ខេត្តសៀមរាប ៖ នេះបើតាមការបញ្ជាក់ពីលោក អៀង ពិសិទ្ធ អភិបាលស្រុកស្វាយលើបានប្រាប់ នៅរសៀលថ្ងៃទី១៧ ខែសីហា ឆ្នាំ២០២០នេះថា មានករណីគ្រោះថ្នាក់ចរាចរណ៍ ក្រឡាប់រថយន្ត ម៉ាក LUXES RX300 ក្តៅស្អុះចុះងូតទឹក ចំថ្ងៃចូលឆ្នាំទី១ នៅស្រុកស្វាយលើដោយខ្លួនឯង ពុំមាននរណាម្នាក់រងរបួសឡើយ ក្នុងចំណោម៤នាក់ បង្កឱ្យកកស្ទះចរាចរណ៍មួយសន្ទុះធំ ខណៈអ្នកដំណើរនាំគ្នាចុះមើល។
ហេតុការណ៍គ្រោះថ្នាក់ចរាចរណ៍ដោយខ្លួនឯងនោះបានកើតឡើង នៅវេលាម៉ោង១០និង៤០ នាទីព្រឹក ថ្ងៃទី១៧ ខែសីហា ឆ្នាំ២០២០ ត្រូវនឹងថ្ងៃចូលឆ្នាំទី១ នៅស្រុកស្វាយលើ ត្រង់ចំណុចស្ពានក្បាលប្រើស ចន្លោះគីឡូម៉ែត្រលេខ 46-47 ស្ថិតនៅភូមិអង្កាញ់ ឃុំស្វាយលើ ស្រុកស្វាយលើ ខេត្តសៀមរាប ។
លោក អៀង ពិសិទ្ធ អភិបាលស្រុកស្វាយលើបានបញ្ជាក់បន្ថែមថា គ្រោះថ្នាក់បង្ករឡើងដោយខ្លួនឯង ដែលមានរថយន្ត ម៉ាក LUXES RX300 ពណ៌ ទឹកមាស ពាក់ស្លាកលេខ ភ្នំពេញ 2N: 0890 សេរីឆ្នាំ2000 ។
អ្នកបើកបរឈ្មោះ នួន រឿន ភេទប្រុស អាយុ៣២ ឆ្នាំ រស់នៅភូមិថ្មី ឃុំព្រែកលាវ ស្រុកថ្មគោល ខេត្តបាត់ដំបង ហើយនៅក្នុងរថយន្តនោះមានអ្នករួមដំណើរក្នុងនោះចំនួន៤នាក់ ផងដែរ ប៉ុន្តែមិនមានអ្នកណាម្នាក់រងរបួសឡើយ ។
ក្រោយកើតហេតុកម្លាំងជំនាញបានចុះទៅដល់កន្លែងកើតហេតុ ដើម្បីជួយធ្វើចរាចរណ៍តាមដងផ្លូវ មិនឱ្យមានការកកស្ទះចរាចរាណ៍ និងធ្វើការវាស់វែងស្ទួចរថយន្តបង្កដោយខ្លួនឯងយកឡើងមកលើគោក។
មូលហេតុ អ្នកបើកបរក្នុងល្បឿនលឿន មកដល់ចំណុចផ្លូវកោងជាន់ហ្វាំងមិនជាប់បណ្តាលឱ្យក្រឡាប់ធ្លាក់ចូលទឹកប្រឡាយ ខូចខាតរថយន្ត ១ គ្រឿងស្រាល ។ បច្ចុប្បន្នកម្លាំងបានធ្វើការប្រគល់រថយន្តបង្កដោយខ្លួនឯងទៅឱ្យម្ចាស់យកទៅជួសជុលវិញ ៕
ចែករំលែកព័តមាននេះ