អាជ្ញាធរព័រតូរីកូពិន័យអាណាព្យាបាលបណ្តោយឱ្យកូនឡើងទម្ងន់
សារព័ត៌មានបរទេស កាលពីពេល ថ្មីៗកន្លងមកផ្សាយថា សមាជិកសភាព័រតូរីកូ កំពុងត្រៀមអធិប្បាយពីសេចក្តីព្រាងច្បាប់សម្រាប់ពិន័យលើអាណាព្យាបាលដែលបណ្តែតបណ្តោយឱ្យកូនចៅធាត់
សារព័ត៌មានបរទេស កាលពីពេល ថ្មីៗកន្លងមកផ្សាយថា សមាជិកសភាព័រតូរីកូ កំពុងត្រៀមអធិប្បាយពីសេចក្តីព្រាងច្បាប់សម្រាប់ពិន័យលើអាណាព្យាបាលដែលបណ្តែតបណ្តោយឱ្យកូនចៅធាត់ ក្នុងទឹកប្រាក់៨០០ដុល្លារ ប្រសិនបើមិនព្រមសម្រកទម្ងន់ ។
លោកប៊ើតូ រ៉ូដរីហ្គេស សមាជិកព្រឹទ្ធសភាបញ្ជាក់ថា សេចក្តីព្រាងច្បាប់នេះមានគោលដៅដើម្បីទ្រទ្រង់លើសុខុមាលភាពកុមារ និងជួយឱ្យអាណាព្យាបាលមានសុខភាពល្អ ។ សេចក្តីព្រាងច្បាប់នេះ ចាប់ផ្តើមបកស្រាយកាលពីថ្ងៃទី១៣ កុម្ភៈ ប្រសិនបើទទួលបានការអនុម័តពីសភា មានន័យថា កុមារគ្រប់រូបត្រូវសម្រកទម្ងន់ ។ ក្រៅពីនេះអាជ្ញាធរនឹងបើកគម្រោងការផ្គត់ផ្គង់អាហារ និងហាត់ប្រាណ ។
ក្រោយពេលកន្លងផុតរយៈពេល៦ខែ មន្ត្រីប្រតិបត្តិត្រូវអង្កេតលើទម្ងន់របស់កុមារជាថ្មី ប្រសិនបើមិនស្រកទម្ងន់ និងធាត់បន្ត អាណាព្យាបាលនឹងទទួលការពិន័យក្នុងពី៥០០ដល់៨០០ដុល្លារ ។
បណ្តាវេជ្ជបណ្ឌិតជាច្រើនរូប រួមទាំងប្រធានវិទ្យាស្ថានថែទាំកុមារនៅសហរដ្ឋអាមេរិកបានប្រឆាំងនឹងសេចក្តីព្រាងច្បាប់នេះ ថាមិនយុត្តិធម៌ ដោយបញ្ជាក់ថា មានកុមារជាង២៨%នៅព័រតូរីកូ ទម្ងន់កើនលើសបទដ្ឋាន បើប្រៀបធៀបទៅនឹង១៨%នៅសហរដ្ឋអាមេរិក ៕
ចែករំលែកព័តមាននេះ