ប្រទះឃើញជង្រុកកាក់មាសបុរាណនៅបាតសមុទ្រ
AFP កាលពីពេល ថ្មីៗនេះផ្សាយថា ក្រុមអ្នកមុជទឹកបានប្រទះឃើញជង្រុកកាក់មាសច្រើនសន្ធឹកសន្ធាប់នៅបរិវេណឆ្នេរសមុទ្រមេឌីទែរ៉ានេ ប្រទេសអុីស្រាអែល ។ កាក់បុរាណប្រហែល២០០០
AFP កាលពីពេល ថ្មីៗនេះផ្សាយថា ក្រុមអ្នកមុជទឹកបានប្រទះឃើញជង្រុកកាក់មាសច្រើនសន្ធឹកសន្ធាប់នៅបរិវេណឆ្នេរសមុទ្រមេឌីទែរ៉ានេ ប្រទេសអុីស្រាអែល ។ កាក់បុរាណប្រហែល២០០០កាក់នោះមានអាយុជាង១ពាន់ឆ្នាំមកហើយ ។
នាយកដ្ឋានវត្ថុបុរាណរបស់អីុស្រាអែលបានបញ្ជាក់ថា កាលពីប៉ុន្មានសប្តាហ៍កន្លងមក កាក់មាសបុរាណយ៉ាងច្រើនរកឃើញនៅអីុស្រាអែលក្នុងបរិវេណបាតឈូងសមុទ្របុរាណក្នុងក្រុង Caesarea ។ ក្រុមអ្នកមុជទឹកនៅកំពង់ផែក្នុងយុគសម័យរ៉ូម៉ាំង បានប្រទះឃើញដោយចៃដន្យ កាក់ទាំងនោះ ។ នាយកដ្ឋានវត្ថុបុរាណរបស់អីុស្រាអែលបញ្ជាក់ថា កាក់មាសទម្ងន់៩គីឡូក្រាម ប៉ុន្តែមិនអាចប៉ាន់ប្រមាណពី «តម្លៃបាន»ទេ ។
ក្រុមអ្នកជំនាញបញ្ជាក់ថា «កាក់មាសមានជិត២០០០កាក់ មានតម្លៃចម្រុះគ្នានិងផលិតនៅក្នុងយុគសម័យរាជវង្សFatimid Culiphate ដោយគ្រប់គ្រងលើដែនដីជាច្រើននៅក្នុងភូមិភាគមជ្ឈិមប្រទេស និងអាហ្វ្រិកខាងជើងចាប់តាំងពីឆ្នាំ៩០៩ ដល់១១៧១» ។ លោកកូប៊ី ឆាវីត នាយកផ្នែកបុរាណវិទ្យានៅក្នុងទឹកនៃនាយកដ្ឋាននោះឱ្យដឹងថា «អាចមាននាវាដឹកប្រាក់លិចនៅទីនោះ ក្នុងពេលឆ្ពោះទៅអេហ្ស៊ីប រួមទាំងប្រាក់ពន្ធដែលប្រមូលបាន ។ ជួនកាលកាក់មាសទាំងនោះអាចជាប្រាក់ខែសម្រាប់កងរក្សាព្រះរាជវង្ស «ហ្វាទីមីយ៉ា» ដែលប្រចាំការនៅរាជធានី Caesarea » ។
លើសពីនេះលោកកូប៊ី ឆាវីត ឱ្យដឹងថា ទ្រព្យសម្បត្តិទាំងនោះអាចជាប្រាក់របស់នាវាពាណិជ្ជកម្មដ៏ធំមួយ ដែលលិចពេលធ្វើដំណើរទៅលក់ដូរតាមរាជធានី ជាប់ឆ្នេរសមុទ្រ និងកំពង់ផែក្នុងសមុទ្ទមេឌីទែរ៉ានេ ។
នាយកដ្ឋានបុរាណវត្ថុអីុស្រាអែលបានបដិសេធធ្វើការប៉ាន់ប្រមាណពីតម្លៃកាក់មាសទាំងនោះ និងបញ្ជាក់ថា វាផុសចេញពីបាតសមុទ្រដោយសារតែឥទ្ធិពលនៃព្យុះរដូវរងា ។
ការរកឃើញនេះ គឺមានគុណតម្លៃខ្ពស់ និងមិនអាចវាយតម្លៃបាន ។ លោកយ៉ូរី ឆាវ៉ត អ្នកនាំពាក្យនាយកដ្ឋានបញ្ជាក់ប្រាប់ AFP ថា វត្ថុបុរាណទាំងនោះ ក្លាយជាទ្រព្យសម្បត្តិជាតិ តែអាជ្ញាធរបានផ្តល់រង្វាន់ដល់អ្នកដែលប្រទះឃើញ ៕
ចែករំលែកព័តមាននេះ