សីតុណ្ហភាពនៅអូស្ត្រាលីនឹងឡើង5oCទៀតនៅដំណាច់សតវត្សទី21
សារព័ត៌មានបរទេសកាលពីពេល ថ្មីៗនេះផ្សាយដោយយោងតាមរបាយការណ៍ពីនាយកដ្ឋានវិទ្យាសាស្ត្រជាតិអូស្ត្រាលី កាលពីថ្ងៃទី២៧ មករា ២០១៥ ថា អូស្ត្រាលី កំពុងប្រឈម
សារព័ត៌មានបរទេសកាលពីពេល ថ្មីៗនេះផ្សាយដោយយោងតាមរបាយការណ៍ពីនាយកដ្ឋានវិទ្យាសាស្ត្រជាតិអូស្ត្រាលី កាលពីថ្ងៃទី២៧ មករា ២០១៥ ថា អូស្ត្រាលី កំពុងប្រឈម
សារព័ត៌មានបរទេសកាលពីពេល ថ្មីៗនេះផ្សាយដោយយោងតាមរបាយការណ៍ពីនាយកដ្ឋានវិទ្យាសាស្ត្រជាតិអូស្ត្រាលី កាលពីថ្ងៃទី២៧ មករា ២០១៥ ថា អូស្ត្រាលី កំពុងប្រឈមមុខនឹងសីតុណ្ហភាពកើន៥អង្សាសេទៀតក្នុងអំឡុងពេលដាច់សតវត្ស២១នេះ ។ កំណើនសីតុណ្ហភាពនៅអូស្ត្រាលី លឿនជាងកំដៅផែនដីនៅលើពិភពលោក ។
នាយកដ្ឋានស្រាវជ្រាវឧស្សាហកម្ម និងវិទ្យាសាស្ត្ររបស់អូស្ត្រាលីបញ្ជាក់ថា សីតុណ្ហភាពនៅក្នុងឆ្នាំ២០៩០ នឹងកើនឡើង៥,១oC ប្រសិនបើព្រងើយកន្តើយលើបទដ្ឋានកាត់បន្ថយការបញ្ចេញឧស្ម័នកំដៅ ។
លោកខេវិន ហេននេសស៊ី អ្នកវិទ្យាសាស្ត្រនៅនាយកដ្ឋាននោះបញ្ជាក់ថា កំដៅនឹងកើនឡើងជាញឹកញាប់ និងក្តៅជាងមុន ។ លើសពីនេះមានការប្រាកដក្នុងចិត្តថា កម្រិតទឹកសមុទ្រនឹងឡើងខ្ពស់ មហាសមុទ្រនឹងមានអាស៊ីដកើនឡើង និងមានព្រិលធ្លាក់តិច ។
កាលពីឆ្នាំមុន នាយករដ្ឋមន្ត្រីលោកអេបបុតបានលុបចោលពន្ធកាបូន និងរំលាយគណៈកម្មការអាកាសធាតុឯករាជ្យ រួមទាំងបញ្ជាក់ថា គ្រោះរាំងស្ងួតកាលពីពេល ថ្មីៗកន្លងមកវាមិនមែនជារឿងថ្មីនៅអូស្ត្រាលីទេ ។ ក្រៅពីនេះខណៈពេលដែលអូស្ត្រាលីធ្វើជាម្ចាស់ផ្ទះក្នុងកិច្ចប្រជុំ G-20 កាលពីឆ្នាំមុន លោកនាយករដ្ឋមន្ត្រីអេបបុតបានព្យាយាមមិនរៀបរាប់ពីកំដៅផែនដី ទោះបីជាលោកប្រធានាធិបតី បារ៉ាក់ អូបាម៉ា នៃសហរដ្ឋអាមេរិកបានថ្លែងនៅលើវេទិកា G-20 ដោយក្រើនរំលឹកអូស្ត្រាលីថា ប្រជុំផ្កាថ្ម «Great Barrier Reef» ស្ថិតក្នុងស្ថានភាពគ្រោះមហន្តរាយក៏ដោយ ៕
ចែករំលែកព័តមាននេះ