សម្តេច ស ខេង សម្រេចដកតំណែងស្នងការនគរបាលខេត្តកំពង់ធំជាបណ្តោះអាសន្ន
- ភ្នំពេញ
រាជធានីភ្នំពេញ ៖ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងម ហាផ្ទៃ បានសម្រេចដកដំណែងស្នងការនគរបាលខេត្តកំពង់ធំ លោក…
រាជធានីភ្នំពេញ ៖ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងម ហាផ្ទៃ បានសម្រេចដកដំណែងស្នងការនគរបាលខេត្តកំពង់ធំ លោក អ៊ុក កុសល ហើយ ។
យោងតាមប្រកាសរបស់ក្រសួងមហាផ្ទៃដែលចុះហត្ថលេខាធិការ ដោយសម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចផ្អាកការងារបណ្តោះអាសន្ន របស់លោក ឧត្តម សេនីយ៍ទោ អ៊ុក កុសល អត្តលេខ០៣៥៥២ ស្នងការនៃស្នងការដ្ឋាននគរបាលខេត្តកំពង់ធំ ដោយឲ្យមកបង្ហាញខ្លួននៅនាយកដ្ឋានបុគ្គលិក រៀងរាល់ម៉ោងធ្វើការ ដើម្បីរង់ចាំសម្រេចជាថ្មី ។
ចំណែកលិខិតប្រកាសផ្សេងដាច់ដោយឡែកពីគ្នា សម្តេចក្រឡាហោម ក៏បានផ្ទេលោកឧត្តមសេនីយ៍ត្រី អ៊ិត គឹមស្រ៊ន អត្តលេខ២០៥០១ស្នងការរងជាស្នងការស្តីទីនៃស្នងការដ្ឋាននគរបាលខេត្តកំពង់ធំ ។
លោក អ៊ិត គឹមស្រ៊ន ត្រូវទទួលបន្ទុកដឹកនាំការងាររួមនៅស្នងការដ្ឋានគរបាលខេត្តកំពង់ធំរហូតដល់មានការសម្រេចជាថ្មី ។ នឹងលិខិតមួយផ្សេងទៀត សម្តេចក្រឡាហោម ស ខេង ក៏បានសម្រេចផ្ទេភារកិច្ច លោកឧត្តម សេនីយ៍ត្រី អ៊ឹម សុគឿន អត្តលេខ៤២៩១១ ពីស្នងការរងទទួលបន្ទុកផែនការងារធនធានមនុស្ស នៃស្នងការនគបាលខេត្តកំពង់ធំ ឲ្យមកបម្រើការងារនៅនាយកដ្ឋានបុគ្គលិកវិញផងដែរ ៕
ចែករំលែកព័តមាននេះ