រាជធានីភ្នំពេញ៖ បន្ទាប់ពីរត់គេចខ្លួនមិនបានប៉ុន្មានផងសមត្ថកិច្ចក៏ស្រាវជ្រាវ រហូតឈានទៅឃាត់ខ្លួនលោកផ្កាយ១ពេជ្រ ព្រហ្មមុន្នីបាននៅវេលាម៉ោង៦និង៣០នាទីល្ងាច ថ្ងៃទី១៩ ខែកុម្ភៈ ឆ្នាំ២០១៥ នៅប្រាសាទនាងខ្មៅ ស្រុកបាទី ខេត្តតាកែវ ។
ប្រតិបត្តិការណ៍ខាងលើដឹកនាំដោយលោកឧត្តមសេនីយ៍ទោហុង វិណុល ស្នងការនៃស្នងការដ្ឋានសន្តិសុខព័ត៌មាន និងកម្លាំងកងរាជអាវុធហត្ថលើផ្ទៃប្រទេស ទើបធ្វើការឃាត់ខ្លួនបាននៅវេលាម៉ោងខាងលើ ហើយនៅវេម៉ោង៧និង៣០នាទីយប់ថ្ងៃដដែលសមត្ថកិច្ចបានបញ្ចូនខ្លួនលោកពេជ្រ ព្រហ្មមុន្នីមកសាលាដំបូងរាជធានីភ្នំពេញ ។
តាមសេចក្តីរាយការណ៍ពីភ្ញាក់ងាកោះសន្តិភាពដែលនៅសាលាដំបូងរាជធានីភ្នំពេញបានឲ្យដឹងថា លោកពេជ្រ ព្រហ្មមុន្នី នៅមិនទាន់បញ្ចូនចេញពីសាលាដំបូងរាជធានីភ្នំពេញនៅឡើយទេ ព្រោះអយ្យការកំពុងធ្វើការសាកសួរមិនទាន់ចប់នៅឡើយ ។
គួរបញ្ចាក់ថា កងកម្លាំងកងរាជអាវុធហត្ថ និងមានការចូលរួមពីអយ្យកាអមសាលាដំបូងរាជធានីភ្នំពេញ បាននិងកំពុងតាមប្រមាញ់ឃាត់ខ្លួនលោកឧត្តមសេនីយ៍ត្រី ពេជ្រ ព្រហ្មមុន្នី នាយករងសេនាធិការនៃអគ្គបញ្ជាការកងទ័ពជើងគោកក្រសួងការពារជាតិ ដែលកំពុងរត់គេចខ្លួនក្រោយបែកធ្លាយរឿងមិនប្រក្រតីលើសំណុំរឿងឪពុកម្តាយលោកឧកញ៉ា ថោង សារ៉ាត់ ៕
ចែករំលែកព័តមាននេះ