ខេត្តស្វាយរៀង ៖ បុរសម្នាក់ជាកម្មកររោងចក្របានស្លាប់ភ្លាមៗ នៅនឹងកន្លែងកើតហេតុខណៈដែលបើកម៉ូតូវ៉ាជែងរថយន្ត ហើយបត់បកក្រោយត្រូវរថយន្តដឹកហ្គាសបុកបណ្តាលអោយស្លាប់គួរឲ្យសង្វេគ ដែលករណីគ្រោះថ្នាក់នេះកើតឡើង កាលពីវេលាម៉ោង៣និង៣០នាទីរសៀល ថ្ងៃទី២៥ ខែសីហា ឆ្នាំ២០២០នេះ…
ខេត្តស្វាយរៀង ៖ បុរសម្នាក់ជាកម្មកររោងចក្របានស្លាប់ភ្លាមៗ នៅនឹងកន្លែងកើតហេតុខណៈដែលបើកម៉ូតូវ៉ាជែងរថយន្ត ហើយបត់បកក្រោយត្រូវរថយន្តដឹកហ្គាសបុកបណ្តាលអោយស្លាប់គួរឲ្យសង្វេគ ដែលករណីគ្រោះថ្នាក់នេះកើតឡើង កាលពីវេលាម៉ោង៣និង៣០នាទីរសៀល ថ្ងៃទី២៥ ខែសីហា ឆ្នាំ២០២០នេះ នៅលើផ្លូវជាតិលេខ១ ចំណុចភូមិដើមពោធិ ឃុំស្វាយតាយានស្រុកកំពង់រោទិ៍ខេត្តស្វាយរៀង ។
យោងតាមសមត្ថកិច្ចបានអោយដឹងថា នៅមុនពេលកើតហេតុបុរសម្នាក់ឈ្មោះ លាវ ផល្លិន អាយុ៣១ឆ្នាំ រស់នៅភូមិឡ សង្កាត់ពោធិតាហោ ក្រុងស្វាយរៀង មុខកម្មកររោងចក្រ ។ បើកម៉ូតូម៉ាក ហុងដា C125សេរី២០២០ ពណ៌ខ្មៅពាក់ផ្លាកលេខស្វាយរៀង1P7558លេខ បានធ្វើដំណើរពីកើតទៅលិច លុះមកដល់ចំណុចកើតហេតុខាងលើក៏បត់ម៉ូតូបកក្រោយទៅទិសខាងកើតវិញ ស្របពេលនោះមានរថយន្ដដឹកហ្គាសមួយគ្រឿងម៉ាក DAEWOOពាក់ស្លាកលេខ3E.ភ.ព7232 កំពុងធ្វើដំណើរពីទិសខាងលិចមកកើតបញ្ច្រាស់ទិសគ្នា ចាប់ប្រាំងមិនទាន់ក៏បុកចំពាក់កណ្តាលម៉ូតូ បណ្តាលអោយអ្នកបើកបរម៉ូតូស្លាប់ភ្លាមៗនៅនឹងកន្លែងកើតហេតុតែម្តង ។
ក្រោយពីជួបគ្រោះថ្នាក់ចរាចរណ៍រួចមក អ្នកបើកបររថយន្ដមិនស្គាល់អត្តសញ្ញានបានចុះរត់គេចចេញពីកន្លែងកើតហេតុបាត់បន្សល់នៅរថយន្ត នៅនឹងកន្លែង ចំណែកម៉ូតូខូចខាតធ្ងន់ ។ បន្ទាប់ពីសមត្ថកិច្ចធ្វើការវាស់វែងរួច បានប្រគល់សពជូនក្រុមគ្រួសារយកទៅធើ្វបុណ្យតាមប្រពៃណី។
ចំពោះមូលហេតុ.ម៉ូតូបើកបរវាជែងក្នុងស្ថានភាពគ្រោះថ្នាក់ ។ រីឯវត្ថុតាងម៉ូតូ និងរថយន្តសមត្ថកិច្ចយកទៅរក្សាទុកនៅការិយាល័យចរាចរណ៍ផ្លូវគោកស្នងការដ្ឋាននគបាលខេត្តស្វាយរៀង ដើម្បីដោះស្រាយគ្នាតាមផ្លូវច្បាប់ ៕
ចែករំលែកព័តមាននេះ