ក្រសួងការបរទេសរបស់អាមេរិកចំណាយប្រាក់ប្រហែល៥០៤.៨១៦ដុល្លារដើម្បីទិញឱសថព្យាបាលអាការអស់សមត្ថភាពផ្លូវភេទដល់កងទ័ពកាលពីឆ្នាំកន្លងមក ។
ក្រសួងការពារជាតិសហរដ្ឋអាមេរិកបានធ្វើកិច្ចសន្យាទិញឱសថពីក្រុមហ៊ុនឱសថនៅក្នុងរដ្ឋអូហាយយ៉ូ«Cardinal Health » នៅក្នុងឆ្នាំ២០១៣ និងក្រសួងបានចំណាយប្រាក់ប្រហែល៤២៥.០០០ដុល្លារ ដើម្បីទិញឱសថវីយ៉ាក្រាដល់កងទ័ព ។ ការធានារ៉ាប់រងសុខភាពរបស់កងទ័ពក៏បានលាតសន្ធឹងលើឱសថវីយ៉ាក្រា (Viagra) និងជាលើកដំបូងដែលកងទ័ពមានឱសថប្រភេទនេះកាលពីឆ្នា្ំ១៩៩៨ រហូតដល់ឆ្នាំ២០០៥ ក្រោយមកបានដកចេញពីបញ្ជី និងដាក់បញ្ចូលជាថ្មីនៅក្នុងឆ្នាំ២០១២ ។
កាលពីឆ្នាំ១៩៩៨ ថ្នាំViagra មានតម្លៃប្រហែលពី៨ទៅ៩០ដុល្លារ ក្នុងមួយគ្រាប់ ក្រោយមកថ្លៃកើនឡើងខ្ពស់ដល់២៥ដុល្លារ ក្នុងមួយគ្រាប់ក្នុងពេលបច្ចុប្បន្ន ។ អង្គភាពកងទ័ពបានកំណត់ចែកឱសថតែទៅលើកងទ័ពណាដែលគ្រូពេទ្យត្រួតពិនិត្យឃើញថាអសមត្ថភាពផ្លូវភេទ និងអ្នកជំងឺត្រូវទទួលឱសថមិនលើសពី៦គ្រាប់ក្នុងមួយខែ ។
សារព័ត៌មានរបស់អាមេរិក Washington Free Beacon បានប៉ាន់ប្រមាណថា ឱសថ Viagra ដែលក្រសួងការពារជាតិបញ្ជាទិញកាលពីឆ្នាំ២០១៤ នឹងជួយបង្កើនសមត្ថភាពផ្លូវភេទបានយូរដល់ទៅ៨០.៧៧០ម៉ោង ៣៣នាទី និង៣៦វិនាទី ដោយគណនាពីការប៉ាន់ប្រមាណរបស់គ្រូពេទ្យជំនាញដែលបញ្ជាក់ថាថ្នាំមួយគ្រាប់នឹងជួយឱ្យអវយវៈភេទឡើងរឹងប្រហែល៤ម៉ោង ៕
ចែករំលែកព័តមាននេះ