង ស៊ីន រស់នៅទីក្រុងរុយឆាំង ខេត្តជាំងស៊ី ភាគខាងកើតប្រទេសចិនស្ទូចបានត្រីអណ្តែងមាសពីទន្លេយ៉ាំងស៊ី កាលពីសប្តាហ៍មុន ។
ត្រីអណ្តែងមាសនោះមានប្រវែង៤០សង្ទីម៉ែត្រ និងទម្ងន់២,៤គីឡូមក្រាមដោយតាំងពីក្បាលដល់កន្ទុយមានពណ៌មាស។ អ្នកជីវវិទ្យាចាត់ទុកថាត្រីនោះជាត្រីដ៏កម្រប្រទះឃើញបំផុត គឺមានតែមួយក្នុងចំណោម១លានក្បាល ។ ត្រីអណ្តែងមាសនោះបានក្លាយជាចំណាប់អារម្មណ៍របស់មហាជន និងភាគច្រើនជឿថាវានាំលាភសំណាង សិរីសួស្តីនៅក្នុងថ្ងៃបុណ្យចូលឆ្នាំថ្មី ។
អ្នកជំនាញផ្នែកសត្វទឹកបញ្ជាក់ថា ពណ៌មាសរបស់ត្រីបណ្តាលមកពីបម្រែបម្រួលផ្នែកពូជដ៏ពិសេស ដូច្នេះវាក្លាយជាបញ្ហាក្នុងការរស់នៅ ព្រោះពណ៌ដ៏លេចធ្លោរបស់វាទាក់ទាញដល់អ្នកនេសាទ ៕
ចែករំលែកព័តមាននេះ