១-ឆ្នាំជូត
– ការងារ ៖ ក្នុងឆ្នាំថ្មីអ្នកនឹងមមាញឹកជាមួយការងារមិនអាចដកខ្លួនបានទេ តែចូរកុំឱ្យភាពស្មុគស្មាញទាំងនោះមកគ្រប់គ្រងលើជីវិតរបស់អ្នកឱ្យសោះ ។
-លុយកាក់ ៖ មិនត្រូវចំណាយលើការចាយវាយឥតប្រយោជន៍នោះទេ ព្រោះក្នុងឆ្នាំថ្មីនេះអ្នកមិនសូវសម្បូរប្រាក់ចាយវាយឡើយ ។
-ស្នេហា ៖ គួរយោគយល់អធ្យាស្រ័យឱ្យគ្នាទៅវិញទៅមកទើបបានល្អប្រសើរ ។
-សុខភាព ៖ មិនត្រូវព្រងើយកន្តើយពីបញ្ហាសុខភាពប្រចាំថ្ងៃទេ ព្រោះឆ្នាំនេះអ្នកនឹងមានជំងឺជាមិនខាន ។
-ដំណើរកម្សាន្ត ៖ ថ្ងៃវិស្សមកាលឈប់សម្រាកមិនមានទេសម្រាប់មនុស្សប្រុស-ស្រីកើតឆ្នាំជូត តែអាចជាដំណើរកម្សាន្តបេសកកម្មការងារទៅវិញទេ ។
២-ឆ្លូវ
-ការងារ ៖ អ្នកអាចនឹងដំឡើងប្រាក់ខែ និងតំណែងកាន់តែធំជាងមុន ។
-លុយកាក់ ៖ សម្បូរលុយចាយពេញដៃ ។
-ស្នេហា ៖ គូព្រេងពិតពុំអាចរកឃើញទេនៅក្នុងឆ្នាំនេះ តែជំនួសមកវិញជាស្នេហ៍ភ្លើងចំបើង។
-សុខភាព ៖ គួរតែប្រុងប្រយ័ត្នចំពោះឆ្នាំនេះ ព្រោះអ្នកនឹងជួបប្រទះភាពតប់ប្រមល់ និងជំងឺផ្លូវចិត្តជាដើម ។
-ដំណើរកម្សាន្ត ៖ អ្នកនឹងចេញទៅឆ្ងាយដែលជាបន្ទុកបេសកម្មការងារ និងលំហែកាយនៅឆ្នាំនេះ ។
៣-ឆ្នាំខាល
-ការងារ ៖ ការងារដែលអ្នកខំប្រឹងបំពេញកាលពីពេលកន្លងមកនឹងហុចផ្លែផ្កាឱ្យអ្នកយ៉ាងសមគួរក្នុងឆ្នាំនេះមិនខាន ។
-លុយកាក់ ៖ អ្នកនឹងសម្បូរប្រាក់ចាយ និងមានភ័ព្វសំណាងល្អក្នុងឆ្នាំនេះ ។
-ស្នេហា ៖ អ្នកអាចរៀបអាពាហ៍ពិពាហ៍ក្នុងឆ្នាំនេះ ។
-សុខភាព ៖ អ្នកនឹងមានសុខភាពបរិបូរណ ៍និងសេចក្តីចម្រើន ។
-ដំណើរ ៖ ដំណើរកម្សាន្តថ្មីនឹងកើតឡើងក្នុងឆ្នាំនេះ ។
៤-ឆ្នាំថោះ
-ការងារ ៖ ការងារ និងមុខជំនួញរបស់អ្នកនឹងមានភាពល្អប្រសើរក្រៃលែងក្នុងឆ្នាំថ្មីនេះ ។
-លុយកាក់ ៖ ការរកចំណូលកាក់កប ចំណែកការវិនិយោគវិញគួរតែចេះគ្រប់គ្រងពីហានិភ័យឱ្យបានល្អ ។
-ស្នេហា ៖ នឹងជួបគូព្រេងមានរូបសម្បត្តិល្អបើមិនទាន់រៀបការ ។
-សុខភាព ៖ គួរតែប្រុងប្រយ័ត្នជាមួយការធ្វើដំណើរព្រោះអាចជួបគ្រោះ ។
-ដំណើរកម្សាន្ត ៖ មិនមានដំណើរកម្សាន្តទៅទីឆ្ងាយទេ ។
៥-ឆ្នាំរោង
-ការងារ ៖ ព្យាយាមបង្កើតការទាក់ទងល្អជាមួយមនុស្សនៅជុំវិញខ្លួន ឬអតិថិជនជាដើម ។
-លុយកាក់ ៖ លោក-អ្នកអាចបង្កើតមុខជំនួញរកស៊ីបានក្នុងឆ្នាំនេះ ។
-ស្នេហ៍ ៖ លោក-អ្នកអាចរៀបអាពាហ៍ពិពាហ៍ក្នុងឆ្នាំនេះបាន ។
-សុខភាព ៖ អ្នកនឹងមានជំងឺបន្តិចបន្តួច ដូច្នេះគួរហាត់ប្រាណជាប្រចាំថ្ងៃ ។
-ដំណើរកម្សាន្ត ៖ អ្នកនឹងមានពេលវេលាលំហែកាយបន្ទាប់ពីបំពេញការងារដ៏មមាញឹកពេលកន្លងមក ។
៦-ឆ្នាំម្សាញ់
-ការងារ ៖ អ្នកមានភាពរកាំរកូសក្នុងការងារ តែព្យាយាមបំពេញការងារ និងសមត្ថភាពរបស់អ្នកទៅកាន់អ្នកនៅជុំវិញខ្លួន ។
-លុយកាក់៖ ការរកចំណូលរបស់អ្នកនឹងកាក់កប តែត្រូវចេះសន្សំលុយសម្រាប់ថ្ងៃអនាគតផង ។
-ស្នេហ៍ ៖ ការយោគយល់អធ្យាស្រ័យគ្នាទើបធ្វើឱ្យក្តីស្នេហ៍រលូនទៅមុខ ។
-សុខភាព ៖ ត្រូវចេះបន្ធូរបន្ថយនូវភាពតប់ប្រមល់ ចៀសវាងប៉ះពាល់ដល់សុខភាពរាងកាយ ។
-ដំណើរកម្សាន្ត ៖ អ្នកនឹងមានពេលវេលាលំហែកាយនៅតំបន់ ជិតៗសម្រាប់វិស្សមកាលដ៏ខ្លី ។
៧-ឆ្នាំមមី
-ការងារ ៖ អ្នកនឹងសម្រេចរាល់កាតព្វកិច្ចការងារដោយជោគជ័យក្នុងឆ្នាំនេះ ។
-លុយកាក់ ៖ ការចាយ-វាយមិនសូវល្អសម្រាប់អ្នកកើតឆ្នាំមមីទេ ។
-ស្នេហា ៖ អត់ឱនឱ្យគ្នាទៅវិញទៅមកទើបជាការល្អ ។
-សុខភាព ៖ សុខភាពប្រចាំថ្ងៃជាប្រក្រតី គួរបន្ថែមការហាត់ប្រាណមួយចំនួនទៀត ។
-ដំណើរកម្សាន្ត ៖ អ្នកអាចធ្វើដំណើរទៅទីឆ្ងាយក្រៅប្រទេសបាន ។
៨-ឆ្នាំមមែ
-ការងារ ៖ ជោគរាសីឆ្នាំមមែល្អខ្ពស់ត្រដែត។ រាល់អាជីវកម្មនឹងទទួលជោគជ័យគ្រប់មុខជំនួញ ។
-លុយកាក់ ៖ ការចាយវាយលុយកាក់នឹងល្អប្រសើរឡើង តែកុំខ្ជះខ្ជាយលើរបស់របរឥតប្រយោជន៍ ។
-ស្នេហា ៖ ជីវិតស្នេហាត្រូវចេះអត់ធ្មត់យ៉ាងខ្លាំងទើបស្រោចស្រង់មនោសញ្ចេតនាល្អូកល្អិនបានមកវិញ ។
-សុខភាព ៖ សុខភាពប្រចាំថ្ងៃអ្នកស្ថិតជាប្រក្រតី ។
-កាធ្វើដំណើរ ៖ អាចធ្វើដំណើរជាមុខជំនួញរកស៊ី វិស្សមកាលក្នុងក្រុមគ្រួសារ និងលំហែកាយនាចុងសប្តាហ៍បាន ។
៩-ឆ្នាំវក
-ការងារ ៖ ការសម្របខ្លួនក្នុងបរិយាកាសការងារគឺកត្តាដែលជំរុញឱ្យខ្លួនអ្នកជោគជ័យ ។
-លុយកាក់ ៖ បញ្ហាលុយកាក់មានភាពតានតឹងបន្តិច ។
-ស្នេហា ៖ ពុំគួរមានស្នេហាទេ ព្រោះអាចជួបគ្រោះ ។
-សុខភាព ៖ ភាពតាងតឹងនឹងក្លាយជាកង្វល់ចំពោះលោកអ្នកដែលកើតឆ្នាំវកនៅក្នុងឆ្នាំនេះ ។
-ដំណើរកម្សាន្ត ៖ ដំណើរកម្សាន្តជាការរកស៊ីទើបជាផលចំណេញដល់លោកអ្នក ។
១០-ឆ្នាំរកា
-ការងារ ៖ ថ្វីមាត់ គួបផ្សំនឹងគំនិតតក្កនិយមរបស់អ្នកនឹងសម្រេចបាននូវភាពជោគជ័យជាមិនខាន ។
-លុយកាក់ ៖ នឹងមានដៃគូវិនិយោគបង្កើតមុខជំនួញរកស៊ី ។
-ស្នេហា ៖ ស្នេហារបស់អ្នកនឹងប្រេះឆា ដោយសារតែភាពផិតក្បត់ ។
-សុខភាព ៖ ការពារប្រសើរជាងព្យាបាល អ្នកមិនគួររំលងការហាត់ប្រាណជាប្រចាំថ្ងៃនោះទេ ។
-ដំណើរកម្សាន្ត ៖ អាចលំហែកាយជាលក្ខណៈគ្រួសារ ឬអាជីវកម្មទៅកាន់ទីឆ្ងាយបាន ។
១១-ឆ្នាំច
-ការងារ ៖ ស្គាល់កាលៈទេសៈអាចបត់បែនគ្រប់ស្ថានការណ៍ អ្នកនឹងក្លាយជាអ្នកដឹកនាំល្អ មួយរូប ។
-លុយកាក់ ៖ អ្នកនឹងទទួលបាននូវលាភសក្ការៈលើមុខជំនួញជាក់ជាមិនខាន ។
-ស្នេហា ៖ បញ្ហាស្នេហាមិនមានអ្វីគួរឱ្យកត់សម្គាល់ទេ ។
-សុខភាព ៖ អ្នកនឹងជួបប្រទះជំងឺចាស់វិញ ។
-ដំណើរកម្សាន្ត ៖ ២០១៥ ជាឆ្នាំល្អ ដូច្នេះលោកអ្នកអាចធ្វើដំណើរទៅកាន់បរទេសបាន ។
១២-ឆ្នាំកុរ
-ការងារ ៖ រាល់មុខជំនួញការងារ ឬអាជីវកម្មរបស់អ្នកទទួលបានផ្លែផ្កាយ៉ាងគាប់ចិត្ត ។
-លុយកាក់ ៖ អ្នកត្រូវពង្រឹងសេដ្ឋកិច្ច និងរៀបចំគម្រោងផែនការនាពេលអនាគតឱ្យបានល្អ ។
-ស្នេហា ៖ អ្នកនឹងជួបគូព្រេងស្រស់ស្អាតបើមិនទាន់រៀបការ ។
-សុខភាព ៖ លោកអ្នកកើតឆ្នាំជ្រូកនឹងជួបបញ្ហារំលាយអាហារបន្តិចបន្តួច ។
-ដំណើរកម្សាន្ត ៖ អ្នកគួរលំហែអារម្មណ៍ឱ្យស្រឡះភាពអួអាប់ក្នុងចិត្តរបស់អ្នក៕
ចែករំលែកព័តមាននេះ