ខេត្តក្រចេះ ៖ ងាវកក Stork-billed Kingfisher ជាប្រភេទក្រុមបក្សី ដែលរស់នៅតំបន់ដីសេីម ហេីយមានវត្តមានពេញមួយឆ្នាំ រួមគ្នាដេីម្បីការពារ និងអភិរក្សសត្វស្លាបនៅកម្ពុជា ។ នេះបើយោងតាមក្រសួងបរិស្ថានបានចេញផ្សាយនាថ្ងៃទី១៤ ខែសីហានេះ ។
ក្រសួងបានបញ្ជាក់ថា បក្សីងាវកក មានទំហំពី ៣៧,៥-៤១សង់ទីម៉ែត្រ មានមាឌធំជាងបក្សីចចាតដ៏ទៃ ចំពុះធំក្រហម ចុងចំពុះរាងក្រម៉ៅ បន្ទូលក្បាលពណ៌ប្រផេះក្រម៉ៅ ស្លាបពណ៌ខៀវ និងចុងខ្នងពណ៌ខៀវខ្ចី ។
បក្សីប្រភេទនេះ រស់នៅតាមបឹងដែលមានដើមឈើដុះរាយប៉ាយ ឬ តាមស្ទឹងដែលមានព្រៃស្រោង ឬ ព្រៃរបោះ ។ ចំណែកការបន្តពូជបក្សីងាវកក គឺចាប់ពីខែមិនា រហូតដល់ខែឧសភា ហេីយពងចំនួនពី ២ ទៅ ៥គ្រាប់ ៕
ចែករំលែកព័តមាននេះ