ខេត្តកំពង់ឆ្នាំង ៖ នគរបាលបានឃាត់ខ្លួនស្ត្រីម្នាក់ឈ្មោះ ស៊ន គន្ធា អាយុ៣០ឆ្នាំ ជាស្ត្រីមេម៉ាយ ស្នាក់នៅផ្ទះជួលក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្មាំង…
ខេត្តកំពង់ឆ្នាំង ៖ នគរបាលបានឃាត់ខ្លួនស្ត្រីម្នាក់ឈ្មោះ ស៊ន គន្ធា អាយុ៣០ឆ្នាំ ជាស្ត្រី
មេម៉ាយ ស្នាក់នៅផ្ទះជួលក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្មាំង ពីបទប្រើអំពើហិង្សាក្នុងគ្រួសារ ដោយយកម្ជុលចាក់ជើងកូនប្រុសនិងប្អូនស្រីរបស់ខ្លួន បណ្ដាល ឱ្យរបួសបាតជើងទាំងសងខាងទាំង២នាក់ ។
ហេតុការណ៍នៃអំពើហិង្សានេះ កើតឡើងកាលពីយប់ថ្ងៃទី១០ ខែសីហា ឆ្នាំ២០២០ វេលាម៉ោងប្រហែល៨និង៣០នាទី នៅចំណុចផ្ទះជួលខាងលើ ។ កូនប្រុសដែលត្រូវម្តាយប្រើអំពើហិង្សានេះឈ្មោះ ស៊ន ធារ៉ា អាយុ១០ឆ្នាំ ចំណែកប្អូនស្រីឈ្មោះ ស៊ន ស្រីពៅ អាយុ៨ឆ្នាំ ។
បច្ចុប្បន្ន ស្ត្រីចិត្តក្តៅខាងលើរួមទាំងវត្ថុតាង ត្រូវបានឃាត់ខ្លួននៅអធិការដ្ឋាននគរបាលក្រុងកំពង់ឆ្នាំង ដើម្បីកសាងសំណុំរឿងចាត់ការតាមនីតិវិធី ។តាមប្រភពព័ត៌មានថា បានជាខឹងយកម្ជុលចាក់បាតជើងកូនប្រុសនិងប្អូនស្រីនេះ ត្រូវបានស្ត្រីរូបនេះសារភាពថា ដោយសារខឹងពួកគេមិនស្តាប់នាំគ្នាដើរលេងមិនចេះនៅផ្ទះ និងបានប្រៀនប្រដៅ២ទៅ៣ដងមកហើយ ។
នាល្ងាចថ្ងៃទី១១ ខែសីហា ស្ត្រីរូបនេះត្រូវបានឃុំខ្លួននៅស្នង ការ ដ្ឋាននគរបាលខេត្ត ខណៈកូនប្រុសនិងប្អូនស្រីដែលត្រូវបានចាក់ឲ្យរបួសជើងកំពុងព្យា បាលនៅផ្ទះ ។
ទង្វើបែបនេះ ត្រូវបានមជ្ឈដ្ឋាននានាថ្កោលទោសថា មិនគប្បីស្រី្តរូបនេះប្រកាន់យកការធ្វើទារុណកម្មបែបនេះឡើយ ។ សូមឱ្យរបួសបាតជើងរបស់ពួកគេជារបួសស្រាល ឆាប់ជាផងចុះ៕
ចែករំលែកព័តមាននេះ