ខេត្តសៀមរាប ៖ នេះជាវប្បធម៌ ប្រពៃណី សាសនា និងជំនឿ ដែលបានបង្កប់នៅក្នុងជីវិតរស់នៅរបស់ប្រជាជនកម្ពុជា ! ពិធីបួងសួងសុំសេចក្តីសុខ គឺជាពិធីមួយដ៏សំខាន់មិនអាចខ្វះបានឡើយ…
ខេត្តសៀមរាប ៖ នេះជាវប្បធម៌ ប្រពៃណី សាសនា និងជំនឿ ដែលបានបង្កប់នៅក្នុងជីវិតរស់នៅរបស់ប្រជាជនកម្ពុជា ! ពិធីបួងសួងសុំសេចក្តីសុខ គឺជាពិធីមួយដ៏សំខាន់មិនអាចខ្វះបានឡើយ ។
យោងទៅតាមការអនុញ្ញាតឲ្យឈប់សម្រាករយៈពេល៥ថ្ងៃរបស់រាជរដ្ឋាភិបាលកម្ពុជាសម្រាប់សង នៅថ្ងៃចូលឆ្នាំថ្មីប្រពៃណីខ្មែរ នៅព្រឹកថ្ងៃទី១៧ ខែសីហា ឆ្នាំ២០២០នេះ គឺស្ថិតក្នុងកាលវេលាដ៏ខ្លីឆ្ពោះទៅរកការបើកទំព័រថ្មី នៃព្រឹត្តិការណ៍សម្រាកសៀមរាបក៏មានការរៀបចំពិធីបួងសួង ដើម្បីនូវសុំសេចក្តីសុខ ក្នុងពេលដំណើរកាសម្រាកសៀមរាប ដែលបានប្រារព្ធឡើងនៅលើក្តារបែនមុខប្រាសាទអង្គរវត្ត ។
ពិធីនេះបានប្រព្រឹត្តទៅក្រោមអធិបតីភាពរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាល ចុះជួយខេត្តសៀមរាប ដោយមានវត្តមានចូលរួមពីលោក ហ៊ុន ម៉ានី ប្រធានសហភាពសហព័ន្ធយុវ ជនកម្ពុជា លោក អ៊ឹង ហឿន ប្រធានក្រុមប្រឹក្សាខេត្ត លោក ទៀ សីហា អភិបាលនៃគណៈអភិបាលខេត្ត និង លោកជំទាវ ដោយមានការអញ្ជើញចូលរួមពីសំណាក់លោក លោកឧកញ៉ា លោកជំទាវ សមាជិកក្រុម ការងាររាជរដ្ឋាភិបាល សមាជិកក្រុមប្រឹក្សាខេត្ត គណៈអភិបាលខេត្ត អគ្គនាយកអាជ្ញាធរជាតិអប្សរា ថ្នាក់ដឹកនាំមន្ទីរ អង្គភាពសហភាពសហព័ន្ធកម្ពុជាខេត្ត និងមន្ត្រីរាជការយ៉ាងច្រើនកុះករផងដែរ ។
កម្មវិធីសាសនា បួងសួងបារមីវត្ថុស័ក្តិសិទ្ធិទាំងឡាយលើលោក រួមមានបារមីប្រាងប្រាសាទអង្គរវត្ត និងប្រាសាទ បុរាណនានាកេរ្តិ៍ដំណែលស្ថាបត្យកម្មដូនតាខ្មែរ មានលោកតារាជ្យ លោកយាយទេព្យ ព្រះអង្គចេក ព្រះអង្គចម បារមីព្រះអង្គធំខ្នងភ្នំគូលែន ជា ដើមផង ដើម្បីសុំសេចក្តីសុខនៃកិច្ចដំណើរការព្រឹត្តិការណ៍សម្រាកសៀមរាប ប្រកបដោយជោគជ័យ សេរីមង្គលដ៏បវរ ប្រកបតាមសេចក្តីប៉ងប្រាថ្នា នៃប្រជាពលរដ្ឋខ្មែរ ព្រមជា មួយភ្ញៀវជាតិ-អន្តរជាតិ កុំបីក្លាយជាប្រការដទៃឡើយ ។
ម្យ៉ាងទៀតក៏សូមឲ្យបារមីវត្ថុស័ក្តិសិទ្ធទាំងពួងគង់ប្រថាប់នៅតាមប្រាង្គប្រាសាទនានា សូមជួយកំចាត់នូវជម្ងឺកូវីដ១៩ ជម្ងឺគ្រុនឈីក គ្រុនឈាម ជៀសចេញឲ្យឆ្ងាយពីពិភពលោក សំខាន់កុំឲ្យមានកើតកូវីដ១៩ មកលើប្រជាពលរដ្ឋខ្មែរគ្រប់រូប និងនៅលើទឹកដីអង្គរដ៏បវរនៃយើង ព្រមទាំងក្រោយបញ្ចប់វិបត្តិជម្ងឺកូវីដ១៩ អស់ពីលើពិភពលោក និងធ្វើឲ្យមានការទាក់ទាញភ្ញៀវជាតិ អន្តរជាតិចូលមកទស្សនាកម្សាន្តឲ្យកាន់តែច្រើនផងដែរ ។
បន្ទាប់ពីធ្វើកិច្ចទៅតាមបែបព្រះពុទ្ធសាសនារួចមក លោក តាអាចារ្យបានធ្វើសេចក្តីប្រកាស អំពាវនាវ ដែលបានប្រសិទ្ធីពិធីការ នាក្នុងឱកាសនោះ ពិធីបួងសួងសុំសេចក្តីសុខ គឺជាពិធីសាសនាដែលត្រូវបានរៀបចំប្រាព្ធឡើងតាមបែបព្រហ្មញ្ញសាសនាសុទ្ធសាធ ។ ដូច្នេះហើយទើបនៅក្នុងពីធីបួងសួងនេះ គេពុំឃើញមានការនិមន្តចូលរួមពីសំណាក់ព្រះសង្ឃនោះឡើយ ។
តាមរយៈនៃការប្រារព្ធពិធីបួងសួងនេះផងដែរ គឺបានបង្ហាញអំពីវប្បធម៌ប្រពៃណីរស់នៅរបស់ប្រជាជនខ្មែរ ដែលបានបង្កប់ជ្រៅនៅក្នុងជំនឿ និងសង្គម ។ ពិធីបួងសួងក៏ដូចជា ពិធីក្រុងពាលីផងដែរ គឺជាពិធីដែលស្ថិតក្នុងជំនឿតាមបែបព្រលឹងដែលប្រជាជនខ្មែរយើងមានជំនឿជឿថា នៅលើលោកនេះ អ្នកខ្លាំងពូកែដែលបានចែកឋានទៅពិតជាបានប្រើប្រាស់ព្រលឹងរបស់ខ្លួននៅតាមថែរក្សាកូនចៅជំនាន់ក្រោយៗ និងមើលការខុសត្រូវដោយឬទ្ធានុភាពជួយគាំទ្រកូនចៅដែលប្រព្រឹត្តិអំពើល្អ និងមានមនសិការស្នហាជាតិ ស្រឡាញ់ការពារទឹកដីមាតុភូមិ កេរ្តិ៍ដំណែលដូនតាដោយពិតប្រាកដ ។
ក្នុងពិធីបួងសួងរបស់លោក តាអាចារ្យ ក៏បានអំពាវនាវដល់បារមីវត្ថុសក្តិសិទ្ធ តាមបីបាច់ថែរក្សាថ្នាក់ដឹកនាំកំពូលៗនៅកម្ពុជា និងអាជ្ញាធរខេត្ត មន្ត្រីរាជការ ប្រជាពលរដ្ឋទូទាំងប្រទេសកម្ពុជា សាំន់ប្រជាពល រដ្ឋខេត្តសៀមរាប និងបងប្អូនដែលបានអញ្ជើញមកកម្សាន្ត នៅលើទឹកដីអង្គរ ក្នុងព្រឹត្តិការណ៍ សម្រាកសៀមរាប បានចូលរួមកំសាន្តតាមបែបប្រពៃណីសាសនា , ពិពរណ៌ ជឹះកង់កំសាន្តតាមព្រៃ ផ្សារទឹក និងពិពរណ៌បន្លែ ផ្លែឈើ ដែលជាកសិផលក្នុងស្រុក ជាផលិត ផលទាំង១២ក្រុង ស្រុក និងការប្រកួតម្ហូប អាហារ ,កីឡាវាយ កូនហ្គោល និងទស្សនាទស្សនីភាពនៅពេលរាត្រី ឲ្យទទួលបានតែសេចក្តីសុខសប្បាយ ៕
ចែករំលែកព័តមាននេះ