មុននឹងធ្វើប្រយោជន៍ដល់ក្រុមគ្រួសារ និងសង្គមជាតិ បុគ្គលគ្រប់រូបគប្បីញុំាងប្រយោជន៍ខ្លួនឱ្យសម្រេចជាមុនសិន សមដូចពុទ្ធភាសិតថា បុគ្គលមិនគួរធ្វើប្រយោជន៍ខ្លួនឱ្យសាបសូន្យដោយច្រើនព្រោះតែប្រយោជន៍អ្នកដទៃឡើយ ។
ការស្គាល់ច្បាស់អំពីប្រយោជន៍របស់ខ្លួនប្រាកដហើយ គប្បីខ្វល់ខ្វាយធ្វើប្រយោជន៍នោះឱ្យដល់ព្រមជាមុនសិន បានសេចក្តីថា មនុស្សគ្រប់រូបត្រូវគិតពីបញ្ហារបស់ខ្លួនដូចជា ការខិតខំរៀនសូត្រចំណេះវិជ្ជាផ្សេងៗទាំងផ្លូវលោកទាំងផ្លូវធម៌ ខិតខំស្វែងរកទ្រព្យសម្បត្តិ ខិតខំបម្រើការងារក្នុងអង្គភាពដែលខ្លួនធ្វើការនោះនិងជាពិសេសទៀតគឺប្រព្រឹត្តតាមគន្លងធម៌ដ៏ប្រសើរដើម្បីក្លាយជាបុគ្គលសំខាន់ ព្រោះប្រយោជន៍ខ្លួនជាចំណែកមួយដំបូងគេ ដែលអាចផ្សាយចេញទៅជាប្រយោជន៍ដល់អ្នកដទៃបាន ។
ម្យ៉ាងទៀតសេចក្តីខុសត្រូវតែងកើតឡើងមុនសេចក្តីចម្រើន កាលបើមានសុខហើយ សេចក្តីចម្រើនក៏អាចកើតឡើងក្នុងកាលជាបន្តបន្ទាប់គ្នា ព្រោះហេតុនោះទើបបណ្ឌិតអ្នកប្រាជ្ញបង្ហាត់បង្រៀនមនុស្សឱ្យស្គាល់ប្រយោជន៍របស់ខ្លួនជាសំខាន់មុននឹងជួយអ្នកដទៃ ។ សាន សារិន
ចែករំលែកព័តមាននេះ