រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួកគ្នា២នាក់ ត្រូវបានប្រជាពលរដ្ឋ ដេញចាប់ខ្លួនបានរួចប្រគល់ឲ្យសមត្ថកិច្ចប៉ុស្តិ៍ស្រះចក បន្ទាប់ពីធ្វើសកម្មភាពឆក់កាបូប ពីនារីម្នាក់បានសម្រេច។ ហេតុការណ៍នេះកើតឡើងកាលពីវេលាម៉ោង៣រសៀល ថ្ងៃទី២៧ ខែសីហា…
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួកគ្នា២នាក់ ត្រូវបានប្រជាពលរដ្ឋ ដេញចាប់ខ្លួនបានរួចប្រគល់ឲ្យសមត្ថកិច្ចប៉ុស្តិ៍ស្រះចក បន្ទាប់ពីធ្វើសកម្មភាពឆក់កាបូប ពីនារីម្នាក់បានសម្រេច។ ហេតុការណ៍នេះកើតឡើងកាលពីវេលាម៉ោង៣រសៀល ថ្ងៃទី២៧ ខែសីហា ឆ្នាំ ២០២០ ស្ថិតនៅតាមបណ្តោយផ្លូវលេខ៧០ សង្កាត់ស្រះចក ខណ្ឌដូនពេញ រាជធានីភ្នំពេញ។ ជនសង្ស័យម្នាក់ឈ្មោះ សុខ លីណា ភេទប្រុស អាយុ២១ឆ្នាំ មុខរបរជាងដែក ស្នាក់នៅផ្ទះជួលម្តុំ សង្កាត់ចោមចៅ៣ ក្នុងខណ្ឌពោធិ៍សែនជ័យ (ជាអ្នកជិះពីក្រោយ)។
តាមប្រភពព័ត៌មានឱ្យដឹងថា នៅមុនពេលកើតហេតុជនសង្ស័យមានគ្នាពីរនាក់បានជិះម៉ូតូមួយគ្រឿងម៉ាកស៊ុយហ្សុគីនិក ពណ៌ស ពាក់ស្លាកលេខ ភ្នំពេញ ១GQ-៩៩៧២ ធ្វើដំណើរតាមបណ្ដោយផ្លូវ៧០ ទិសដៅពីកើតទៅលិច ខណះជិះមកដល់ចំណុចកើតហេតុ បានធ្វើសកម្មភាពឆក់កាបូបពីជនរងគ្រោះបានសម្រេច ហើយត្រូវជនរងគ្រោះជិះដេញតាមរហូតជិតដល់រង្វង់មូលគួចកាណុងទើបចាប់បានជនសង្ស័យម្នាក់ដែលជិះពីក្រោយ និងយកកាបូបបានមកវិញ ចំណែកជនសង្ស័យម្នាក់ទៀត ដែលជាអ្នកឌុបបានរត់ចោល ម៉ូតូគេចខ្លួនបាត់ស្រមោល។
ក្រោយពេលកើតហេតុប្រជាពលរដ្ឋបាននាំខ្លួនជនសង្ស័យ យកមកប្រគល់ឲ្យកម្លាំងមាបសមត្ថកិច្ចប៉ុស្តិ៍ស្រះចក ដើម្បីសួរនាំ ទើបដឹងថា ករណីនេះកើតឡើង ក្នុងភូមិសាស្ត្រខណ្ឌទួលគោកទើបបញ្ជូនខ្លួនជនសង្ស័យបន្តចាត់ការតាមនីតិវិធី៕ ដោយ ៖ ភី ផល
ចែករំលែកព័តមាននេះ