បទឈប់បាញ់គ្នារវាងកងទ័ពអ៊ុយក្រែននិងពួកឧទ្ទាមស្និទ្ធររុស្ស៊ីនៅភាគខាងកើតប្រទេសហាក់ដូចជាត្រូវបានគោរពកាលពីថ្ងៃទី១៥ កុម្ភៈ ប៉ុន្មានម៉ោងក្រោយចូលជាធរមានដែលបទឈប់បាញ់គ្នានោះជាដំណាក់កាលដំបូងនៃផែនការសន្តិភាពសំដៅបញ្ចប់ជម្លោះដែលបណ្តាលឱ្យមនុស្សស្លាប់ជាង៥.៥០០នាក់ហើយរយៈពេលតែ១០ខែ ។
យោងតាមអ្នកកាសែត AFP នៅនឹងកន្លែងថាស្នូរកាំភ្លើងធុនស្រាលត្រូវបានស្លាប់ឮញយដងនៅក្រុងដូណេតស្ក៍ ក៏ប៉ុន្តែពុំមានការបាញ់កាំភ្លើងធំឡើយ ។ បណ្តាប្រភពយោធាអះអាងថា បទឈប់បាញ់គ្នាដែលចូលជាធរមានកាលពីថ្ងៃទី១៤ កុម្ភៈ វេលាម៉ោង២៣ត្រូវបានគោរពនៅក្រុងម៉ារីអ៊ូប៉ូល និងក្រុងDEBALTSEVE។ ប៉ុន្មានម៉ោងមុននេះមានការប្រយុទ្ធគ្នាយ៉ាងស្វិតស្វាញនានានៅជុំវិញទីក្រុងយុទ្ធសាស្ត្រ DEBALTSEVE ជាតំបន់ប្រសប់គ្នានៃបណ្តាញផ្លូវដែកហើយការបាញ់តគ្នាដោយកាំភ្លើងធំបណ្តាលឱ្យមនុស្សស្លាប់៣នាក់នៅភាគកណ្តាលក្រុងដូណេតស្ក៍ ។
ដំណាក់កាលទី២នៃផែនការសន្តិភាពគឺការដកបណ្តាអាវុធធុនធ្ងន់ពីខ្សែរណសិរ្ស ដើម្បីបង្កើតតំបន់ទ្រនាប់មួយមានប្រវែង៤០គ.មជុំវិញខ្សែបន្ទាត់រណសិរ្ស ។ នេះជាដំណាក់កាលលំបាកបំផុតនៃដំណើរការសន្តិភាព ។ ចាប់តាំងពីដើមខែកញ្ញាមក ភាគីច្បាំងគ្នាទាំង២ នៅតែបដិសេធពពុំព្រមដកកាណុង និងកាំភ្លើងធំពីខ្សែរណសិរ្ស ។ ម្យ៉ាងវិញទៀត សភាពការណ៍ហាក់ដូចជាផុយស្រួយនៅទីក្រុង DEBALTSEVE ដែលនៅទីនោះការប្រយុទ្ធគ្នានៅបន្ត ៕
ចែករំលែកព័តមាននេះ