ខេត្តប៉ៃលិន ៖ បុរសវ័យចំណាស់ម្នាក់រងរបួសធ្ងន់ ហើយត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកខេត្ត ខណៈបើកបរក្នុងស្ថានភាពស្រវឹងដោយអត់ពាក់មួកសុវត្ថិភាពថែមទាំងអត់មានភ្លើងបំភ្លឺផ្លូវពេលយប់ ក៏ស្រាប់តែដួលប្រាវរងរបួសធ្ងន់តែម្តង បង្កឱ្យមានការភ្ញាក់ផ្អើលកាលពីម៉ោង៧និង១០នាទីយប់ ថ្ងៃទី១៨ ខែសីហា ឆ្នាំ…
ខេត្តប៉ៃលិន ៖ បុរសវ័យចំណាស់ម្នាក់រងរបួសធ្ងន់ ហើយត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកខេត្ត ខណៈបើកបរក្នុងស្ថានភាពស្រវឹងដោយអត់ពាក់មួកសុវត្ថិភាពថែមទាំងអត់មានភ្លើងបំភ្លឺផ្លូវពេលយប់ ក៏ស្រាប់តែដួលប្រាវរងរបួសធ្ងន់តែម្តង បង្កឱ្យមានការភ្ញាក់ផ្អើលកាលពីម៉ោង៧និង១០នាទីយប់ ថ្ងៃទី១៨ ខែសីហា ឆ្នាំ ២០២០ នៅចំណុចក្បែរក្លោងទ្វារវត្តអូររអិល ស្ថិតនៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា ជនរងគ្រោះខាងលើមានឈ្មោះ ព្រាច ភេទប្រុស អាយុ៤៥ឆ្នាំ រងរបួសធ្ងន់ រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ដោយបានបើកបរម៉ូតូម៉ាកវ៉េវ (wave) ពណ៌ទឹកប្រាក់លាយខ្មៅ គ្មានផ្លាកលេខ គ្មានមួកសុវត្ថិភាព គ្មានភ្លើងបំភ្លឺផ្លូវ ក្នុងទិសដៅពីកើតទៅលិច ។
ប្រភពបន្តទៀតថា មុនពេលកើតហេតុ គឺជនរងគ្រោះបើកបរក្នុងស្ថានភាពស្រវឹង ដែលធ្វើដំណើរពីក្រុងប៉ៃលិនឆ្ពោះទៅផ្សារព្រំ ក្នុងទិសដៅពីកើតទៅលិច លុះមកដល់ចំណុចកើតហេតុខាងលើ ដោយខ្វះការប្រុងប្រយ័ត្នផងនោះ ជនរងគ្រោះក៏ដួលម៉ូតូខ្លួនឯងប្រាវ បណ្តាលឱ្យរងរបួសធ្ងន់តែម្តង ។
ពាក់ព័ន្ធនឹងបញ្ហាគ្រោះថ្នាក់ចរាចរណ៍ខាងលើនេះ បច្ចុប្បន្នម៉ូតូត្រូវបានក្រុមគ្រួសារមកទទួលយកទៅជួសជុលបាត់ ចំណែកជនរងគ្រោះក៏ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិនផងដែរ ៕
ចែករំលែកព័តមាននេះ