ជំនឿជនជាតិចិនលើដើមអំពៅ និងជើងធូបពីរោងអ្នកតា
សហគមន៍ជនជាតិចិនកាត់ខ្មែរ បានចាប់ផ្តើមរវល់វីវក់នៅក្នុងឱកាសត្រៀមរៀបចំទទួលអំណរសាទរឆ្នាំថ្មីប្រពៃណីជនជាតិចិន ដែលនឹងប្រព្រឹត្តទៅចាប់ពីថ្ងៃទី១៩-២០-២១ កុម្ភៈ ឆ្នាំ២០១៥ ។
សហគមន៍ជនជាតិចិនកាត់ខ្មែរ បានចាប់ផ្តើមរវល់វីវក់នៅក្នុងឱកាសត្រៀមរៀបចំទទួលអំណរសាទរឆ្នាំថ្មីប្រពៃណីជនជាតិចិន ដែលនឹងប្រព្រឹត្តទៅចាប់ពីថ្ងៃទី១៩-២០-២១ កុម្ភៈ ឆ្នាំ២០១៥ ។
សហគមន៍ជនជាតិចិនកាត់ខ្មែរ បានចាប់ផ្តើមរវល់វីវក់នៅក្នុងឱកាសត្រៀមរៀបចំទទួលអំណរសាទរឆ្នាំថ្មីប្រពៃណីជនជាតិចិន ដែលនឹងប្រព្រឹត្តទៅចាប់ពីថ្ងៃទី១៩-២០-២១ កុម្ភៈ ឆ្នាំ២០១៥ ។ ទិវាអបអរសាទរឆ្នាំថ្មី ឆ្នាំមមែ ឬឆ្នាំពពែ ជាពិធីអស្ចារ្យមួយសម្រាប់គ្រួសារ នីមួយៗ ព្រោះគេជឿជាក់ថា ពពែជានិមិត្តរូបនៃការនាំមកនូវលោភសំណាង និងភាពថ្កុំថ្កើងជាងសត្វទាំង១១ផ្សេងទៀត និងជំរុញឱ្យរីកចម្រើនផ្នែកសេដ្ឋកិច្ចដ៏ស្កុកស្តម្ភ ។
ប្រពៃណីទំនៀមទម្លាប់ រួមទាំងការឈប់សម្រាកនាអំទ្បុងពេលចូលឆ្នាំថ្មីនេះ ជនជាតិខ្មែរសែស្រទ្បាយចិន និយមទៅប្រារព្ធពិធីនៅវិហារចិន ឬហៅថា រោងអ្នកតាចិន ដើម្បីបួងសួងបន់ស្រន់សុំសេចក្តីសុខចម្រុងចម្រើន និងសំណាងល្អរកស៊ីមានបាន ពីទេវតាឆ្នាំថ្មី ដែលនឹងចូលមកដល់ ។ បន្ទាប់មកពួកគេត្រទ្បប់ទៅផ្ទះវិញ ដោយនាំយកទៅជាមួយនូវដើមអំពៅ និងធូបកំពុងឆេះ គ្រប់ៗគ្នា ។
តាមជំនឿទៅលើជើងធូប និងដើមអំពៅបាននិទានថា «កាលពីព្រេងនាយមានគ្រួសារមួយ បានប្រារព្ធពិធីសែនព្រេនបុណ្យចូលឆ្នាំថ្មី នៅរោងអ្នកតាមួយ ។ លុះចប់ពិធី២នាក់ប្តីប្រពន្ធនោះ ក៏វិលត្រទ្បប់ទៅផ្ទះវិញ ដោយកាន់ដើមអំពៅមួយដើម សម្រាប់ទុកផ្ញើ កូនៗដែលចាំផ្ទះ ។ ពេលទៅជិតដល់ផ្ទះ បានឃើញផ្ទះរបស់ខ្លួនត្រូវភ្លើងឆាបឆេះយ៉ាងសន្ធោសន្ធៅ ។ បុរសជាប្តីភ័យស្លន់ស្លោជាខ្លាំង ព្រោះគាត់ពុំមានអ្វីសម្រាប់យកទៅពន្លត់ភ្លើងទេ ខណៈនោះគាត់ក៏លើកយកដើមអំពៅដែលគាត់នាំយកពីរោងអ្នកតាទៅជាមួយនោះ គ្រវីទ្បើងបំណងវាយពន្លត់ភ្លើង ។ ដោយអំណាចឥទ្ធិពលអណ្តាតភ្លើងដ៏សន្ធោសន្ធៅនោះ ក៏ថមថយឥទ្ធិពលរហូតរលត់អស់ទាំងបុរសនោះពុំទាន់បានវាយពន្លត់ផង ។ តាំងពីពេលនោះមក ជនជាតិចិនក៏មានជំនឿថា ដើមអំពៅដែលនាំយកពីរោងអ្នកតាអាចនាំមកនូវសំណាងល្អ និងសុខសប្បាយដល់គ្រួសាររបស់ពួកគេ» ។
ចំណែកការនាំយកធូបពីរោងអ្នកតាត្រទ្បប់ទៅផ្ទះ ដោយមានទាំងភ្លើងនៅឆេះនោះ ព្រឹទ្ធចារ្យជនជាតិចិនអះអាងថា ធូបដែលដុតដើម្បីគោរពដល់អ្នកតាក្នុងរយៈពេល១៥ថ្ងៃដំបូង នៃខែមាយ គឺជាវេលាដ៏ពិសេសបំផុត ព្រោះអ្នកតាកំពុងស្ថិតនៅឋានសួគ៌ ដើម្បីនាំមកនូវសេចក្តីសុខត្រទ្បប់មកឱ្យសត្វលោកយើង គ្រប់ៗរូប ។ ដូច្នេះហើយទើបគេជឿជាក់ថា វានឹងនាំមកនូវសំណាងល្អ សុខភាពល្អ និងប្រកបរបររកស៊ីមានបានដល់ពួកគេពេញមួយឆ្នាំថ្មី ៕
ចែករំលែកព័តមាននេះ