ខេត្តមណ្ឌលគិរី ៖ ខណៈសណ្ឋាគារ ផ្ទះសំណាក់ជាងមួយពាន់បន្ទប់បានពេញណែនអស់សម្រាប់ភ្ញៀវទេសចរក្នុងស្រុកមកដើរលេងកម្សាន្តក្នុងឱកាសថ្ងៃឈប់សម្រាកសងក្នុងរដូវបុណ្យចូលឆ្នាំខ្មែរនេះ សូម្បីវត្តអារាម និងផ្ទះអ្នកភូមិក៏ត្រូវអ្នកទេសចរមួយចំនួនបានមកសុំស្នាក់បណ្តោះអាសន្ន ហើយអ្នកខ្លះទៀត ក៏បានមកបោះតង់នៅតាមទីរមណីយដ្ឋាននានា ដើម្បីសម្រាកលំហែនៅក្នុងខេត្តមណ្ឌលគិរី ។…
ខេត្តមណ្ឌលគិរី ៖ ខណៈសណ្ឋាគារ ផ្ទះសំណាក់ជាងមួយពាន់បន្ទប់បានពេញណែនអស់សម្រាប់ភ្ញៀវទេសចរក្នុងស្រុកមកដើរលេងកម្សាន្តក្នុងឱកាសថ្ងៃឈប់សម្រាកសង
ក្នុងរដូវបុណ្យចូលឆ្នាំខ្មែរនេះ សូម្បីវត្តអារាម និងផ្ទះអ្នកភូមិក៏ត្រូវអ្នកទេសចរមួយចំនួនបានមកសុំស្នាក់បណ្តោះអាសន្ន ហើយអ្នកខ្លះទៀត ក៏បានមកបោះតង់នៅតាមទីរមណីយដ្ឋាននានា ដើម្បីសម្រាកលំហែនៅក្នុងខេត្តមណ្ឌលគិរី ។
តាមរបាយការណ៍របស់លោក ងិន សុវិមាន ប្រធានមន្ទីរទេសចរណ៍ខេត្តមណ្ឌលគិរី ក្នុងរយៈពេល៥ថ្ងៃ ចាប់ពីថ្ងៃទី១៧ រហូតដល់ថ្ងៃទី២១ ខែសីហា ឆ្នាំ២០២០នេះ មានភ្ញៀវទេសចរជាតិ និងអន្តរជាតិ ចូលមកកំសាន្តនៅខេត្តនេះ មានចំនួនសរុប ៤៣.៧១៤នាក់ ក្នុងនោះ ភ្ញៀវទេសចរជាតិចំនួន៤៣.៥១០នាក់ ភ្ញៀវទេសចរបរទេសមានចំនួន ២០៤នាក់ បើប្រៀបធៀបចូលឆ្នាំ២០១៩ គឺមានការកើនឡើងចំនួន៦៨,៥៨% ។
លោក ងិន សុវិមាន បានឲ្យដឹងថា ក្នុងឱកាសថ្ងៃឈប់សម្រាកសងបុណ្យចូលឆ្នាំខ្មែរ នៅតាមបណ្តារមណីយដ្ឋាន ផ្ទះសំណាក់ សណ្ឋាគារ និងកន្លែងកំសាន្តនានាក្នុងខេត្តមណ្ឌលគិរី ក៏បានរឹតបន្តឹងក្នុងការអនុវត្តវិធានការណ៍ បង្ការទប់ស្កាត់ ការឆ្លងរីករាលដាលនៃជំងឺកូវីដ១៩ តាមការណែនាំរបស់ក្រសួងសុខាភិបាលផងដែរ។
បើតាមការបញ្ជាក់ពីអ្នកស្នាក់នៅតាមសណ្ឋាគារនិងផ្ទះសំណាក់បាននិយាយថា បន្ទប់ដែលពួកគេស្នាក់នៅមានការតម្លើងថ្លៃបន្តិចបន្តួចប៉ុនណោះ ព្រោះតែសមាជិកដែលទៅដើរលេងមានចំនួនច្រើន លើពីចំនួនកំណត់ដែលម្ចាស់បន្ទប់កំណត់។គេឡើងថ្លៃប្រមាណ១៥ទៅ២០% ដ្បិតការប្រើប្រាស់ទឹកភ្លើងនៅពេលបុណ្យទានដូច្នេះគឺច្រើនជាថ្ងៃធម្មតា ។
ដោយឡែក ករណីសន្តិសុខសណ្តាប់ធ្នាក់ក្នុងរយៈពេលប្រាំថ្ងៃនេះ គឺគ្មានហេតុការអ្វីកើតឡើងគួរឲ្យកត់សម្គាល់ឡើយ ព្រោះតែកម្លាំងសមត្ថកិច្ចបានដាក់ពង្រាយគ្រប់គោលដៅសំខាន់ៗ និងមានការជួយសម្រួលចរាចរណ៍ ទើបធ្វើឲ្យដំណើរកម្សាន្តរបស់ទេសចរគ្មានបញ្ហារាំងស្ទះឡើយ ។
ចំណែកការផ្គត់ផ្គង់ម្ហូបអាហារ បន្លែ ត្រី សាច់ គឺបានគ្រប់គ្រាន់ ទោះបីផ្សារក្រុងសែនមនោរម្យតូច តែអាចឆ្លើយតបទាន់ទៅនឹងសភាពការណ៏ជាក់ស្តែងបានយ៉ាងល្អ
ប្រសើរ៕
ចែករំលែកព័តមាននេះ