សារព័ត៌មានអេមីរ៉ាត អារ៉ាប់រួមឈ្មោះ«អេមីរ៉ាត ២៤៧» កាលពីពេល ថ្មីៗកន្លងមកផ្សាយថា ស្ត្រីអេហ្ស៊ីបម្នាក់បានទៅតុលាការក្រុងគែរ ប្រទេសអេហ្ស៊ីបប្តឹងសុំលែងលះប្តីដែលទើបរៀបការបាន២ថ្ងៃ ។ មូលហេតុនៃការសុំប្តឹងលែងលះនោះដោយសារតែប្តីក្បាលទំពែក ខណៈមានអាយុតែ២៨ឆ្នាំប៉ុណ្ណោះ ។
ប្តី-ប្រពន្ធនេះរៀបការនឹងគ្នាដោយឪពុកម្តាយរបស់ពួកគេផ្សំផ្គុំ។ បន្ទាប់ពីភ្ជាប់ពាក្យបានរយៈពេល១១ខែ ពួកគេរៀបការនឹងគ្នា ។
នារីជាភរិយាបញ្ជាក់ប្រាប់តុលាការថា ក្នុងអំឡុងពេលដែលពួកនាងសេពគប់គ្នា និងនៅពេលភ្ជាប់ពាក្យ បុរសជាគូស្នេហ៍បានពាក់សក់សម្រាប់បិទបាំងការណ៍ពិត និងមិនដែលប្រាប់នាងថាសក់នៅលើក្បាលជាសក់ពាក់ ព្រោះរូបគេក្បាលទំពែកទេ ។ ពេលដឹងការណ៍ពិតក្នុងអំឡុងពេលក្របទឹកឃ្មុំបានរយៈពេល២ថ្ងៃធ្វើឱ្យនាងមិនអាចទទួលបានចំពោះប្តីក្បាលទំពែក និងភូតកុហកបែបនេះ ។
ប្រភពព័ត៌មានមិនបានឱ្យដឹងថា តើតុលាការសម្រេចឱ្យនារីម្នាក់នោះលែងលះប្តី ព្រោះតែរឿងក្បាលទំពែក ឬអត់ទេ ?
ចែករំលែកព័តមាននេះ