រាជធានីភ្នំពេញ ៖ លោកឃួង ស្រេង អភិបាលរាជធានីភ្នំពេញ បានព្រមានថា «បើសិនជានៅក្នុងខណ្ឌណាមួយមានលួចបើក ក្លឹបកម្សាន្តនិងខារ៉ាអូខេ ពពាក់ពពូន ហើយត្រូវបានកងកម្លាំងមានសមត្ថកិច្ចរបស់ស្នងការដ្ឋានរាជធានីភ្នំពេញ ធ្វើការបង្ក្រាបបានជាក់ស្ដែងនោះ នោះអភិបាលខណ្ឌនោះ នឹងមានបញ្ហាប្រឈមមុខនិងក្រសួងមហាផ្ទៃនិងរាជរដ្ឋាភិបាលហើយ» ។
ការលើកឡើងរបស់លោកឃួង ស្រេងអភិបាលរាជធានីភ្នំពេញបែបនេះបានធ្វើឡើងនារសៀលថ្ងៃទី១២ ខែសីហា ឆ្នាំ២០២០នេះ ក្នុងកិច្ចប្រជុំស្តីពីវិធានការទប់ស្កាត់ការរីករាលដាលនៃជំងឺកូវីដ-១៩ តាមក្លឹបកម្សាន្តនិងខារ៉ាអូខេ ក្នុងរាជធានីភ្នំពេញ នៅសាលារាជធានីភ្នំពេញដោយមានការចូលរួមពីអាជ្ញាធរខណ្ឌទាំង១៤និងមន្ទីរពាក់ព័ន្ធមួយចំនួនទៀត។
លោក ឃួង ស្រេង មានប្រសាសន៍លើកឡើងថា អាជ្ញាធរខណ្ឌទាំង១៤ ចំណុះឲ្យរដ្ឋបាលរាជធានីភ្នំពេញត្រូវចុះពិនិត្យ ក្នុងមូលដ្ឋានរបស់ខ្លួន ទៅលើទីតាំងក្លឹបកំសាន្តនិងខារ៉ាអូខេដែលបានកែប្រែទៅជាភោជនីយដ្ឋាន ថាតើ ទីតាំងទាំងនោះបានអនុវត្តទៅតាមវិធានរបស់ក្រសួងសុខាភិបាលដែរឬទេ ៕ (កែសម្រួលដោយ ៖ ធីតា)
ចែករំលែកព័តមាននេះ