រាជធានីភ្នំពេញ ៖ យុវជន៤នាក់ជិះម៉ូតូ២គ្រឿងមកពីអរិយក្សត្រ គោលបំណងជិះទៅជ្រោយចង្វារ គ្រាន់តែជិះម៉ូតូលឿនហើយវ៉ារថយន្តហាយឡែនឌ័រមួយគ្រឿង ធ្វើឲ្យក្មេងទំនើងមានគ្នាជាង៣០នាក់ ជិះម៉ូតូ៣០គ្រឿងខឹង ហើយព្រួតវាយបណ្តាលឲ្យដួលម៉ូតូ ដោយយកដុំថ្មវាយកម្ទេច ហើយរងរបួសបែកក្បាលម្នាក់។…
រាជធានីភ្នំពេញ ៖ យុវជន៤នាក់ជិះម៉ូតូ២គ្រឿងមកពីអរិយក្សត្រ គោលបំណងជិះទៅជ្រោយចង្វារ គ្រាន់តែជិះម៉ូតូលឿនហើយវ៉ារថយន្តហាយឡែនឌ័រមួយគ្រឿង ធ្វើឲ្យក្មេងទំនើងមានគ្នាជាង៣០នាក់ ជិះម៉ូតូ៣០គ្រឿងខឹង ហើយព្រួតវាយបណ្តាលឲ្យដួលម៉ូតូ ដោយយកដុំថ្មវាយកម្ទេច ហើយរងរបួសបែកក្បាលម្នាក់។ ហេតុការណ៍នេះបានកើតឡើងកាលពីវេលាម៉ោង១២ និង៣០នាទី រំលងអាធ្រាត្រឈានចូលថ្ងៃទី២៥ ខែសីហា ឆ្នាំ២០២០ តាមបណ្តោយផ្លូវព្រះស៊ីសុវត្ថិ នៅចំណុចម្តុំ ភោជនីដ្ឋានទន្លេសាប ស្ថិតនៅក្នុងសង្កាត់វត្តភ្នំ ខណ្ឌដូនពេញ។
តាមប្រភពព័ត៌មានពីជនរងគ្រោះ ទាំង៤នាក់សូមមិនបញ្ចេញឈ្មោះបានឲ្យដឹងថាមុនពេលកើតហេតុខាងលើនេះពួកគេមានគ្នា៤នាក់ជិះម៉ូតូ២គ្រឿងមួយគ្រឿងម៉ាកហុងដាឌ្រីមពណ៌ខ្មៅ ពាក់ស្លាកលេខ ភ្នំពេញ 1BE-8277 និងមួយគ្រឿងទៀតម៉ាកហុងដាឌ្រីម ពណ៌ក្រហម ពាក់ស្លាកលេខ ភ្នំពេញ 1GF-3612 បើកបរតាមបណ្តោយផ្លូវព្រះស៊ីសុវត្ថិក្នុងទិសដៅពីត្បូងទៅជើង លុះពេលបើកមកដល់ចំណុច កើតហេតុខាងលើនេះ យុវជន៤នាក់នោះបានជិះម៉ូតូវ៉ារថយន្តមួយគ្រឿងដែលជាបងៗរបស់ក្មេង ទំនើងមួយក្រុមមានគ្នាជាង៣០នាក់ជិះ ម៉ូតូ៣០គ្រឿង ទើបជនបង្កទាំងនោះខឹងក៏រួចជិះម៉ូតូ ដេញតាមពីក្រោយ រួចយកដុំថ្មព្រួតវាយកម្ទេចម៉ូតូរបស់ជនរងគ្រោះបណ្តាលអោយដួលថែមទាំងវាយ យុវជនម្នាក់បណ្តាលឲ្យបែកក្បាល។
ចំណែកឯ៣នាក់ទៀតរងរបួសស្រាល រីឯម៉ូតូវិញខូចខាត ទាំងសងខាងភ្លាមៗនោះដែលបក្ខពួកជនបង្កបានរត់គេចខ្លួនអស់បន្សល់ទុកនៅតែជនរងគ្រោះតែប៉ុណ្ណោះ។ ក្រោយកើតហេតុខាងលើនេះជនរងគ្រោះមិនបានដាក់ពាក្យបណ្តឹងនោះទេសុខចិត្តយក
ម៉ូតូយកទៅជួសជុលដោយខ្លួនឯងដើម្បីបញ្ចប់រឿង៕ ដោយ ៖ យឹម ឈឿន
ចែករំលែកព័តមាននេះ