សូមកុំស្អុយតាម
មហាជនកំពុងរង់ចាំមើលមនុស្សដែលទើប «យកចេញពីសាលាដំបូង» ថ្មីៗនេះ តើស្ងាត់ៗយកមកប្រើវិញដែរឬអត់ ?
សំណូមពរសូមកុំប្រើ ប្រយ័ត្ន «ស្អុយតាម» ឬមួយ «ចង់ស្អុយតាម» ។ល។
ព្រះរាជាណាចក្រកម្ពុជា អំណាចមាន៣ គឺអំណាចនីតិប្បញ្ញត្តិ អំណាចនីតិប្រតិបត្តិ និងអំណាចតុលាការ ។
អំណាចតុលាការ ជាអំណាចឯករាជ្យ ។ អំណាចឯករាជ្យវាស័ក្តិសមណាស់ ដើម្បីឱ្យរាស្ត្រមានយុត្តិធម៌ក្នុងសង្គមក្រោមម្លប់ព្រះរាជា ។ ចៀសវាងការជ្រៀតជ្រែកពីមន្ត្រីនានាដែលកាន់អំណាចរដ្ឋ ។
អំណាចឯករាជ្យពិតជាមានសច្ចធម៌មែន ប៉ុន្តែមនុស្សទេ ដែលយកអំណាចឯករាជ្យធ្វើជាឈ្នាន់បង្កើតព្យុះភ្លៀង ស្រេចតែក្បាលវ៉ាល់របស់ខ្លួន ។ គឺមនុស្សទេ ដែលធ្វើឱ្យអំណាចឯករាជ្យក្រឡាប់ចាក់ ។ គឺមនុស្សទេ ដែលយកអំណាចឯករាជ្យធ្វើមាន ធ្វើបាន ដោយអត់ដឹងខ្យល់សោះថា ក្នុងសង្គមមានបញ្ញវន្ត មានអ្នកចេះដឹងលើខ្លួនច្រើននោះសោះ ប្រព្រឹត្តទាំងល្ងើពកថ្ងាស ។
អ្នកច្បាប់ដែលយក «អំណាចឯករាជ្យ» ធ្វើតាមចិត្តរបស់ខ្លួនជាមនុស្ស «អគតិ» មិនសមយកមកប្រើ ឬយកមកដាក់ក្នុងអង្គការនីតិតុលាការឡើយ ។ បើមិនឆាប់ «យកចេញឱ្យផុត» ទេ គេនឹងថា អ្នកដែលលើកបន្តុបមនុស្សធុននេះក៏ជាមនុស្ស «ធុនអន់» ដែរ ។
មហាជនកំពុងរង់ចាំមើលមនុស្សដែលទើប «យកចេញពីសាលាដំបូង» ថ្មីៗនេះ តើស្ងាត់ៗយកមកប្រើវិញដែរឬអត់ ?
សំណូមពរសូមកុំប្រើ ប្រយ័ត្ន «ស្អុយតាម» ឬមួយ «ចង់ស្អុយតាម» ។ល។
អាឡេវ
ចែករំលែកព័តមាននេះ