ក្រុងហុងកុង ៖ មហាសេដ្ឋីសារព័ត៌មានក្រុងហុងកុងលោកJIMMY LAIដែលត្រូវចាប់ខ្លួនកាលពីថ្ងៃទី១០សីហា ក្នុងប្រតិបត្តិការមួយរបស់ប៉ូលិស ក្នុងនាមនៃច្បាប់ស្ដីពីសន្តិសុខជាតិនៅហុងកុង ត្រូវបានដោះលែងវិញហើយកាលពីថ្ងៃទី១១សីហា។ មហាសេដ្ឋីវ័យជាង៧០ឆ្នាំរូបនោះ ដែលកាសែតស្និទ្ធប្រជាធិបតេយ្យរបស់លោកAPPLE DAILY…
ក្រុងហុងកុង ៖ មហាសេដ្ឋីសារព័ត៌មានក្រុងហុងកុងលោកJIMMY LAIដែលត្រូវចាប់ខ្លួនកាលពីថ្ងៃទី១០សីហា ក្នុងប្រតិបត្តិការមួយរបស់ប៉ូលិស ក្នុងនាមនៃច្បាប់ស្ដីពីសន្តិសុខជាតិនៅហុងកុង ត្រូវបានដោះលែងវិញហើយកាលពីថ្ងៃទី១១សីហា។
មហាសេដ្ឋីវ័យជាង៧០ឆ្នាំរូបនោះ ដែលកាសែតស្និទ្ធប្រជាធិបតេយ្យរបស់លោកAPPLE DAILY ជាកាសែតមានប្រជាប្រិយបំផុតនៅហុងកុង បានចេញពីស្នងការដ្ឋានប៉ូលិសនាពាក់កណ្ដាលយប់ ដោយមានអ្នកគាំទ្រលោកច្រើននាក់ចោមរោមដោយពួកគេនាំគ្នាស្រែកអបអរពិជោគជ័យរបស់ពួកគេ។
កាលពីថ្ងៃទី១២សីហាលោកបានអំពាវនាវដល់បណ្ដាអ្នកកាសែតរបស់លោក ឲ្យបន្តការប្រយុទ្ធចេញពីការិយាល័យនិពន្ធ។ លោកថាចូរយើងប្រយុទ្ធ។ ទោះបីយ៉ាងណាលោកទទួលស្គាល់ថា លោកមានការលំបាកកាន់តែខ្លាំង ក្នុងការគ្រប់គ្រងក្រុមហ៊ុនសារព័ត៌មានមួយនៅហុងកុង តែលោកថាយើងត្រូវតែបន្តការងាររបស់យើង។
មានអាយុ៧១ឆ្នាំលោកJIMMY LAIស្ថិតក្នុងចំណោមមនុស្ស១០នាក់ដែលត្រូវចាប់ខ្លួនកាលពីថ្ងៃទី១០សិហា ក្នុងប្រតិបត្តិការប្រឆាំងចលនាស្និទ្ធប្រជាធិបតេយ្យ មុនពេលប៉ូលិសលុកចូលឆែកឆេរក្នុងការិយាល័យនិពន្ធរបស់កាសែតលោក ដែលតែងរិះគន់ចំពោះក្រុងប៉េកាំង។
គួររំលឹកថា ៖ ចាប់ខ្លួនសេដ្ឋីម្ចាស់កាសែតក្នុងផ្ទះ មុនចូលឆែកឆេរក្រុមហ៊ុនសារព័ត៌មាន៕ ដកស្រង់ចេញវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ