ករណីនាយចំណង់បា.ញ់មេឃជាង២០គ្រាប់ មិនទាន់ដឹងចំណាត់ការ
- សៀមរាប
ខេត្តសៀមរាប ៖ មន្ត្រីកងរាជអាវុធហត្ថខេត្តសៀមរាប បានប្រាប់តាមទូរស័ព្ទ រសៀលថ្ងៃទី១២សីហា ថា លោក ស៊ុន ឌីណាត ដែលជានាយចំណង់ផ្នែកអន្តរាគមន៍ម្នាក់…
ខេត្តសៀមរាប ៖ មន្ត្រីកងរាជអាវុធហត្ថខេត្តសៀមរាប បានប្រាប់តាមទូរស័ព្ទ រសៀលថ្ងៃទី១២សីហា ថា លោក ស៊ុន ឌីណាត ដែលជានាយចំណង់ផ្នែកអន្តរាគមន៍ម្នាក់…
ខេត្តសៀមរាប ៖ មន្ត្រីកងរាជអាវុធហត្ថខេត្តសៀមរាប បានប្រាប់តាមទូរស័ព្ទ រសៀលថ្ងៃទី១២សីហា ថា លោក ស៊ុន ឌីណាត ដែលជានាយចំណង់ផ្នែកអន្តរាគមន៍ម្នាក់ និង ជាគ្រូហ្វឹកហ្វឺន ផ្នែកការពារបាតុកម្ម ដែលមកពីកងរាជអាវុធហត្ថលើផ្ទៃប្រទេស បាន ទាញកាំភ្លើងអាការ៤៧បាញ់ឡើងលើមេឃ ក្នុងទីបញ្ជាការកងរាជអាវុធហត្ថខេត្ត ដោយសាររឿងផ្ទៃក្នុង ត្រូវបានមេបញ្ជាការកងរាជអាវុធហត្ថខេត្ត ឱ្យប្រធានការិយាល័យបុគ្គលិករៀបចំសំណុំរឿង បញ្ជូនទៅឱ្យកងរាជអាវុធហត្ថលើផ្ទៃប្រទេសវិញ ហើយចំពោះចំណាត់ការយ៉ាងណានោះ ពួកគាត់ត្រឹមកូនចៅ គេមិនដឹងទេ ស្រេចតែថ្នាក់លើទៅ ព្រោះនេះជារឿងបុគ្គល ។
រីឯលោក ដា វី នាយការិយាល័យបុគ្គលិកនៃកងរាជអាវុធហត្ថខេត្តសៀមរាប បានប្រាប់តាមទូរស័ព្ទនៅវេលាម៉ោង១១ និង៣០នាទីថ្ងៃត្រង់ទៀតថា ចំពោះករណី លោក ស៊ុន ឌីណាត ដែលជានាយចំណង់នោះ លោកមិនបានដឹងអស់ទេ ស្រេចតែថ្នាក់លើទេ បើចង់ដឹងច្បាស់សួរមេបញ្ជាការកងរាជអាវុធហត្ថខេត្តទៅដឹងហើយ។ ប្រភពចេញពីមន្ត្រីកងរាជអាវុធហត្ថខេត្ត លួចបង្ហើបប្រាប់តាមទូរស័ព្ទថា ករណី លោក ស៊ុន ឌីណាត ដែលជានាយចំណង់បាញ់បោះនោះ ព្រោះខឹងថ្នាក់លើមិនសូវយកចិត្តទុកដាក់ដល់ពួកគាត់ ដែលជាមន្ត្រីអន្តរាគមន៍សោះឡើយ ។
ព្រោះពួកគាត់ ចុះធ្វើការមិនថា យប់ឬ ថ្ងៃ មានភ្លៀង ឬក្តៅ ក៏ពួកគាត់តស៊ូ ដើម្បីការពារជូនប្រជាពលរដ្ឋមិនដែលត្អូញត្អែរសោះឡើយ។ កុំថា តែរូបគាត់ គឺ មន្ត្រី ក្រោមឱវាទ ទាំងអស់ ក៏ ថ្នាក់លើគៀបសង្កត់ដែរ ជាពិសេស ខាងអន្តរាគមន៍ ដែលថ្នាក់លើបញ្ជូនមក គឺ កងរាជអាវុធហត្ថលើផ្ទៃប្រទេស ។ ប្រភពបានប្រាប់ទៀតថា ចំពោះលោក ស៊ុន ឌីណាត នេះ ប្រហែលខាងមេប៉េអឹមខេត្រាយការណ៍ទៅថ្នាក់លើឱ្យដកចេញ ឬ បញ្ជូន ទៅ កងរាជអាវុធហត្ថលើផ្ទៃប្រទេស ដូចពាក្យចាស់ តែង ពោលថា (មកពីណា គឺ ទៅ ណឹង វិញ )ឬ(មកពីដើមឈើ ណា ទៅវិញ នៅកន្លែងដើមឈើនោះទៅ)។
គួរបញ្ជាក់ផងដែរថា ហេតុបាញ់បោះសេរី ដោយកាំភ្លើង អាកា៤៧(AK47)អស់ប្រមាណជាង២០គ្រាប់ ដោយសាររឿងផ្ទៃក្នុង នៅកណ្តាលទីក្រុង ក្នុងបរិវេណទីបញ្ជាការកងរាជអាវុធហត្ថខេត្ត នោះ បានកើតឡើងនៅវេលាម៉ោងប្រមាណជាង៧ យប់ ថ្ងៃទី៨ខែសីហាឆ្នាំ២០២០ ស្ថិតនៅក្នុងភូមិមណ្ឌល២ សង្កាត់ស្វាយដង្គំ ក្រុង/ខេត្តសៀមរាប។គឺ នៅមាន មន្ត្រីបាត់អាគុយឡាន នៅក្នុងបរិវេណ ទីបញ្ជាការកងរាជអាវុធហត្ថខេត្ត កាលពីប៉ុន្មានថ្ងៃមុនផងដែរ។
ជុំវិញករណីនេះដែរ ក្រុមអ្នកកាសែតខេត្តសៀមរាប បានព្យាយាមទាក់ទងទៅលោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប ភ្នាក់ងារកោះសន្តិភាពមិនអាចសុំការបំភ្លឺ ពីលោក បានទេ នៅរសៀលថ្ងៃទី១២ខែសីហាឆ្នាំ២០២០នេះ ដោយសារការទំនាក់ទំនង ត្រូវបានកូនចៅលើក ថា ចាំសុំយោបល់ពី មេ ជាមុនសិន។
មជ្ឈដ្ឋាននានានៅក្នុងកណ្តាលក្រុងសៀមរាប រង់ចាំទន្ទឹង មើលថា តើវាសនា មន្ត្រី ប៉េអឹម លោក ស៊ុន ឌីណាត ដែលខឹងថ្នាក់លើ រឿងផ្ទៃក្នុង រហូតហាន ទាញ(AK47)បាញ់បោះសេរី បង្អើល សត្វប្រចៀវ អស់ប្រមាណជាង២០គ្រាប់ កណ្តាលក្រុងសៀមរាប ក្នុងបរិវេណទីបញ្ជាការដ្ឋានកងរាជអាវុធហត្ថខេត្ត ទាំងយប់នោះ អាចគេចផុតពីច្បាប់ដែរ ឬ ក៏ ត្រូវថ្នាក់លើ ដាក់ទណ្ឌកម្ម ឬ ផ្លាស់ប្តូរឱ្យទៅធ្វើការនៅកន្លែងផ្សេង៕
ចែករំលែកព័តមាននេះ